今日放工回來見到一 d 野,

就係輝輝食錯藥, 成晚勁玩, 同完呢隻追同果隻追

基本上輝輝成日比人叫肥輝, 同姣輝

去 see vet 時, 好多 nurse 都係咁講佢, 話佢明明 desex 左都仲要發姣

今晚我見到輝輝想攻擊波子大人

我即刻抱起波子大人, 之後就係咁罵輝輝

我估比係第二隻我已經打左佢. 不過見係輝輝無打到....

星期一開左張 sofa 床出來一直無關到, 我將自己 d 手袋放左起床, 我發現班比好鍾意坐起我個 gucci 手袋上面訓覺, 休息..

哈, 呢隻貓真係識貨, 訓住幾千蚊....

其實我知佢唔會爪爛我 d 野既, 所以一直無拎開由佢訓..

話說現在用 timberwolf 拎出街餵街貓喎, 咁我去到呢

只係見到一隻白色..放低之後, 見到有 4 隻小狗

兩黑兩黃, 去左爭食, 結果我掟左個麵包出來

隻貓即刻去食包, 有一隻狗想搶, 隻小貓即刻 fee, 隻小狗即走

呢個情況睇到覺得好好笑..

我愛貓也愛狗, 自然養貓又養狗

小動物一般來說也是相處得來!!

花卻金錢和心機, 時間, 可是樂在其中

但若我愛他又愛你

我應該怎麼自處..............

我幾天沒有找你, 你不覺得奇怪嗎??

我都知你嬲我架啦, 我日日都打機無理你

其實我只是不想纏著你, 這樣下去只會令你討厭

其實, 電話裡的 sms 我早已全部 delete, 留下來也只有徙然的留下來有何用??

誰人的心及你狠??!!

我一直的想, 有什麼方法可以不找你?? 想不到, 因為我天天也找你, 我覺得自己每天也有話要向你說, 要我不找, 我做不到!!

我天天的在想, 想不出來,

可能我用了一個沒理人感受的方法, 這個方法是錯

可是, 這方法的的確確達到目的!!

能達到目的, 也不失是個好方法吧!!

請你恨我..

今日好早返左工, 返到公司做左一樣野

我 add 番一個已經起 msn delete 左既人, add 完之後我真係好唔開心

我見唔到佢 online. 我以為佢 ignore 我. 隔左一陣. 我見到佢, 仍然係同一張相, 乜都無改, 我個心無咁難受喇!!

其實我知. 星期一零晨的 sms send 出後, 我諗佢一定會避我架喇..

我同佢講,

其實好多晚見到佢 online, 我真係好想好想 hi 佢, 結果唔敢, 只係呆呆咁望住佢 online;

其實我經過沙咀道, 我見過佢剛巧行出站傾電話, 我即刻調頭走, 我驚比佢見到我..

我知道就算撞到佢, 我都唔敢同佢打招呼!!

我仲講左隻狗既事!!

呢半年不斷收貓為了什麼? 為左想自己忙 d 唔想糊思亂想諗起佢

其實當初係我鬧鬼佢先, 如果我無鬧. 今日同佢可能仍然係朋友

不過,

我不斷死唔斷氣的纏著佢又有何用? 早晚有一天他會討厭我.

這樣下去又有用嗎??

我好野蠻的無理取鬧, 其實為了什麼有人明白嗎??

事情可以說出來嗎?? 事件張揚了. 誰人也只會說我沒氣量,

話人地唔鍾意我, 我就鬧人. 說我不忿氣, 說我因愛成恨..

結果呢兩日心情不佳.................

其實我些日子我又開心過嗎??

我覺得自己真係錯, 錯在唔識收!!

地球上一位送死一個內疚
原來同樣也為了感情未看開
我已著呆 怕你著呆
我拼命愛 我怕被愛
同樣拉扯中跌落海
平淡時與你往來一個越愛
一個越會感慨就當我活該
這個月台 我踏入來
愛與被愛 都算慷慨
但至少一起扮呆 錯愛畢竟也是愛

無論愛跟被愛 流放在這地球
怎樣愛同樣要承受
誰人做塊堅硬石頭 能夠寂寞到盡頭
但我未能自救

前晚陪妹子返去將軍澳之前, 佢同我講, " 唔甘心!!"

我心裡失笑, 原來人人付出左, 但又收唔到如期的收穫, 失望時, 大家都會有一句 " 唔甘心 "

愛, 從來都不是白白付出的, 付出了必然期望有回報,

聽罷我 send 了一個好長好長的 sms 出去,

send 完後鬆了一口氣, 可是...............

內心卻難過了兩天...........

其實我為哪人難過已不只一次!!

本來今日想波子大人沖涼, 但係佢全晚避開我, 費事迫佢, 結果都係幫佢抹下個咀仔 d 黑頭, 同埋抹眼, 剪左少少毛就算.

話說波子大人由細到大都唔多鍾意梳毛毛, 最慘佢係長毛貓,  d 毛成日打晒結, 我一發現打左結就剪佢 d 毛. 剪完佢又嬲我..

但係無辦法啦....佢嬲就嬲啦!!

有時我都會好嬲波子, 成日起度眼啤啤, 又唔理我,

佢細個果時明明好黐身既, 愈大愈唔比人抱, 想抱佢一陣都唔多願意!! 唔知道佢係唔係仍然嬲我當初買吱喳回來陪佢, 又嬲我帶佢去絕育, 我諗左呢個問題一年有多, 但仍然係一個謎

其實我養左波子最耐, 內心最偏錫既亦係佢, 就算輝輝, 始終都係差波子一皮.

我諗如果我講自己 d 偏心野出來, 肯定比眾貓友們齊柄我!!

