福 @ 咖啡或荼

在遊花園的同時, 在下自己卻迷失了. 可以坐下來歇一歇嗎?

全部文章 | 日記 - 花園中心~ | 音樂噴泉 | 電影國度 | 遊戲園地 | 旅行資料詢問處 | 文化小徑 | 電腦控制中心 | 動漫旮旯

早兩日返左屋企, o係櫳底摷左本書出黎. 在下已經唔記得準確既時間, 好似係上年用HSBC信用卡o係商務買書有優惠既時候買既.

Anyway, 呢本書在下一直偷偷收藏好, 嚴如對待三級刊物; 生怕被人發現一樣...無他既, 因為在下極驚俾人話自己變態 _|||
在下所講既書正係高慧然小姐所寫既: <<因為快樂 所以痛苦>>

認識高小姐既文章係o係因為o係蘋果既副刊睇到佢既專欄. 佢俾在下既感覺係佢真係好"女人". 對於一切女性想法都不明所以既在下的確好新鮮. 所以在下有好多時都會睇下佢寫d咩架 :P 買呢本書既動機亦然...在下假假地都係一個"科學家"喎...對於自己豪不認知既事物, 在下真係好想去好好理解一下...

P.S. 如果各位男士, 或任何人知道你既男性朋友都有呢本書既話, 唔該話聲在下知, 在下唔係唯一一個男性讀者.
P.P.S. 如果冇...唔該, 在下想作個澄清, 在下唔係變態既. 唔該晒!

其實在下一直想買部PDA Phone好耐架啦...因為總覺得一部電話只係可以打出打入有d side料. 在下一向都喜歡multi-functional既野, 家下出街d人又帶電話, 又帶相機, MP3, PDA及其他一系列電子產品等...諗落都幾煩. 一部PDA Phone就夠晒all-in-one啦~
講到咁想買, 但係一直都硬係買唔落手, 最主要都係由於實用程度及價錢等因素, 所以遲遲未有收購...
不過隨著工作性質即將改變, 轉用PDA Phone 都算適合. 於是在下終於收購左呢部"Motorola-明"啦!

雖然唔似得O2咁行windows及可修改MS Word等document, 不過, 對於在下而言, "記事薄"都夠用架啦(其實出街既時候係咪真係要用word做野呢又:p) 再加上其他一般PDA既日曆, 備忘等功能. 最好既係有內置收音機; 跟機又有Real Player, 可以睇片及聽MP3; 仲有10萬字既朗文字典. 配合有200萬像素鏡頭... 正經用, 當PMP, 甚至影下相都冇問題.
最吸引既係定價: 原價$3980; 在下續約one2free, 用匯豐信用卡自動轉賬, 機價減$800~ 加上在下trade左部V3, 又慳$800! 既係$2380就可以落樓啦~ 跟機重送stereo-handfree, 一張512Mb TF卡 + 2舊電連叉電機, 真係幾抵架...
物慾旺盛既在下既下一個目標: DSC-H2 / DSC-H5 (現正比較中…

唔好誤會, 在下只係講一d Junk food o者...

4-5年前, 在下與一班大學同學經過慈雲山. 其中一人大力推介一間大排當以碗仔翅作湯底既即食麵~ 在下都好夠膽試呢d crossover野...haha! 味道講真唔係話特別好; 不過勝在夠特別~

前日因緣際遇舊地重遊...懷緬一下先...

話說呢兩日在下請左假諗住見工既...

尋日中午12點見第一份...本來在下都好得戚, 諗住一早出門口就實有早冇遲啦,
點知世事往往就係咁難預料...在下行行下竟然...成個鞋底甩左出黎!!
咁死啦...行左一半, 都就到架啦...咁咪唯有"Gut"下"Gut"下咁行囉...
唔好以為攪笑既事咁快就完呀, 因為一個人兩隻腳係有兩個鞋底架!
即係點? 第二隻鞋都甩埋個底囉!!

死啦...在下都冇幾何Formal dress架嘛...成隻企鵝咁, 又狼狽又心急...
行行下仲唔見左幢大廈!! (詳情留意今個禮拜既怪談...)咁在下就好唔好意思咁
打電話問路同一路就住行啦...

