連日見到四川地震災情嘅報導同籌款活動，個心好唔舒服，令人好傷感；唔係想做到莫不關心而係不忍心再睇落去．見到ｄ災民骨肉分離，好多小朋友失去父母．．．

佩服去到災區協助災民嘅人士，希望佢地盡力救人之餘亦都好好照顧自己，身在福地嘅人盡快申出援手吧！

4月12日提過媽咪成功張上年11月去泰國時買嘅"風信子"種子（好似洋蔥頭嘅物體）種出葉，依家洋蔥頭終於長出花嚟啦．

四川又受到天災禍害，到目前為止都未知道實際傷亡數字．
今日聽晨早收音機節目有個主持講到，如果香港發生地震，香港人一定冇辦法可以應對，因為香港人從來冇遇過大災難，亦冇諗過會有依ｄ事情發生係自己身上．
佢真係講得好啱，香港人所謂嘅地震大多數都係因為公司人士變動而令自己工作受影響，大不了都係失去工作，但比起四川大地震ｄ災民失去生命，親人，家園；我地所面對嘅又係ｄ咩呀．
其實我地已經好幸福架啦．

母親節照常分兩日慶祝，尋日返咗契爺屋企，冇見子翹一排又多咗嘢講又古惑咗．

好想放假呀！！
最近不停見到ｄ人去旅行ｄ靚相真係好想放假呀，之但係要搵個有共同興趣，可以同一時間放假，又一同想去陽光假期嘅伴又何其難呢．．．．
有時都幾佩服ｄ人可以一個人去旅行，因為咁就可以少ｄ限制，一攞到假就動身去旅行．唔知我會唔會有一日變得咁獨立呢？其實咁又係好定唔好呢？

成日都叫自己唔好咁執著，總係未能做到，尋晚又為一張memory card感覺被騙而唔開心，為咩呢．．．．

輕鬆ｄ去面對事情唔係好ｄ咩，太在意只會另人覺得你固執，倒頭來就變得吃力不討好．．．．