咩叫朋友呢?成日出黎飲飲食食?得閒傾下電話?佢有事先搵你,你有事就人都唔見?大家係未會叫依D做損友?咁經常都會見,經常出黎玩,大家有事就會第一時間出黎幫手,依d係未叫做真正既朋友呢?

        我前排就識左一個朋友,識佢既時間日日都會傾計,有d咩事都會拎出黎講,不過佢最近發生左一d事,我為左佢依d事我唔可以再同佢傾咁多計,當佢件事完左之後,我諗住可以再好似以前咁可以日日都傾到計,當我一同佢講野既時候,佢就會同我講唔得閒,就一句野都冇講過,,究竟我我做錯左d事丫?定係佢再唔想再同我做朋友呢?我真係好想問下佢........

          其實朋友依兩個字好簡單,唔理係你既好友定損友,只要係你心目中你當佢係朋友,佢就係你既好朋友,記得珍惜你身邊既朋友,朋友係一世架...

        我朋友send左一首歌比我,就係[當你孤單你會想起誰],首歌入面有一句[當你孤單你會想起誰,想不想找個人來陪],我一聽到e句我個腦就不其然諗起一D野,我諗我一個人既時間我諗起邊個,我好努力好努力咁諗但都係諗唔到,個腦一片空白,我真係好想諗得起一個人而係我鍾意既人,好想搵個人陪下我.....

        當我每次聽完首歌之後,我同我自己講:你有咩資格諗起一個人鍾意一個人呀,仲想搵個人陪你,諗下自己係咩人先講啦

        孤單既感覺你地有冇試過呢?我可以話比大家聽,真係一D都唔好受,千其唔好試,記住對你身邊既另一半好D,關心佢多D,當你一個人既時候,記得諗下佢個樣貌,笑容,兩個人一齊開心既日子,就唔會感受到孤單既滋味.