今年中國舉辦奧運，身為中國人當然支持，而且撇除政治，體育運動比賽非常好睇。我就最鍾意跳水、游水、女排同羽毛球。唔知今年有冇機會睇到呢ｄ決賽呢？

唔睇新聞都唔知，原來奧運聖火唔係就咁點著佢，而係要有儀式去採集，利用太陽熱能聚焦點燃聖火。

以下節錄自蘋果日報２００８年３月２５日港聞

希 臘 古 競 技 場 採 聖 火    奧 運 起 步

11 時 40 分 ， 取 火 儀 式 開 始 。 在 鼓 聲 伴 奏 下 ， 身 穿 白 色 古 希 臘 傳 統 長 裙 的 20 名 女 祭 司 ， 緩 步 走 進 赫 拉 神 廟 ， 待 由 希 臘 著 名 女 演 員 娜 芙 普 利 都 （ Maria Nafpliotou ） 擔 任 的 最 高 女 祭 司 ， 在 祭 壇 高 舉 火 種 罐 ， 又 用 如 天 籟 的 歌 聲 唱 起 奧 林 匹 克 聖 歌 《 致 阿 波 羅 神 》 ， 向 太 陽 神 阿 波 羅 祈 禱 告 。
祈 禱 後 ， 這 名 著 名 舞 蹈 家 及 演 員 用 半 圓 形 凹 面 鏡 將 陽 光 聚 焦 ， 透 過 高 溫 引 燃 聖 火 ， 點 著 火 炬 。 火 炬 最 快 可 在 五 秒 點 燃 ， 但 五 秒 過 去 ， 還 不 見 火 ， 約 兩 分 鐘 後 ， 終 於 點 燃 起 火 種 。 這 一 刻 ， 11 時 48 分 ， 全 場 歡 呼 。
採 集 聖 火 成 功 ， 男 女 祭 司 們 跳 起 帶 有 宗 教 色 彩 的 舞 蹈 。 按 照 古 希 臘 的 傳 統 ， 一 位 父 母 雙 全 的 男 孩 摘 取 一 支 象 徵 和 平 的 橄 欖 枝 ， 交 給 最 高 女 祭 司 。 12 時 12 分 ， 最 高 女 祭 司 在 古 奧 林 匹 克 競 技 場 入 口 處 ， 以 聖 火 點 燃 跪 接 的 第 一 名 火 炬 手 、 曾 獲 2004 年 雅 典 奧 運 銀 牌 的 希 臘 跆 拳 道 運 動 員 尼 克 拉 澤 斯 手 中 的 火 炬 ， 並 用 古 希 臘 語 說 ： 「 將 聖 火 傳 遞 給 世 界 ， 告 訴 人 們 奧 運 會 就 要 開 始 了 。 」

奧 運 聖 火 Q & A

奧 林 匹 克 運 動 會 的 起 源 ？
起 源 於 古 希 臘 祭 祠 宙 斯 神 的 慶 典 ， 每 四 年 一 次 在 奧 林 匹 亞 舉 行 ， 祭 祠 期 間 會 舉 行 體 育 比 賽 。 考 古 學 家 相 信 首 屆 古 代 奧 運 會 ， 是 在 公 元 前 776 年 舉 行 。

聖 火 傳 遞 期 間 熄 了 怎 辦 ？
須 用 安 全 燈 保 存 的 奧 運 聖 火 火 種 重 新 點 燃 ， 萬 一 安 全 燈 也 熄 滅 了 ， 必 須 到 希 臘 重 新 採 集 奧 運 火 種 。 1988 年 漢 城 奧 運 會 ， 聖 火 傳 遞 期 間 曾 一 度 熄 滅 。

奧 運 聖 火 是 首 次 傳 到 香 港 嗎 ？
不 是 ， 1964 年 東 京 奧 運 聖 火 曾 傳 到 香 港 ， 多 名 香 港 運 動 員 參 與 聖 火 傳 送 儀 式 。 現 任 香 港 奧 委 會 秘 書 長 彭 沖 當 年 曾 以 田 徑 選 手 身 份 ， 在 香 港 傳 送 奧 運 火 炬 。

