人神0既足本片出街出0左幾日，越0黎越多睇0左人神鬥0既朋友，出手寫喇！今日我又post多幾個出0黎，等各位愛人神0既朋友分享0下！

仲有如果你自己有寫，或是睇開人地個hompy同blog 0既時候，見人有人寫人神，都可以post條link俾我，我一樣會擺出0黎ga！睇完咁正0既show，梗係要傾返夠本先得啦！

曉諾 - 高舉那個大會入場派發的小燈泡，整個會場像極無雲星夜

神化白痴豬扒兔 - 自拍人神鬥

大家等到人都癲0既.......

人神鬥足本放送，今晚8月23號 02:00am

media.now有得睇！

大家睇完尋秦記之後，再去掃埋無間音樂，就差唔多喇。

咁到02:00am，記得即刻click 開人神鬥睇啦！

click here 人神鬥足本放送  襯熱睇啦喂！

而且今次仲有野送俾一眾MEDIA.NOW會員tim，等大家0係屋企睇好似去0左現場睇一樣呀！，好似有:-

1) 碩果僅存0既場刊。擺0係自己張電腦椅度，十足十去0左現場咁呀！

2) 超限"人無你有"人神工作人員T-SHIRT。將件T俾媽子著，咁你睇NOW版人神0既時間，就好似有工作人員陪係咁喇。(你仲可以試0下叫你媽子MIT飛同帶位TIM....你敢咪試試囉.....)

3) 同勁大塊人神拉大BANNER。勁大塊BANNER，勁大個EASON MAVIS AT17 師兄.............擺0係電腦附近，好似有ARTISTE陪你睇呀！

前幾日 邀請0左咁大家去做一件事，

就係有睇人神0既話將私人觀後感post上0黎，而家有d成績喇。

睇下大家有咩講....

橡皮糖小公主 - at17~好笑搵到我啲童年時

失落記事簿 - 睇完人神俾警察查牌的奇遇

人神鬥0既選段已經出街大家記住留意,

而足本full show將會0係下星期8月23號出街，

千萬唔好錯過喇！

人神鬥選段率先睇 click here

人神第一場現場尋晚已經完成！

尋晚小弟親身殺落場，企0係台側面(無位坐呀...陰公)，欣賞人神。

好正，感覺真係勁好FEEL！原來用音樂說故事原來真係咁得0既，成個SHOW淨係靠一首又一首0既歌，加埋全體ARTISTE非常落力演出，我睇到一個好豐富0既SHOW。

可能係大家第一次要同時唱歌跳舞做戲，不諱言第一晚有少少唔記得歌詞，有少少跳錯半步0既情況出現。但係一班表演者0既誠意0係肯定0既。

足本片段將會0係8月23號出街，大家記住睇喇！

我自已就特別鐘意MAVIS同EASON果PART喇。佢地兩個一口氣跳出好幾款唔同0既舞蹈，BOLLYWOOD/BELLYDANCE 呀，WALTZ呀，去跳咁多咁唔同0既舞，明顯睇得出佢地兩個係落過唔少苦功。而且最後仲有兩者國際級舞者Billy and Katie，令人嘆為觀止0既高難度舞步，好震撼！

如果大家睇完人神，又有0係hompy/blog寫低自己0既觀後感。不如0係下面post 個url俾我，咁我會放0係呢度，將你0既心聲同大家share一下。睇完一齊吹個水！

大家好！我係人神鬥愛神。我同大家一樣，都係勁愛人神鬥。自問係人神鬥第一號fans。

0係人神鬥入面，大家見到劉浩龍情歌愛神，at17金錢愛神，范曉萱情慾愛神，詹瑞文回憶愛神，何超儀同soler0既恨意愛神........好多好多愛神，每人分飾一角，鬥愛eason，組成人神鬥個show。

但係我敢講句，我同你先會係成個人神鬥最重要0既愛神，點解？因為我地比其他愛神更勁，佢地一人一part，而我地就.......

嗌個口號先：

我一個愛神，睇晒成個人神！

無錯喇！而且我地先將會係睇得人神鬥最多0既一班人，基本上，係無限任睇又得，睇完後面先睇前面又得。最忠實0既人神fans就係我地啦！

所以，成個人神鬥期間，由等佢開始到820播足本片，到睇完晒片大家有野傾，我都會同你一齊過。一齊睇實晒成個人神！

想知一班最愛人神0既人會點過，加入我地，成為人神！820！