星期六馬寧生日ＰＡＲＴＹ，所以我ＢＯＯＫ左個ＦＤ係尖沙咀開個間酒吧入面間大房，成班玩到顛哂，連子傑都有黎玩，自己都飲大左，玩到勁盡興，生日主角馬寧都話玩得好盡興開心尋日星期日就同女女，民仔，民嫂去左海洋公園哈佬喂，民仔做個間公司包場益所有客戶，民仔就益左兩張平0既至尊飛比我同女女去玩，４條友去玩哂所有鬼屋，Ｄ鬼屋無我想像中咁恐怖，但都玩得好開心，影左好多相，仲有同Ｄ鬼影下相，嘩哈哈哈唯一美中不足就係尋晚落大雨，攪到我地４條友條褲同對鞋都濕哂，對鞋濕到可以養金魚囉，於是４條友係海洋公園入面買雨衣同拖鞋黎換，咁大個仔係第一次係海洋公園入面買拖鞋＋著拖鞋黎玩囉，永世難忘，係４條友一個好好0既回憶，女女同我都玩得好開心而家自己部電腦都未得住，所以都未有相住，呢兩日真係玩得好夠皮～今日繼續努力搵工

而家係晚上１點１０分，今晚係女女屋企度訓，今日佢病左，所以自己下午陪左佢去睇我由細睇到我大個個醫生，女女個媽媽今晚又唔係屋企，所以自己夜晚踢完波之後，就搭車去女女屋企度照顧佢，順便借用女女部電腦黎搵工＋打日記，女女話我張ＲＥＳＵＭＥ做得唔夠詳細，加上而家我部電腦又壞左，所以佢拎左我Ｄ資料之後，再重新咁幫我打一份，女仔真係細心Ｄ，幫我張ＲＥＳＵＭＥ打得好整齊，睇落去好舒服，好聽0既說話我唔係好識得講，我鍾意有個句就講個句，但我真係好感激女女呢我覺得對一個人好，講係無用0既，我都係係往後落黎用行動去証明最好正如我成日都講：（愛）剩係用把口講係無用架，有好多人講就天下無敵，做起上黎就有心無力，講就兇狠，做就碌撚～要好似我地呢Ｄ有心有力去做（愛）先得架嘛

呢幾日係度睇返Ｄ舊0既碟，姐夫原來收埋左勁多ＶＣＤ同ＤＶＤ係屋企，而家自己暫時仲未搵到工做住，所以得閒就會過去家姐屋企度幫手照顧姨甥女＋借用家姐部ＮＯＴＥＢＯＯＫ黎上網搵工，係度同姨甥女玩個陣，就順便係家姐屋企度煲下碟，我覺得而家好多戲都無以前Ｄ戲咁好睇，唔係話完全無，而家我覺得好睇0既戲都係極少數，今日睇返劉德華，葉德嫻同秦沛Ｎ年前做個套（法內情），（法外情），３個都係咁好戲，真係勁好睇，超級感人，葉德嫻做呢個媽媽真係好偉大呢套戲係係我細細個個陣拍0既，起碼有成２０年歷史呢套戲都睇到我眼濕濕