奧 運 火 炬 傳 遞 由 何 時 開 始 ？
奧 林 匹 克 聖 火 在 古 代 奧 運 會 上 燃 燒 以 紀 念 古 希 臘 神 話 中 ， 普 羅 米 修 斯 從 宙 斯 手 中 偷 來 的 火 。 1928 年 奧 運 會 開 始 有 燃 點 聖 火 儀 式 ， 但 傳 遞 聖 火 則 由 1936 年 柏 林 奧 運 會 開 始 。

奧 運 曾 出 現 沒 有 冠 軍 的 賽 事 嗎 ？
1912 年 瑞 典 斯 德 哥 爾 摩 奧 運 會 ， 摔 跤 決 賽 雙 方 拼 鬥 了 9 小 時 ， 居 然 不 分 勝 負 ， 裁 判 只 好 宣 佈 停 止 比 賽 ， 由 於 當 時 沒 有 並 列 冠 軍 的 規 定 ， 裁 判 員 只 好 判 兩 名 運 動 員 並 列 第 二 。

在 飛 機 上 如 何 運 送 聖 火 ？
從 希 臘 採 集 來 的 奧 運 聖 火 ， 飛 行 期 間 會 安 裝 在 一 個 類 似 礦 工 的 特 製 安 全 燈 罩 中 ， 可 防 強 風 、 大 雨 ， 抗 摔 並 可 防 腐 。 1952 年 ， 赫 爾 辛 基 奧 運 會 首 次 以 飛 機 將 火 種 空 運 到 丹 麥 ， 再 傳 遞 到 芬 蘭 。

那 一 屆 利 用 衞 星 傳 遞 聖 火 ？
1976 年 蒙 特 利 爾 奧 運 會 用 衞 星 和 激 光 技 術 將 聖 火 由 希 臘 傳 到 蒙 特 利 爾 ， 原 本 要 九 星 期 的 傳 遞 時 間 大 大 縮 短 到 兩 日 ， 令 活 動 失 去 了 原 來 意 義 ， 1980 年 奧 運 會 恢 復 了 傳 統 的 接 力 方 法 。

那 位 中 國 運 動 員 贏 得 第 一 枚 奧 運 金 牌 ？
1984 年 洛 杉 磯 奧 運 會 上 ， 27 歲 的 中 國 射 擊 選 手 許 海 峰 以 566 環 的 成 績 獲 男 子 自 選 手 槍 慢 射 金 牌 ， 成 為 首 位 摘 取 奧 運 金 牌 的 中 國 運 動 員 ， 當 時 由 國 際 奧 委 會 主 席 薩 馬 蘭 奇 為 他 頒 獎 。

奧 運 何 時 首 次 作 衞 星 轉 播 ？
1964 年 東 京 奧 運 會 ， 美 國 發 射 辛 科 姆 通 訊 衞 星 ， 首 次 向 全 世 界 轉 播 奧 運 會 ， 東 京 更 修 建 一 個 高 達 331.36 米 的 電 視 發 射 塔 。 運 動 場 地 內 裝 置 了 特 殊 電 視 ， 選 手 們 可 以 由 此 知 道 比 賽 結 果 。

奧 運 村 從 何 時 開 始 出 現 ？
1924 年 第 8 屆 巴 黎 奧 運 會 ， 主 辦 單 位 第 一 次 將 參 加 者 集 中 安 置 在 特 建 的 木 製 房 屋 裡 ， 這 是 最 早 的 奧 運 村 。 從 1932 年 洛 杉 磯 奧 運 會 開 始 ， 每 屆 均 有 奧 運 村 供 運 動 員 居 住 。

赫 拉 神 廟 的 起 源 ？
點 燃 聖 火 儀 式 在 奧 林 匹 亞 的 赫 拉 神 廟 舉 行 。 神 廟 初 建 時 ， 是 獻 給 宙 斯 的 ， 後 來 改 為 奉 獻 給 赫 拉 ， 即 宙 斯 的 妹 妹 和 妻 子 。 神 廟 在 公 元 四 世 紀 時 在 地 震 中 摧 毀 ， 至 今 沒 重 建 。

