終於捱唔住病倒了..咁大個女都未試過病得咁嚴重..亦都冇試過訓咁多覺

前日開始喉嚨痛..尋日開始咳..食左d消炎藥早左訓..以為會好d..點知

尋晚10點鐘就訓左..今朝起身打算返工..頭都洗埋..但係都頂唔順..拎支探熱針黎探下...39.6度...頭暈..頭痛..忽冷忽熱...成身好熱..但一有少少風吹埋黎就起雞皮...腳軟軟...諗左一陣..都係打俾老細請病假..打完俾佢之後吹番乾個頭繼續訓...9點幾細佬叫醒我..叫我去睇醫生...出左去食早餐之後去左睇醫生...哩條短短5分鐘既路程..今日對於我黎講..多麼的漫長..多麼的遙遠!!!

去到醫生到再探熱..102度...睇完拎埋藥..返到屋企食完藥再訓...3點幾再起身食藥..食完又訓...8點幾起身食野食藥...食完又訓...訓到依家12點幾...又起身食藥...今日成日就係咁過...訓訓訓不停咁訓...d藥又真係有d料到..食完又真係好d..起碼依家冇頭暈..冇頭痛..冇發燒..冇起雞皮...只係個人仲攰攰地..一兩聲咳咁...好彩聽日後日都放假..仲有2日時間俾我抖下

有個朋友27號生日..本來約好左今晚同佢食飯慶祝..sorry..突然既重病令我唔可以出席..遲d再食飯補數

眨眨眼..原來我好耐冇上過黎..好耐冇update過..早排突然有個衝動想delete晒哩到既文章..冇原因..只係心血來潮..但到諗起delete時要逐個逐個去delete..所以都係放棄左哩個念頭...以前都試過delete大量文章..其實都幾傷神..所以唯有擱置.............keke 懶人所為

今日7月1號..o岩o岩做左哩份工3個月..今日亦正式過左試用期...時間過得好快~~~需要慶祝嗎??我覺得冇咁既必要!!!!! 如果係慶祝來來去去都係得一個玩意..但我同自己講過..酒唔會唔飲..但唔會再飲太多...我知道同得身邊班朋友出去.冇人醉都唔會願走..而每次既target都會係我...酒量有幾勁都好..始終有滿瀉既一次...更何況..唔想再同你一齊出去飲酒...

近期換上一樣健康活動...bowling bowling男女喜愛玩球......haha...上星期一連兩日放假都同左哥哥去打bowling..哥哥仲送左個波波俾我..黎緊星期五就可以拎個私家波玩..好期待..

哥哥成日話我..叫我唔好咁悶..放假成日留o係屋企..搵d朋友出去玩下... (識我咁耐..都知身邊朋友係點..朋友可以o係邊到搵????) ...之前已經叫過我好多次同佢出去玩..只係我懶懶閒唔理佢...佢忍唔住上星期就捉左我出去...
成日話我打得唔好...大佬..你地一個星期上去6日..有d仲要有幾年底..我就淨係玩左2次...難道你地想我一步登天???

尋晚...冇啦啦俾爸B鬧鑊金既..話我d寶貝夜媽媽嘈亂巴閉..睇下幾時俾人投訴...咁之前都搵緊屋搬架啦..只係見成依家份工...2樣野之中只可以揀一樣...(1..keep住以前份工.人工高d..有多餘錢...2..轉工)...又係你地叫我轉份自己鐘意既工..唔好o徒錢搬...到依家又哩樣又o個樣...咁佢地又唔係冇啦啦嘈..只係有人返先嘈...要鬧我話佢地嘈..咁點解唔鬧佢地..叫佢地唔好夜媽媽返黎唧...又係我錯???嘈一兩聲又有幾大問題....真係有人投訴既..我咪帶佢地走囉...有咩咁大不了???????? 心情唔好..唔好搵我發洩!!!

識左差唔多７年．因為我冇聽一次電話就發晒脾氣．有必要咁樣咩？？如果我係特登唔聽既話就話唧．．但我真係唔知有ｍｉｓｓｃａｌｌ．解釋亦都解釋過．完全唔理會我既感受．大發雷霆．．老友．．幾時變到咁好火？？

我完全不知情既情況下．我都道歉．仲想我點？？真係想知我究竟有咩做錯？

係咪因為冇聽一次電話就冇朋友做？做朋友係咪咁兒戲？？都咁大個人．點解仲咁小朋友？？

一拖再拖..媽咪終於拎左d針返黎幫Michi打..一支狗房咳..一支預防針

打第1支既時候..Michi完全冇反應..只好奇地諗..點解抱我上枱既??
到第2支既時候..俾佢發現左..一吉落去..即扮晒野大叫..因為一隻手要捉實佢.另一隻手就打針..咁o岩耳仔o係佢個口隔離...一聲既大叫..攪到我o個刻聽唔到野..只係聽到d vivi聲...老友..玩野呀??

打晒2支之後放返個衰仔落地..依舊..又撩人玩..又跑黎跑去..仲唔係扮晒野.......

Ｍｉｃｈｉ細個頂帽．戴完個樣嬲到爆

靚靚既Ｂｉ姐

光脫脫既Ｂｉ姐

豬尾１條

Ｍｉｃｈｉ特徵係咩？？咪就係嬲爆爆．嬲晒成村人囉

爽呀~Ｂｉ姐光脫脫．淨番個頭＋半條尾

出於我手既．靚～

今日收工o係診所拎左個剷毛器返黎．自己落手落腳剷晒Ｂｉ姐ｄ毛．爽到暈～光脫脫

就咁樣．我又可以慳一筆喇

最衰Ｂｉ姐唔肯影相．如果唔係post　Ｂｉ姐個靚樣出黎～

仲有呀～Ｂｉ姐個頭係俾我剪到圓姑Look架．靚女到爆

剷完出黎．Ｍｉｃｈｉ係唔認得Ｂｉ姐架．Ｍｉｃｈｉ心諗．邊個黎架？光脫脫既．Ｂｉ姐呢？個低Ｂ仔仲走去廁所到搵Ｂｉ姐

Ｍｉｃｈｉ投訴．．媽咪．剷晒Ｂｉ姐ｄ毛．咁我咪冇得扯Ｂｉ姐ｄ毛囉！！平時扯到Ｂｉ姐叫晒架嘛．嬲你．冇得咬

期待一年一度既下水禮<---即我落水既日子

6/6．日光浴．．14/6．wakeboard．．27/6．日光浴
Ｓｏ　Ｈａｐｐｙ．特登調假黎陪我～麻煩生生性性唔好阻我玩樂．千祈唔好落雨．千祈唔好有突發事發生．．手趾公快ｄ好番

之前要求過打後都調假放星期三．四．最衰個老細唔俾．．如果唔係一定好多活動．．ＢＢＱ．踩單車．遊山玩水．吃喝玩樂．．乜都有

原定１８號晚去釣墨魚．因為星期三既關係．所以未必可以去到．．記得玩得開心ｄ．釣多ｄ墨魚返黎．影多ｄ相返黎俾我睇．睇相我一樣感受到你地玩時既快樂．睇相我都一樣開心

仲記得細細個o個時．跟過媽咪去釣墨魚．好好玩．好攪笑．仲要人仔細細都釣到好多隻架．．仲記得o岩o岩釣上黎即切生食．．超正超新鮮．．唔知幾時再有機會品嚐呢～