新為網主都要update下大家。

結婚相已經ok曬了，希望大家都覺得靚啦

http://community.webshots.com/user/lelllell去呢到睇下啦

6/8的兄弟姊妹大眾會好成功希望所有人都俾曬我啦

時間一日一日咁近啦，而家開始要搞多d 當日的安排，入席的排位等最難的難題

今天16/5於1號風球完成影婚紗相的大任。
天，都算對我ok，作天夠曬光，不過就係有少少雨，又唔太大，我地初頭都驚要去多一次，你知啦都好辛苦架....

亞貓呀，勁多人like佢，我地帶左亞貓去同我地影相，芝柏d人瘋狂咁like佢呀，哈哈
一去到就先影外景，要係落雨前搞掂，一開始冇乜雨不過後期就幾大呀，亞威都好好盡曬d同我地影多謝呀，亞貓因天雨問題未能出場，不過我對人字拖就.........令芝柏人驚叫
我地穿白色的婚紗穿白色人字拖，問你死未

影完外景我已經好累了，去左買隻熱狗食

9-9真係好累，不過好開心，我每次見我女人的新造型我個心就諗我要做人老公啦，真係好難相信，........我有d感動呀.................................影婚紗相係我心目中係好遙遠的事呢....................多謝我女人

今日星期六，請左假做一件事，就係去芝柏試衫，第一次去數碼港就搭錯車，真係頂，要我同我女人行到隻狗咁...........
一去到，都幾靚wor，好有氣派，我地去到由一個叫nicole的人幫我地，因為elton的不幸事情，所以我地等登搵cathine搵呢個nicole幫我地。講真，佢比起我地外借個間d眼光差好遠，試親都係差dd，最後都揀左幾套，..高低立見。.................
之後我地就去book 玫瑰教堂，係呀呢個堂唔洗有宗教信仰架，其實係個舖，不過都幾靚架。又book唔到至到book到，真係幾開心，我地鐵定了5/11 12點係呢度行禮了.......

sorry呀，各位，呢排真係好多野好麻煩，我真係好唔想架，做錯d野，不過我會繼續架，我會俾心機搞好個婚禮為大前題

嘩，新年快樂呀
今耐冇寫過日記了，不過我諗而家都冇乜人睇架啦，都係部腦啦，不過我好快會下定決心換左佢，哈哈

回顧，近日經常聽到呢兩個字，係呀，一年過去其實都幾需要回顧架，睇下過去一年有乜野做到，有乜野可以改咁啦。

呢一年發生的事都係一D幾大幾關鍵的事情，等我慢慢諗下啦。

1月: 我睇過BEYOND PART TWO真係正到死，之前的日記都講過，人生可以睇到D咁正咁HIGH的演唱會你仲想點呀!!!!
2月完成了一次我刻骨於心的馬拉松..........地下執蕉食............腳版起水泡，今年因為要READY人生大事所以停了，其實我好應該面對它不過真係要花太多時間了，所以今年我同我女人跑步TRAINING，睇住佢進步我好開心，相反我就.............差了很多，不過為左影結婚相我會努力架。
3月係第一次同我家人同小兒坐飛機去台灣玩，我爸媽好開心呀，需然我爸好似冇乜野不過我相信佢其實係好LIKE 呢個TRIP架，我媽就唔洗講啦，點解我要花一筆錢去玩.............好簡單，有時一家人人齊的時候真係不多，要好好珍惜，盡力去令家人開心都係個仔的一個責任啦。
呢個月仲去左睇樓，哈哈錢又冇學人睇樓.............不過我真係想同小兒有一個關係上的轉變，是時候了，對嗎?
4月冇乜特別事發生，就係全力去學買樓啦，去諗間屋點買野好啦，真係好開心，同我女人一齊係最開心的。
5月又係龍舟的日子，不停的TRAINNING除了身體連意志都加強，有時會問自己，是不是玩夠了，但20幾人的吹水活動魔力真係冇得頂。
6月驚世的中學同學大旅行，真係好開心，4日3夜的行程不停咁笑，我發誓一有機會要同你地再去過，人生有幾多個4日3夜可以咁呢? 多謝曬。
7月搞左一個好唔HAPPY的船河，月中再以領隊身份帶一班元朗鄉中的中學生去北京，好辛苦，好掛住香港，不過個種滿足感係其他野係唔到我架。
8-11月係好靜咁過了，在中秋的一天我向她求婚，一切都好快，買樓，結婚，多謝你的答應，其他時間都係不停諗下結婚D野啦
12月好奇怪的一個月呢個月我成日諗呢份工做唔做落去好? 有D死局了，唔係太開心，成日都有D心事咁，不過返到家見到妳都係好RELAX好HAPPY架。

過去一年唔係太過有成績，未來一年我都係會全力搞好D婚禮去令我地有一個好回憶，我係一個唔識MULIT TASK的人，希望來年自己會醒目D，學多D野啦，我報左考會考TRAVL，好無聊係呀, 不過人生有D悶要挑戰就完成我呢個旅遊夢吧。希望8月去到我助養的小朋友的地方，11月婚禮完滿，12月的白色聖誕。

3–12-05兄弟集合於尖沙咀，當晚十分有趣，有講有笑，多謝呀

今日我同我女人去左婚禮博覽會，我地主要睇婚紗相，正呀，我地睇左芝柏，羅浮宮，及蒙羅麗莎...........都係咁，都係咁上下錢，都係睇景同埋睇衫，我地行到最後一刻，去左報芝柏啦，好唔好都唔知架，不過都係咁啦，個個攝影師亞威又幾好人，好野，我地又搞掂一樣野啦 !!!!

今日係我的結婚網開張的日子，大家多多支持啦，我會盡力update大家架啦