雖然未當選之前已經係低調簡樸，但好地地一個總統夫人，係咪仲需要同人迫公車呢？

某程度上，俾我感覺似係一種政治手段、一個政治騷。好似佢要令民眾覺得總統親民，不拘小節，令人感覺呢個總統係體會平民生活點滴。唔係話節儉係有問題，但佢又有冇諗過，以佢知名度，根本就會惹起社會不穩呢？保安係最嚴重問題，尤其台灣政治氣氛濃厚，又有陳水扁槍擊事件（不論真與假喇），佢響咁多人既地方出現，反對派要攻擊佢簡直易如反掌。再者，自己個身分係咁特殊，又要搵幾個保鑣保護，倒不如坐私家車吧。

唔知係咪睇得太多電影，呢幾日追返＜獨家試愛＞（Marriage with a fool）同＜十分愛＞（Love is not all around），再睇埋＜我的最愛＞（L for Love; L for Lies），愈來愈發覺感情既虛偽。

我深信戲入面既劇情響現實的確存在，身邊朋友甚至自己亦有呢ｄ經歷。正正因為咁，變得令自己更相信人係唔可信，身邊既伴侶亦可能係背叛自己既一位。睇返呢３套戲既英文劇名，已好白咁講出愛情係幾兒嬉。每集片尾總會唔係人人期望既ｈａｐｐｙ　ｅｎｄｉｎｇ，而係表達一ｄ擁有僥倖心態既人重蹈覆徹既結局。人係貪新忘舊既，總渴望被多人憐愛，結果貪婪引致得一想二既心態。疑心變成倆人感情其中一種必然元素，互相猜度成為倆人催化或破壞雙方關係既所謂情趣。

三套戲之中，最有共鳴既係＜獨家試愛＞，而＜我的最愛＞想表達既野都有好多，其中一ｄ情節都套用到響自己既回憶上。＜十分愛＞既背景唔係幾似我，而且搵森美做主線實在係一大敗筆，好難將自己代入角色，係幾套之中最差既一套。

今日返工同同事Ｅ傾開，大家忽然講開舊同事Ｔ。原來同事Ｅ之前真係幫佢間公司做過野，而且仲話同佢有涉及錢銀上既爭拗。

其實同事Ｔ一向都係過於保護自己，睇得自己好大好重，呢個係一個事實。當年同佢一齊返工時已知道少少，佢把口可以呃得下氹得下人，而佢對於自己冇益處既野，佢係唔會答你既問題，但佢就會用同一問題問返你。同事Ｅ話佢上次請佢時大家同意人工係＄２０００加３０％佣金，但幫手做左半年，竟然人工唔係期期一樣，減左幾百蚊，佣金到出糧時又由３０％減至１０％。連公司卡片都要自己出錢印，而幫公司ｄ客聯絡既手提電話都要佢出錢買，非常計較！一話辭職，即刻反轉豬肚，同人按日計返清楚仲欠公司幾多錢，仲夠膽問同事Ｅ拎返部電話！！真係講錢失感情，同事Ｅ同佢之後到冇聯絡，到依家都有大半年，佢都叫我小心ｄ～

好既時候就朋友兄弟，一涉及錢，大家既感情就會變質。世途險惡，都係以前學生時代既朋友先交到心。

台灣大選終於塵埃落定，國民黨馬英九勝選，結束八年陳水扁政局。今年民進黨節節失利，無他，政權在手，但政績一塌糊塗，民生不單止未有改善，而且經濟未能有突破。台灣政治一向俾人既感覺都係混亂，藍綠經常對壘令人生厭，台灣人好似有種非白即黑既明確分野。

對香港黎講，馬英九當選應該會令整個政局平穩ｄ，但佢主張既三通、一中政策同對中國既態度，對香港似乎唔係一個好好既徵兆。香港依家好多台灣既轉機客，如果兩岸三通全面實施，佢地可以直接來往中國，而且大陸機場起落費平香港好多，香港可能因此失去一批航線／客貨量，要成為國際交通樞紐中心又遠一大步。而中央為左令小馬哥政權更順利，俾ｄ經濟上既甜頭，部分台商亦有機會改於大陸設立據點，香港又係輸家。

