今日真係痴線~都未開門已經有兩個射波．．．係唔係真係咁好射呀～新人就話肚瀉所以返唔到，射波王就話想抖多日，但佢唔係打返黎公司ｗｏ，真係幾勁呀～
夜晚晚市就開個陣，又有個要早走，因為要趕去醫院，咩事就唔講喇，只係個刻心諗．．．唔係咁好彩呀，同一日射三個．．．
夜晚射波王返左黎交醫生紙，結果佢死好命，仲有最後一次機會唔駛死住．．．但我即管放長雙眼睇佢幾時死．．．～
之後再收到壞消息．．．又有個射四日，因為要返廣州，又係去醫院，我真係諗．．．有冇咁橋呀．．．一日入面可以發生咁多事？

今日繼續有人射波，真係１０月１日國慶開始，日日都有人射波～今次仲要好笑到話，佢由朝訓到晚，所以聽到電話，打唔到電話返黎．．．勁攪笑．．．訓２４個鐘訓足成日咁勁？
佢今日仲話病Call sick，但成晚都冇返黎近醫生紙，仲要唔止一次～你每星期都射一日放一日，即係夾埋八日假，你有冇咁病呀？
真係炒左你都唔抵可憐．．．

終於都到喇，約左成個月o既羽毛球之夜，終於都黎到喇～
今日又有人射波，計埋今日已經連續四日有日射波，雖然係因為某ｄ私事，但咁射法，真係攪到我都有ｄ燥ｌｏ～
收工之後落左元朗，去左食日本野，呢晚有阿賢、阿燐、阿雞、CC同我五個人～
由九點開始打，打到十一點，真係好好玩呀，打左一陣已經出晒汗，正～不過兩個鐘真係唔太夠喉LO～下次要打三個鐘唔該！

呢個十月真係超忙，私事、公事都一堆堆～
明晚打羽毛波，都好耐冇打喇，唔知仲識唔識打咯，哈哈～
呢排真係勁多人射波，唉．．．最憎人射波～

今日放假，訓醒就出市中心，去渣打攪張提款卡，事關我收返張卡之後，走去提款，但．．．張卡都用唔到o既，唉～而家佢話會出過張新卡俾我．．．但又要等一個星期．．．咁其實點挖唔一早整張新卡俾我呢，同埋俾返張舊卡我之前唔係要Check清楚架咩？而家係度浪費緊我時間lo，你話呢間銀行係唔係好有問題呢佢地個做野手法～
之後出銅鑼灣拎返個鞋墊，之後就返屋企．．．因為都唔太想去街咯，所以冇搵人去街～係屋企hea算～

今日都係返早，不過三點都已經冇野做，所以主動去借貨，哈哈～可以係車度訓下覺，何樂而不為呀～返到黎仲要係夠鐘收工，正～
之後返左屋企hea陣就出元朗，因為今日約左踢波，踢到十一點就閃～去左大排檔食野加慶祝阿燐生日，之後坐下吹下水咁，亦都恭喜俊豪做爸爸呢～哈哈
食到兩點幾閃．．．

今日和民盃衫賽第一場對MP，係小打一人O既情況下，都贏１：０，呵呵～不過今日被派踢一個完全唔適應O既位置，踢左翼．．．人地踢開後衛家嘛，所以成半場波都唔知踢緊咩，波都唔係掂左好多次．．．下半場仲換埋走．．．唉～
之後落左旺角，同Abby睇保持通話，套戲好睇．．．冇悶場，個劇本真係寫得好好．．．抵睇～

今日一早返工．．．一號風球，其實都冇咩特別個天氣～
之後返返下就話掛左三號，仲話夜晚會掛８號添～
所以今日都冇咩點做野．．．到六點先掛８號，不過仲要做埋ｄ客尾．．．所以七點幾先閃得～
都好．．．本應收十點，而家都叫早左３個鐘走～