小貓MSN日誌,歡迎你每日黎探我:
http://spaces.msn.com/meowlittlecat/
|
|||||||||||||||||||||||||||||
 |
|
||||||||||||||||||||||||||||
|
| |
|
|
|
|
|
|
April 21,2008
我的最愛"阿仔"離開了，希望牠盡快去到一個更快樂的地方~ 永遠懷念你...
我的最愛"阿仔"離開了，希望牠盡快去到一個更快樂的地方~ 永遠懷念你...
http://www.petsfuneral.com.hk/pet/meow_littlecat
陪伴我渡過了十九年的『阿仔』於今天2008年4月19日離開了我們。
永遠不會忘記又肥又可愛的牠從小陪伴著我的成長，每晚與我一起睡覺，唔知醒牠會叫醒我，我不開心，牠好讓知道的走來安慰我，真的很乖巧...牠就像我的一個好親好親的親人，今天我忍痛送牠離開，不受痛苦折磨...但看著心愛的牠o係自己懷抱中離開...真的叫我痛不欲生，呼天搶地不停對牠說:"你好乖的，我知道你已經好叻仔，好堅強，我好錫你愛你，對唔住...對唔住...對唔住..."
那份傷痛真的讓我不能承擔,今天傷心完一次又一次...雙眼腫痛得令我差不多睜不開眼...
那份傷痛真的讓我不能承擔,今天傷心完一次又一次...雙眼腫痛得令我差不多睜不開眼...
不知道『阿仔』會否原諒我...但我希望的是牠可以去到一個更快樂的地方無痛苦既地方，
『阿仔』離開了，但與牠一齊的歡笑與回憶是永遠存在我心中...
希望大家可以幫忙祝福牠，讓牠早登極樂。
俾意見 [1]
文章URL
引用 [0]
July 21,2007
14 JULY 07 發現ＭＡＲＩＥ蹤影！
14 JULY 07 發現ＭＡＲＩＥ蹤影！
上個星期六，第三次去迪迪尼，依然好興奮!
O個日雖然係酷熱警告加超曬，但也無損我地興奮既心情，帶著第一次去既咪姐周圍玩，周圍影…o個日我地想見既卡通人物都出晒黎比我地影相，我仲可以同到 “Marie”貓合照tim，唔知仲乜o個日d卡通人物全部都好洩呀，成日都撩我地玩，最洩就係“高飛”喇，影影下相突然用佢既斗篷包住我唔比我走，搞到我頭髮都亂晒，影相時仲不停甘lin我條頸! 次洩既就係C&N松鼠，一影相就彈出黎，玩到都唔可以正正經經影張相，好佩服扮卡通人物比我地影相既工作人員，佢地真係好專業，於炎炎夏天仲要揹住厚厚既公仔衫擺post同大家影相，佩服!
O個日既行程全部都好順利，全部都唔使點等，直入，節目真係一浪接一浪，獅子王，迪士尼巡遊表演，米奇金獎音樂劇，米奇水花巡遊，玩到成身濕晒，仲用魔盜王既Jack真係扮得好似，笑死… 再玩埋飛越大空山，同上次一樣，由頭叫到尾，勁爽呀! 大叫後，成個日都RELAX晒! 仲去埋睇幸會史迪仔tim，個晚天氣極好，煙花靚到爆! 最後我地三個倦到死&滿足到死甘離開迪迪尼…
June 19,2007
可憐我，帶我返屋企... (小狗說)
可憐我，帶我返屋企... (小狗說)
今日端午節好乖甘陪左媽咪成日呀! 去餐廳食lunch前經過一間韓國餐館，門口放了一個紙牌寫住"可憐我帶我返家"，原本係有隻黑狗仔無人要，佢好可愛架，跟住有個小女孩話要拎小狗返屋企，希望佢唔係玩玩下，真係要好好養大佢啦。
跟住又經過麵家，又見到"小白"(一隻白色既貓)喇，o係大熱天氣下，佢好舒服甘sleep緊，佢個post真係笑死人，引唔住又同佢影左d相... 可愛死呀!!!
同媽咪食完野又行街跟住又食tea，真係好hea既一天呀! 最後陪埋媽咪去街市買"食送"，嘩，我地兩個好似大小不良甘o係個街市度倒亂... 先行過魚檔，比我見到有鯊魚賣，忍唔住去篤下佢啦，啊...原來鯊魚個皮係好"鞋"架，仲有D"吉"手仔tim，跟住又拎部手機出黎影底佢，個魚檔老闆見到我影相，即刻拎起埋條鯊魚擺最post甘比我影，仲話唔好影到佢wor，真搞笑呀... 玩完鯊魚then又去左另一檔，當時有人生劏緊一條勁大條既野，阿媽話應該係鱔黎，跟住個魚檔老闆竟然答"唔係鱔黎架，係怪獸..."。真係笑死我地...
有相相睇:
 |   |
May 27,2007
阿仔最新動向
阿仔最新動向
好耐無更新貓咪動向比大家知喇，MI MI, 阿馬, 妹妹 同阿仔，全部都好健康，精靈活潑... 不過，阿仔仍然都係成日叫，係大叫，好似鬧人甘叫，連佢o訓o訓下，無啦啦都叫，佢一叫，我地就抱住佢，令佢feel到我地愛佢啦，而家都有成幾個月喇，聽朋友講，有D貓年紀太大，有時佢地已經控制唔到自己，所以先傻叫... 不竟阿仔都幾不多廿年貓了...有時見到佢仲甘有中氣去叫，都不禁感到安慰既。
上個星期，同學又提到我屋企以前養過隻雞，我由雞仔養到大，一養就養左成十年，直到隻雞老死為止，而家佢地又見我d貓養到差不多廿年，佢地話想長命就要去我屋企住下，分分鐘長壽d... 哈哈!! (但願如此，希望我四隻貓咪都長命百歲!)