而家係下午１點４０分，係網吧度上網搵緊工，今日無心機做任何野，仲未搵到工做，繼續長休，退休生活原來真係好悶

後悔去愛著她　自己掌摑吧
明知喜歡清水　竟去轉喝綠茶

望見他的創疤我仍未怕　感覺像得到天下
像隻井底之蛙要離開最美初夏　發現到冬天氣候更差

＊十年前彼此不夠遷就　十年後只會做好朋友
是我關鍵時候　不珍惜你　眼白白讓你走

愛情甜酸苦得我　自己感受　照亮長夜最後　
只有白晝　不必強求　誰救我不如自救(不必強求　誰會妄想　望天可打救)＊

就算奏過受難曲　也死得冥目
童話似的戀愛　竟有可怕結局

是我不知好歹沒留住你　今天你心有所屬
若再死心不息最後只有萬劫不復　看著你開心我便滿足

Repeat＊

我自行內咎　願你走　事實上
當初分錯了手　怎麼配做你的誠實　膊頭

十年前即使拼命遷就　十年後相信亦會分手
任哪一段時候　不可擁有　永遠最美麗最優秀

愛情甜酸苦得我　自己感受　照亮長夜最後　
只有白晝　不必強求　誰救我不如自救

而家係上午１１點鐘，係家姐屋企度用佢部ＮＯＴＥ－ＢＯＯＫ黎上網搵工＋打日記，不經不覺都量左２個幾星期地啦，而家已經係資深級數架啦真係休息得好夠，而家層樓已經差唔多攪惦哂Ｄ野，訂做個Ｄ傢私都要１０月頭先送到黎女女都差唔多將佢Ｄ野搬哂過黎我新屋度，已經進佔左我間房８成有多，遲Ｄ佢個Ｄ公仔都會黎埋，民仔就話我今次走唔甩不過我自己就覺得世事無絕對，雖然我好鍾意呢個女女，但愛情呢Ｄ野，一日未到最後一刻，都唔知邊個係老婆，就算結左婚都有可能會離婚架者，所以我從來都唔會同任何一個女仔講咩一生一世，哂氣，過到今日先講啦，仲講聽日，我知道聽日會發生咩事的話，我一早就發左達，中左六合彩啦～

而家都唔知幾時先搵到工，都係繼續休息下先，搵唔到都急唔黎，我覺得做人盡左力就已經ＯＫ架啦

而家係半夜２點幾，今晚係女女屋企訓＋用佢部電腦黎打日記，呢排都係煩搬屋Ｄ野，尋日終於都搬左屋啦，同伍生兩條友攪左７粒鐘先搬得哂Ｄ野過新屋，慘撚過返工，呢輪部電腦壞左，ＡＩＡ又爆左煲，而家真係多撚謝ＡＩＡ啦，總之自己蝕錢就緊架啦，作為一個投資者，止蝕就緊架啦，保單＋基金都一次過ＣＵＴ左佢，都係一年貨仔者，搵民仔幫我計好條數，睇下我蝕左幾多錢，而家拎返幾千都要走架啦，有得拎返錢總好過乜都無，我唔信個阿媽出左事之後，個仔會無影響囉，佢賣清盤只係遲早問題，投資呢Ｄ野，我只係信：一次不忠，百次不用，我已經對呢間公司失去左信心，今次投資失利，當自己唔好彩囉，而家又未搵到工做，個人真係幾ＤＯＷＮ架，不過女女都無離棄我，一路係我身邊，佢知我唔係悠手好閒0既人，所以對我好有信心，我好感激佢咁明白同體諒我，我相信搬左新屋之後，Ｄ衰運都會走哂，屋企環境會慢慢咁變返好，等自己回返氣之後，都會搵民仔買保險同基金，ＡＩＡ我一定唔會再諗，哂撚左我年幾時間，今次真係多撚謝雷曼兄弟啦但低處未算低，有一個朋友比我更加不幸，我同民仔估計佢而家欠財務公司幾十萬，近黎佢仲借錢出左部車，聽晚我都要同佢傾下計架啦，講一次就算，聽唔聽都係佢自己決定，我盡左做朋友責任就算數，可能自己玩左咁多年車，而家覺得有車同無車都唔係咁緊要，車呢Ｄ野，玩過試過咪算囉，但我呢個朋友岩岩考到車牌，所以好想要部車，呢個心態我都好理解，但我覺得做人有時都要睇下環境，食都無得食仲走去玩咩車呀？做人無咁大個頭就唔好戴咁大頂帽，呢個世界係好現實架，所以我聽日都會同呢個朋友講清楚，要屌撚醒佢，好過睇住佢死，我屋企都試過，借財務呢Ｄ野真係玩唔過，人地同你有親咩？係啦喎，咁好借錢比你，仲同你計埋最低還款利息＋最低利率啦喎，咁財務公司唔洗賺錢啦，仲可以賣咁多廣告？Ｄ傻仔唔借多Ｄ的話，財務公司都無錢搵，借多Ｄ就死快Ｄ，呢Ｄ係拎左牌0既大耳ＬＯＮＥ黎架者～我自己都問過律師，呢Ｄ財務公司大把古惑位走，有好多方法都可以令到你９出１３歸，好彩自己賣樓前還哂Ｄ錢，個陣時先知財務公司暗中係我層樓度加左佢個名，如果唔係連我賣左個層樓都收埋＋釘我契，個陣時就真係血本無歸～好彩而家乜野問題都解決哂，屋企煩左８年0既問題終於都完結啦，雖然一來一回屋企以前剩落個Ｄ錢無哂，但起碼而家無重一身輕，無左咪再搵過囉，自己仲咁後生，可以重頭黎過架者，無老豆老母留錢比我仲好，我自己一手一腳搵返黎個Ｄ錢先係最好而家搵埋工之後，一切都可以安定返落黎啦，呢８年黎屋企無錢，自己都失去左好多野，包括我曾經心愛0既女仔，但而家已經返唔到轉頭，而家大家都各自有另一半，我都同我而家個女朋友好老實咁講，呢個女仔係我0既遺憾，之前屋企有問題先要迫住放棄追佢，而家好多野都好難返返轉頭，所以而家自己只會向前望，對我而家呢個女朋友好，因為佢為左我付出左好多，就算我而家無野做，佢都繼續係我身邊支持我，老土Ｄ咁講句：雖然同之前個女仔無緣係埋一齊，我亦都希望之前我愛0既個個女仔可以幸福快樂咁生活