香港其實有好多暗湧，不單面對大陸經濟上既富強威脅，而且對台灣既依賴貢獻亦愈來愈少，前景堪虞。

或者自己多心喇，不過眼見香港近年政治風氣同官員既辦事態度，無不令人憂心．．．

就好似電腦既「我的最愛」咁......「我的最愛」永遠都有好多，鍾意既就keep，唔鍾意既就delete

我食梗你架啦！你都係硬食我

你有無試過比最好既朋友搶左你男朋友呀

你好cute；你好蠢；你好Q蠢

愛情係要講timing架，而你既timing，令我地只可以當對方係後備。就算大家鍾意大家，timing唔啱就只可以做後備架咋

愛情同踢波一樣，都有分正選同後備.....其實我地大家只可以當大家係後備，無可能係正選，就係大家都當大家係後備，好多野得過且過，如果真係拍拖既話，咩缺點都會見到晒，大家未必頂得順....

你唔好怪我Check你電話
對我黎講，check電話就同行街唱k一樣
係我既嗜好...
我黎M個陣就係大晒，你咩都要就晒我
但你都係一個月就我幾日啫！
我發脾氣個陣講既野，你唔好當真呀～
我話唔想即係想；
我話唔好即係好；
唔鍾意即係鍾意；
唔愛即係愛！
我發脾氣要走，你一定要追返我
我唔想係街上面d玻璃或者倒後鏡度睇你有冇跟住我
我希望你身邊所有女人都係豬扒、師奶
我唔係真係想減肥，而係我想聽到你講：「你唔使減啦．無論你係點我都鍾意」
我覺得冇安全感，係因為我太愛你，唔想冇左你！

其實我地大家，只可以當大家係後備，冇可能係正選

睇返呢幾日既新聞片段，西藏既所謂「動亂」，令我想起一個畫面－８９六四。人民示威，中央出動解放軍駐守。之後解放軍有軍車同裝甲車入城，軍方仲要持槍。「中國人不打中國人」，六四時出現過既口號，忽然諗返起。官員依然睜眼眼講大話，佢當ｄ人民係傻既。雖然佢仲新聞封鎖，但國際記者依然專業，佢地傳送返黎既片段，記所有中央官員一個耳光。佢地仲夠膽講冇開過槍，同六四當時袁木話天安門廣場上冇死過人一樣！今日仲話要所有記者離開，仲唔係身有屎，想大肆纖滅異己！一個國家做法咁小人，經濟再好都唔會成為大國，好難怪國際社會會怕左你。

中國搞奧運，本應就唔應該同政治混為一談。只係當年中國申辦時承諾對人權同異見既尊重，依家貨不對辦，自打嘴巴，奧運好似變成中國粉飾太平既手法。

我的最愛

故事內容

寶(鄧麗欣飾)本來是一個幸福無比的女孩子，她跟青梅竹馬的男友俊，畢業後開了一家小小的甜品店。寶一心憧憬待生意穩定下來後，她便會跟俊共諧連理。

好景不常，寶一天重遇了多年不見的舊同學琪(曾愷玹飾)，琪看上了好男人俊的勤奮上進，竟不念跟寶的姊妹情誼，橫刀奪愛。可憐的寶不但賠掉一段視若瑰寶的愛情，也失去了辛苦創立的甜品店，落得一個人財兩失的悲傷下場。

蚊(唐寧飾)是寶的好姊妹，她有一個拍拖多年的男友風(胡清藍飾)。漂亮動人的蚊卻常常瞞着木納內向的風在外頭發展一段又一段短暫的霧水情緣。蚊不是不愛風，她只是認定忠心的風一定不會離開自己，蚊不願做一個從一而終的人。

被俊拋棄後，寶在一家百貨公司當上化妝小姐。寶的女上司娟忽然宣佈結婚的喜訊，還邀請眾同事一起吃飯慶祝，飯局上，寶發現比娟年輕很多的未婚夫十分臉熟，正是自己的舊鄰居強(方力申飾)，可是強一直跟寶扮作不相識。