April 17,2007
番禺香江野生動物園
番禺香江野生動物園
今個復活節假同朋友一齊去左廣州玩，6/4 行程既第二天，一大早八點就被Kathy個鬧鐘叫醒，跟住我地去左好出名既 “陶陶居” 飲早茶，黃金奶黃包果然名不虛傳! 飲完茶我地就出發塔火車落番禺去我地既重頭戲 “香江野生動物園”，嘩! 超近距離見我最想見左熊貓 & 樹熊… o個度真係好大，講得出既動物/野獸都有齊, 有長勁鹿, 駱駝, 貍貓, 袋鼠, 獅子, 好多種類老虎, 豹, 北極熊, 黑熊, 大象, 好多種類既雀鳥，多到不能盡錄… 大開眼介。大家一齊欣賞下:
March 25,2007
~貓咪最新情報~
~貓咪最新情報~
哎呀, 各位貓友好耐無見喇, sorry,太耐無update 呢個Blog喇! 真係唔好意思,
但其實我無偷懶架，只不過係寫左o係MSN SPACES http://spaces.msn.com/meowlittlecat/ 同大家分享,
而HOMPY就主力分享我既最愛寵物啦! 今日行街街時,
又比我發現左隻好乖又可愛既貓咪!佢叫小白啊!
原因係因為佢係間麵粉店主人養架,所以佢成日搞到自己個身都係白粉!
小白呢個名果然係名不虛傳架! 同佢影左相相比大家分享一下.
另外, 我上個星期六同朋友去左機場新開既SKY PLAZA,
我真的需要o係呢度推介比大家, 簡直係正! 個商場真係超大,超宏偉呀…
又好少人, 所以好舒服呀! o個度真係成個機場甘大，但就只有小貓三四隻…
簡直想唔到係星期六，好似請左日假平日去行街甘，成個商場都係我地甘，
o個度d店舖全部都開晒，上一層好多食店，簡直係花多眼亂呀，
因為全部都大把位，唔使等位… 跟住被我地見到竟然有間 “板前” wor~
嘩~ 呢間“板前”係唯一唔使等位既“板前”… 雖然要戎口既我，
但我都受唔到引誘入左去，我地三個一坐就坐到八點鬆d先走… 真係正，
好味又舒服~ 哈哈!! 行行下，又被我地發現左間4D戲院!
跟住又見到我地一直想睇但未有機會睇既 “翻生侏羅館”，
o個度間戲院超正，超級大银幕… 我地已經坐最高，但都有d睇到暈暈地…
睇完戲出黎，我地仲不停周圍影相~ 真係好似自由行甘…
單單o係sky plaza 我地已經玩到11:30先走…
簡直係超低能，勁搞笑! 好正好好玩~ 推介呀!
January 14,2007
好溫馨啊...
好溫馨啊...
Hee... Hee, 好耐無update阿仔, 阿馬 & 妹妹既新動向喇，阿仔越來越老了，但總算健康，不過，而家既牠，成日都好惡甘罵人啊...唔理邊個，佢都罵，唔知係咪想人留意佢多d，錫佢多d呢? 我地又點會唔錫佢wor~ 佢係我既至愛呀....
今日同家人去食LUNCH時，又去探妹妹狗狗喇，佢越來越大隻，佢好活躍架，搞到我成日講左佢好靚仔…. 但佢其實係女仔黎啊…. 我用手機拍左條片，今次係第一次嘗試upload上去YOUTUBE架，唔知成唔成功呢?
http://www.youtube.com/watch?v=ZVNYI6lMDOs
December 17,2006
貓狗有緣的星期天
貓狗有緣的星期天
嘩~ 今日竟然又o訓到下午兩點先起身，仲係朋友打電話黎先叫醒...呵呵呵... 唔係都唔知自己會o訓到幾點啊...
成家日一齊比我朋友既電話嘈醒後，一齊去食下午茶，食完之後，媽咪突然唸起我地重陽節仲未去拜阿婆...因上幾個星期六日都唔得閒，一拖再拖... 差d唔記得左tim啊... 今日既路途中，我地巧遇好多可愛既貓狗呀...
呢隻狗仔好乖巧，主人叫他要乖乖地甘留o係架運菜貨車度，跟住我地見到隻狗仔真係好乖乖甘坐底睡覺... 好乖呀，不過，我見到狗仔可能天氣涷既關係，佢無啦啦就會打冷震... 睇到我好肉緊... 白痴到o係個袋度拎左張紙巾出黎比佢.... >.< 跟住媽咪買左雞蛋仔食，比左一粒比狗仔...狗仔閒完之後耍手擰頭，樣子非常趣螳怪...
跟住我地拜婆婆o個度，又見到三隻貓咪，啡色o個隻叫佢o個陣，仲走埋黎tim，好可愛呀... 另外白色o個兩隻好靚呀... 雙眼仲係藍色tim~
