http://hk.myblog.yahoo.com/kookooice

終於都為亞女改到名...叫"咕力"，有人以為同我個名同發音>___<''''..........NOLA NOLA。佢係我最鍾意食既"朱古力"唔要個"朱"字既發音啦！

亞女終於都開始適應屋企既環境，但係呢兩個朝頭早都係6點半至7點就走黎叫醒我地..@__@，乖女俾貓爸訓多陣啦！佢已經日日都唔夠訓了。

貓爸最擔心你唔肯去VV同BUBU，問題已經解決，實在太好了！YEAH~~~~今日帶你去做BODY CHECK順便打埋第二針先！

好開心個個都話你個樣好傻好得意，你又確係可愛又活潑。連貓爸最愛既訓覺時間都可以為你縮短。仲有亞女你幫我治到貓爸，為你安全著想佢要學懂有手尾XDDDDDDDD

登登登登登~~~第一日返黎屋企，唔驚！太好了！

我一定會好好照顧你一生一世，你要健康活潑咁長大呀~~kiss~~

最終還是落淚了......

上星期六都影咗好多好多相...好開心！但係今次笑得開心過頭，攪到我睇唔慣添 >__<

跟住星期日，去咗大澳.....原來唔駛坐船去，我同老公都真係少出去遊歷。去到東涌......見到360.....嘩~~~好長既纜車，但係坐佢真係搵命駁，都係望下算了！

跟住就坐巴士上山XDDDDD.....好郊遊好綠好青好靚好正...但係美中不足就係多雲。今日既主角係影貓&景.......我就做書童XDDD冇份影相，但係就行咗好多地方，睇咗好多嘢，仲陪老公 & friends影相。諗起最愛既魷魚.....大澳大街有好多檔仲好好味！仲食咗個喊魚雞粒炒飯...........但係味道麻麻地。

回程返到東涌.....仲可以了我既心願就係行OUTLET，但係有d失望，係冇嘢睇得中。但係點解我d fd可以買到滿載而歸呢.............

老公~~快d俾相我放上黎留念呀~~

Woooooo 08年第一個3號風球...浣熊。哈~~~~我同老公都就快唔止似熊貓係似浣熊了，呢輪成日都唔夠訓。浣熊你令我地原定既計劃都告吹。仲為你要將所有約會改期。不過，有藉口聽日留係屋企訓到飽為止。XDDDD

搬家後第一個黑雨，真係好大好密既雨，但冇乜風。今晚重溫下細嗰既時候打風會食既晚餐。

杯麵 + 豆豉鯪魚.......哎呀!!買少咗個午餐肉添 >__<

愛一個人，是要全心全意。

愛一個人，是要專注用心。

愛一個人，是要專心一意。

好想、好恨、好期望一生一世的承諾可兌現。

尋日又北上成個人都散晒，不過好彩係同客上去，唔駛攪到夜一夜趕尾班車。終於都可以早去早回了~~仲有時間俾我去整下指甲 & 返香港同老公一齊食晚飯添！爽呀~~

<---覺得今次整得好好好靚...仲好春天 heeeeee~