一個月後，娟突然宣佈取消婚禮。寶在同事口中知悉，娟的半生積蓄，據聞都被人間蒸發的強夾帶私逃了。

寶在街上竟然再一次重遇了強，強身邊己經換了一位新的獵物。寶跟踪強卻被發現，作賊心虛的強以為寶欲告發自己。怎料寶卻向強提出另一個要求，她願意出高薪僱用強去欺騙琪。寶矢志要琪狠嚐人財兩失的滋味。

騙術高明的強果然成功把琪弄得神魂顛倒，被琪移情過別戀的俊竟重新向寶展開追求，但情過境遷的寶，此刻對俊已經沒有感覺，因為內心深處，她不知不覺地愛上了一個人，就是那個她用錢請回來的情場殺手——強。

在情場上千帆過盡的蚊，終於有點疲倦了，決定跟風一起建立穏定的未來。但風竟然向蚊提出分手，真相是這半年來，風瞞着蚊，跟同事輝的女友敏(楊愛瑾飾)秘密地發展一段「後備情人」的關係。一腳踏兩船的風，最後決定捨棄蚊，選擇跟敏重新開始。

以為是情場老手的蚊，怎會想到被自己玩弄在股掌之間的風，原來早在背後默默起革命。

故事中七個主人翁，在愛情遊戲上玩得興緻勃勃：但愛情這場遊戲，沒有遊戲規則，正如這個世上，沒有奇怪的愛情，只有奇怪的人。

不同的人去玩愛情這場遊戲，結局已經是峰迴路轉。

映後感

愛情本來只係兩個人既事，但如果加上引誘，愛情可以好複雜。

呢套片話佢好睇，我一定話唔係，演員水準唔夠係其一要害。不過佢可以帶出好多現代感情既實況，年青人睇就一定有共鳴。

互相愛慕，然後由愛情變感情，一方受唔住新鮮感既引誘而越軌；一個曾為感情創傷，面對眼前感情時小心奕奕，過份保護自己而不知不覺傷害左對方，蓋過自己對對方既真感情；情人背叛，立心報一恥之仇，利用感情去爭回失去既感情，但到後來只有再一次被騙去感情，天真；不懂表達自己內心，怯於表白，只好眼巴巴看著所愛一個一個的溜走．．．

幾個故事，帶出既意思都係話感情係虛偽。就算大家拍左咁多年拖，甚至到談婚論嫁既一刻，都未知對方情在何方，佢係咪真心？係咪忠心？年青人對感情既兒嬉，比唔上老一輩既穩重。呃呃氹氹、互不信任、彼此出賣．．．呢ｄ叫做感情嗎？

估唔到曾愷玹做呢個第三者／耍手段者非常稱職，夠入戲。我都好ｓｕｒｐｒｉｓｅ做人情婦既Ｍｉｋｉ做戲好過Ｓｔｅｐｈｙ，而且女人味重ｄ，幾ｃｈａｒｍｉｎｇ。幾鍾意唐寧，佢今次都只係不過不失，中前段其實都冇乜問題，敗筆就係響樓梯同胡清藍表白一幕，明明應該係有少少ｔｏｕｃｈｉｎｇ（「當我發脾氣果陣，我話唔要即係要；我話唔想即係想。我叫你走，你一定要追返我，我唔想響倒後鏡度睇下你有冇追黎」，其實感覺幾似張柏芝響＜我家有一隻河東獅＞一幕，或古天樂同梁詠琪響＜戀情告急＞最尾個幕），但交唔到戲，咇唔出眼淚。王祖藍個幾個位係就係幾好笑（其實係非常好笑），但套戲本身唔係喜劇，佢既演出就太浮誇，而且有少少過左火位。森美出場完全九唔搭八兼冇說服力，破壞晒成套片既氣氛。

至於兩位主角．．．方力申表現中規中矩，但演反角說服力欠奉。Ｓｔｅｐｈｙ今次我覺得做得差過＜獨家試愛＞，角色扮天真女仔，唔駛把聲都扮低能呀，佢醉酒個幕係演得最差既一節。佢唔係畫面有支啤酒，我真係唔知原來佢係演緊醉酒。而兩個男主角．．．演技同表情真係不敢恭維。

總體黎講，有經歷既會會心微笑，中ｐｏｉｎｔ有共鳴。否則，爛片一套，不看也罷。