細細終於都生左喇......你生呢胎真係難為左我呢個姨姨......日日做到黑晒面發晒脾氣......最大原因都係因為要對住個變態咸濕佬.......整整兩個禮拜我心裡面鬧左佢無數咁多句死變態佬死咸濕佬死核突佬賤精.......rosa同我講左無數咁多次冷靜d冷靜d......但係實在做唔到.......接受唔到佢d行為.......接受唔到佢既人格.......除左西面唔知仲可以對住佢做咩........又有d想轉工喇......

臨收工無情情又整個黃雨.......等緊車既時候突然覺得落雨拎住把遮聽住的的搭搭聲都幾浪漫.......d閃電又好似幾靚........真係痴左線.......濕到上膝頭哥仲係度跳制........返到屋企mama第一件事就同我講行雷果時b叔嚇到嗌晒救命.......已經係意料中事啦.......所以每次行雷都係第一時間唸起佢.......呢隻仔唔激嬲你有時都幾趣緻.......至少隔離屋個個都歡喜佢.......除左......................

連續兩日都訓到不省人事遲晒大到.......唔知想點.......好唔想返工.......可能夜晚d活動太激烈喇........攞左我條命.......

最後一篇喇.......yahoo見啦!!!

呢幾日成日都好留意你......我冇好似從前咁每晚都問你同一個問題......我冇阻止你去做你每晚都會做既事.......我知道你心裡面唸緊咩......唔好垂頭喪氣喇.......好多人愛你錫你呢.......

仲有兩日就轉blog喇......有d唔捨得tim.....話晒都留低過好多腳毛嘛......要由零開始喇.......

有d人總愛將自己既快樂築係別人痛苦之上.....呢點我當然有好深領悟.......別人做咩我阻唔到......但係做之前有冇經過深思就無從考究.......我唔係當事人當然唔可以代別人捏造一個出發點當成事實.......只可以講空穴來風事必有因........猜度別人既時候請檢討自己......

黎到今日處事變左......多一點火不如少一點火......講都唔多講.......無謂浪費口水.....沉默一點原來快樂一點......現階段好似未有辦法可以開懷.......好多野無原因咁不斷湧出黎......一直都冇好好將過去既不快事拋諸腦後......日積月累既怨氣一發不可收拾.......蠻恐怖........!!!

光頭.......平時堅強既你今日因為我既強硬哭了......你知道我有幾耐冇見過你喊嗎......知道我有多難過嗎.......你向來比我堅強一千倍一萬倍......就原諒我吧.......絕對保證今日既事唔會再發生.......因為愛你.......

全日holiday mood.....無心戀戰.....係咁睇電視.....集體睇卡通片......收工同Nic去買六合彩.....話晒都二千五百萬......一個唔覺意中左都唔知點算.......結果又係中得三個字......見到Dick.....還好佢見我唔到......ha.....有緣會再見.......bee叔琴晚唔知同d小朋友玩咩玩到爆甲血流成河......今日冇晒心機.......三少過黎睇下佢隻手仔縮都縮唔切......痛死......

自過完年之後一路都好期待呢個復活假.......今朝難得放假都可以9點幾起身緊係第一時間過隔離拍門認下叻啦......難得可以食到早餐A......難得嘆到一杯早晨的熱檸茶.......難得papa有機會問我做咩咁早起身.......果然係good morning......

眨一眨眼就3月......搬屋已經唔知搬左幾多個禮拜.....本來好深閨既我變得極深閨......更感激mama而家每日既照顧......每日返到屋企打開雪櫃見到個飯盒已經夠窩心.......今日仲多左半個木瓜......難道ma都覺得我..............ha.....

琴晚係細哥哥較剪之下亞佬變左栗子頭......為何我會變左emily+meiMei......???

未過年又恨過年......到真係就黎過年又開始埋怨咁快過年......九萬幾樣野都要逼埋呢幾日做.......日日望住個日曆計時間計日子......頭都暈埋......

紙皮 :

         最近到底發生甚麼事情......情緒好像最近的恆指般插水直落......那張臭臉臭得不能再臭......壞脾氣甚麼時候才會好起來......也許重上三萬點吧........入冬以來一直病一直病已足夠令人沮喪.......咳到肺都要掉出來還沒有轉好的跡象.......甚麼靈丹妙藥都起不了作用.......看見冷天氣快要把你折磨死也幫不了忙......畢竟你已盡力抵抗這個被你形容為史上最可惡的寒冬.......我想你現在最想知道的是氣管敏感有沒有徹底根治的方法.......放心吧.......我知道冷天氣一過你就會不藥而癒.......快過年了......又可以開開心心去逛你最喜歡的年宵.......就放鬆一點吧......還是好好計劃一下去旅行走走好了......

                                                                                     紙皮