ＰＳ：女女係我新屋入伙之前，同我行街街個陣，我見到一個Ｑ版0既肥仔魔人布歐公仔，我一見到就勁鍾意囉，我自問自己係唔會買公仔比自己，但呢個公仔我真係好少係街度見到，自己真係第一次咁想買公仔比自己，女女２話不說就比錢買黎送比我，當係送比我做新屋入伙禮物，女女仲話呢個魔人布歐公仔勁似我姨甥女扮醜樣時個樣，女女提起我先醒起覺得似我個寶貝姨甥女，難怪我一見到就勁鍾意個公仔啦而家我間新房每晚都會多個肥魔人布歐陪我訓覺架啦，嘩哈哈哈今次日記打住咁多，唔知幾時先會再上黎打日記，暫時都唔會有新電腦用住，都唔知幾時先有機會再日日打日記啦

而家係晚上８點鐘，係家姐屋企度用佢部ＮＯＴＥＢＯＯＫ黎上網，今日一起身就發燒，成身都軟哂咁，我地呢Ｄ真係賤骨頭黎架，一唔做野，休息多返Ｄ就黎病啦起左身之後，就同伍太，姨甥女，家姐一齊去飲茶，飲完茶之後，就死返去睇醫生，過到去個陣，就岩岩好到我睇醫生，老西都飲埋茶先去睇醫生啦，費事戇鳩鳩咁坐係度等睇埋醫生之後，就死返屋企食藥，跟手就即刻死去長眠直落訓到下午３點幾先起身，一起身就ＦＥＥＬ到成身無力，今次醫生開個Ｄ西藥真係好勁，食到我個人都西迷迷咁，起身整個波仔飯盒黎食，食飽飽就食藥再訓，訓到６點鐘就比伍太打黎叫我起身，話新屋今日要驗樓，我就帶埋把軟尺上去度ＳＩＺＥ，方便做傢私，我自己間房已經設計好哂，唔會哂左我間房個望海景，新屋而家個個窗都可以望到海，正１６號正式搬過去，攪惦埋屋企Ｄ野之後，都係時候要重新投入工作，暫時都未有新電腦住，遲Ｄ有機會先再打日記，嘩哈哈哈祝各位朋友：（中秋節快樂！）