不過其實我覺得, 波子個心係知道我偏錫佢既, 係佢係要玩野 o者, 好似好多野我都係比佢先, 主動抱既只有佢一個, 就算佢點樣唔睬我, 我每一日都一定會聊下佢. 波子做錯事完全唔會鬧一句, 只有默默的收拾, 其他貓做錯事, 就係咁鬧佢地.

波子宜家活潑左好多, 之前佢真係好似隻老貓咁, 郁都唔郁架, 宜家布淋同水晶會成日聊佢一齊玩, 一係就無啦啦醒佢一野, 之後大家追來追去, 波子當然唔夠家貓們玩啦. 最後都是走避收場!!

但係我從未見過班比埋波子身!!

同埋, 直到宜家, 波子同輝輝仍然係唔會一齊.

但係反而會見到班比同輝輝一齊, 大家起度互聞對方咁, 唔通佢地玩忘年戀??

我知道波子係有一個親生家姐, 家姐叫阿 bell, 佢係一隻全灰色的波斯貓,

不過阿 bell 就慘好多, 轉左好多手主人

話說我買波子既一日. 波子同 bell 起同一個籠入面, 寵物店話白色係仔, 灰色係女, 隻仔 4000 蚊, 隻女 3500 蚊, 咁我就第一眼已經睇中左波子, 之後寵物店話隻女已經有人落左 deposit 留左.

結果過一排, 仍然見 bell 起寵物店, 聽人講係 bell 的主人最終都係無要到佢, 咁佢一直留起寵物店, 到佢大左喇, 半歲喇. 就賣左比隔離藥材鋪.

我買吱喳果時都係起同一間寵物店買既, 當時阿娟兩公婆仲話, 即刻賣阿 bell 比我都得!! 咁我帶波子落街, 諗住睇下佢認唔認得個家姐啦, 如果 ok 既不如買埋阿 bell 算, 點知佢地兩隻一齊勁 fee. 所以最後都係無買阿 bell 囉!!

或者所有野都係我自己諗出來, 有 d 人話咩咩愈養愈多. 會搞到動物唔開心, 但係, 乜動物唔係群體動物咩?? 可能佢地愈多伴愈開心呢? 宜家波子做晒大阿哥, 可能佢個心係好開心呢?? 未必一定係養多一隻佢地就唔開心既. 只要主人對佢地不變未得囉!!

其實, 一家五口, 幾開心丫..睇見佢地追來追去, 一齊玩得咁開心, 總好過孤單單一隻!! 無敵是最寂寞呀!! 有時, 爭下爭下, 爭到喇, 反而係一種樂趣!! 盼望我的貓兒都會這樣想!!  

唔知道波子明唔明白?? 佢之後既每一隻貓, 每一隻都有原因

買左波子之後我鍾意佢鍾意到工都唔想返, 一放工乜都唔理即刻返屋企, 就算出街, 我都會起荃灣返左將軍澳幫佢清潔沙盤先再出去, 有一晚食飯食夜左, 波子起屋度係咁叫, 我沖涼果時, 波子起廁所門口, 係咁叫係咁叫, 叫到我出來為止,

起屋企既時候, 我乜都唔敢做, 唔敢 online, 唔敢傾電話, 係咁抱住佢, 但係佢仍然係好似好悶咁, 當時已經買左一間貓屋, 一條貓隨道, 有好多好多玩具, 但係佢一個人玩, 又有咩癮丫? 結果個半月後我即刻駛多 5000 蚊買左吱喳回來

當然波子又嬲左我, 自此唔肯同我一齊, 但係最終佢都明白, 吱喳的出現, 係因為想佢有個伴, 奈何吱喳養唔大. 唔夠 1 歲就死左, 我知波子都唔開心, 得番佢一隻又係得個悶字, 果一個月我日日起屋企同波子追來追去, 我又唔夠佢快, 追一陣我就睇電視喇, 咁佢又係無癮, 所以唔夠一個月, 我領養布淋回來,

新來既貓邊隻無比佢 fee 過丫, 但係隻隻都當正佢係大哥, 比佢 fee, 仍然主動幫佢清潔. 今年 3 月輝輝入屋時, 比佢 fee 足一個月, 仲惡到 fee 埋我, 想打主人, 呢 d 未係由我一手做成囉.

到水晶入屋喇. 女仔都比佢 fee 餐死!!

其實吱喳同布淋, 未係為左波子

但係輝輝就係我自己睇中, 希望想領養佢做番件好事.

至於水晶同班比, 佢地咁慘, 特別係水晶, 要一日之間有人接手, 所以我先要左水晶, 咁班比喇, 初初一早應承暫託佢, 結果慢慢又唔捨得佢!!

如果講命運, 波子點會明白, 被遺棄既感受丫?? 比人轉來轉去果種感受, 佢一世都唔會明, 除非我早死過佢!! 比人掉落垃圾筒有咩感受佢可以問下布淋

比主人遺棄既感受佢可以問下輝輝同水晶

起街起街度 d 惡貓欺負既感受佢可以問下班比

就連同佢同一胎既姐姐阿 bell, 佢都好運過 bell bell 唔知幾多倍添喇.

我知道波子是明白的!!

起網上見到好多人 POST,

貓貓狗狗, 熟肉 / 生肉餵飼法,

一粒貓糧 / 狗糧都唔比, 餐餐煮熟肉 / 比生肉貓貓狗狗食

呢方面狗比較多. 好多狗主都咁樣做....

熟肉其實我接受到, 不過講緊 10 幾年, 一日兩餐, 要每一餐都比,

好像有一點困難, 而且好難去計算每一餐究竟夠唔夠營養??

如果每餐都比少少雞肉, 少少魚柳, 少少菜, 係唔係已經夠呢??

如果唔夠要用 D 乜野去補給??

但係生肉真係暫時接受唔到!!