最後(竟然)都仲係搵唔到!! 真失敗, 又仲要遲到...在下當堂想笑...
把心一橫, 在下明知幢大廈o係附近都跳上的士, 司機聽左個大廈名之後,
佢第一個反應係: "先生, 你知唔知幢大廈o係邊呀"
"我唔x知呀, 知我就唔洗好傻佬咁四圖中啦!! $%&@*@^#!*"
雖然在下係咁諗, 但係講出口既係...
"我唔知呀, 不過應該o係附近..." (-_-|||)
正以為佢幫唔到手之際, 突然佢講左一句 "XX大廈? 係咪o個度呀?"
嘩, 佢太可愛啦! 佢睇到在下身處位置斜對面幢大廈原來就係在下想去既地方!
於是在下就乍乍臨落車, 講左叫 "唔該晒, 下次再幫襯過你~"
之後就行, 呀唔係, 係碎步咁躝左過去啦...

上到去, 在下將自己既情況講左出黎...(其實o係電話都交待左架啦...)
佢地一見到成個甩鞋人活生生出現o係面前, 梗係大爆笑啦...
之後(終於)settle左, 之後就開始interview啦...

後話: 好彩o個度有個workshop, 幫在下修理好對鞋...如果唔係都行唔到出門口...

在下剛看到一本漫畫, 令在下發現到自己...

越來越像(or根本就是?)一個御宅族了嘛...

終於, 工作上煩人的工序完成了...

個多月來的"充實"生活似乎可以暫時停一停
不過今天換來的卻是工作到十點幾...
在下很久也沒有試過超時工作這樣長時間了.
加上今日的氣溫...全日站在室外真的有點兒harsh =_=|||

於回家途中的巴士車廂內, 在下仍然不時的打冷震...
自問不算是很怕冷的人; 在車內沒有除下外衣頸巾
卻又仍在打冷震的倒是第一次. 在第一程車中還未能
回暖便要下車再一次受涼, 在下看看錶才發現自己
已經十二個鐘頭未食過野啦...

下車的時候, 心中有一陣子感觸...
在下做人不算努力; 但自問對自己所得到的一些"成就"
(學業, 物質, 待人處事的態度等)都頗滿意...
為何近期總是覺得事事皆不順心? 藉購物去鼓勵自己,
奈何除了付款的一刻的快感外, 總覺得自己只買了些
無謂的東西? 近期榮繞在心中的一句說話正是Monster中,
天馬醫生曾經講過的一句"哪是什麼生活?"

在下覺得自己確然是迷失了.
說真的, 有時只是自己個人的庸懶而"費事"online;
旅遊板也許因此被荒廢了
(姑勿論有關與否...板主都是責無旁貸吧...)

嚕蘇發完了, 在下再一次體會到自己是何等的一個
難頂的人.

如果你有睇我Hompy, 多謝你忍過我

PS
1. 今日的Hompy特別像日記 XD
2. 放低成見, Juno真係好俾心機做音樂; Background
    Music: "濛", 又一令在外聽後為之動容之作

今日地盤有個師傅要o係午飯時間過後轉到另一個地盤開工.
出發前, 他先用一份報紙好好包妥自己剛戴著的勞工手袜, 再放進自己的背囊裡...
一對手套, 幾蚊都唔洗; 好可能只係出自"用得唔好side"既心態; 但係見他如此小心摺疊好份報紙(手套),
在下霎時間有無限聯想(同感觸?!)...會唔會個師傅係真係諗住慳得慳就呢?
又會唔會怕整污糟個袋會俾老婆話呢? 一切一切都不禁起今日個Topic...每個人都有他的故事嘛...

可能, 在下真係太得閒 =_=|||

在下晨咁早就聱大大咁話要學西班牙文; 可惜因為之前太多野攪, miss左第一日報名...結果: 報唔到啦...

今日終於可以好好把握到報名既機會啦! 正如在下所言, 本來係想學西班牙文既; 不過時間好似唔o岩...反而有一班意大利文班既時間又幾good fit喎; 於是在下就轉左"太", 去學意大利文啦~~

講開又幾o岩架喎...當年學德文; 在下就正在追看一個發生在德國既漫畫故事 (Monster). 呢排在下正對 Gunslinger Girls (神槍少女 - 一個發生於意大利既動/漫故事) 有d興趣, 在下又咁轎報左名學意大利文喎...haha, 睇黎下次再報名學西班牙文之前. 一定要搵本有關西班牙既漫畫睇下啦! hahaha...