YU....

話咁快就一年，仲有23日又大一歲啦，

唔知今年既生日會點過呢???

今年有好多好多願望，唔知要幾多個蛋糕先可以許哂呢?

唔知你又記唔記得我生日呢???

噢!!!今個星期要面聖啦，唔知會點呢???

我同老細講咩好呢???佢又會同我講咩呢???

希望可以加人工啦.......赤貧呀

哈哈.....10-11月去新加坡出發!!!

今日係YLT既大日子，累死我啦，喉嚨超痛...

今朝7:00起身，超唔想呀，勁眼訓，

8:00約左阿靜係M記食早餐，

之後帶著超眼訓及超累既食驅去到可藝...

嘩.......16個人一組呀，時間十分趕呀，

好在今年D會員都算主動，唔使我激氣，

不過地方太大呀，D聲音散到爆炸，

所以喉嚨好痛呀...........

到左溝通技巧個PART，因為超趕呀，

因為除左教書玩遊戲之外，

仲要講埋紅十字分享要準備既野，

又要拾枱，又要填18張聯絡電話紙，

簡直係訓抄呀，之後落左禮堂，

大會講解13號既事宜，

係禮堂同其他組一起鬥大聲，

我既喉嚨經歷左今日之後，

已經努損了，請問有無工傷陪呀....

完左即刻返屋企休息......

跟住同芯芯傾左陣電話，

芯芯幫我解決左我既憂慮及擔心，

而家個人輕鬆左好多啦，

多謝哂芯芯.........

哈哈......估唔到我既生日過左一個月，

都仲收到生日禮物，好開心呀....

經過3日訓唔到覺既折磨，尋晚終於有覺好訓啦，

話說綜合技能比賽前一晚，我緊張到訓唔著，

因為成日覺得好似有野漏、有野錯咁啦，

完左個綜合技能比賽之後，已經超累啦，

但個晚都訓唔著，一來係我太過放鬆啦，

二來就係打邊爐既時候，

我地講左好多鬼古、核突野同埋笑話，

個人既情緒大起大趺，而且聽完d鬼古，

又真係好鬼驚，所以又訓唔到，

跟住前日，一上床蓋埋對眼，

就諗起份司儀稿，所以訓唔到，

尋晚開完會，真係超眼訓，又頭痛，

終於食完飯之後，食左粒藥之後訓左啦，

今朝真係勁唔想起身呀......

嘩....好耐無打過日記啦，因為超忙呀，

今日終於完成左一個艱巨既任務，

就係綜合技能比賽2006總於順利完成左啦，

成日既啦動總算完滿結束，

過程亦十分順利，真係好開心呀，

我奉獻左我兩個既第一次比大會，

就係第一次做主席同埋第一次做司儀，

真係超緊張呀，超大壓力呀，

好多有一班好好既戰友持支我，

過程亦有發生不愉快既事情，

我地都能一一解決，今次比我一個豐富既經驗，

真係學左好多野........

完左成日既活動之後，

我地出返總部開檢討會，過程都好順利，

跟住去左金綸打邊爐，超滿足呀....

之後表哥車我返到兆康西鐵證，

跟住自己搭車回家，又節省了車費，

真係好呀......

成個日都輕鬆哂啦，尋晚我仲緊張到訓唔著，

今晚要好好訓一攪呀...

31/3/06

今日超忙碌，因為埋數日，

同事都趕住埋數，我就不停開支票，

攪到12點幾先去到銀行入數，

個銀行職員真係好有問題，

只係9張入數紙加埋得仟四蚊，

都數左5次，仲次次都不對，

有無攪錯，浪費我既時候呀，

最後攪到1:30先入完數，太慢啦，

所又餓到2點先有得食飯，真係想死，

放工之後，去左香港演藝學院睇新傾城之戀，

梁家輝做得好攪笑，蘇玉華都做得幾好，

劉雅麗唱歌好勁，整體o黎講都算好睇，

完左之後，因為阿靜要去慶功，

所以我同阿輝走先，之後我地食野，

跟住一齊搭車回家

29/3/06

今日終於體力不支，請病假，

6點幾先起身去元朗睇醫生，

跟住仲去玩瑜伽，好累，

不過好舒服，但係夜晚又失眠..

28/3/06

今日病危，但因為唔夠同事返工，

所以由8:30返到6:00，想死既感覺，

夜晚失眠，好慘............

27/3/06

今日好唔舒服，仲發燒添，但係今晚要開skill comp，

諗住頂硬上啦，點知頭痛到爆，

唯有叫kenny幫我hold會啦，

點知佢唔係香港，

最後都要硬著頭皮出總部開會，

8點幾先齊人開會，開到9:30先走，

今次呢個會議真係......唉.......

請不要再挑戰任何人既底線，

我相信大家已經到左極限啦...........

跟住同小飛和牛丸去左食米線，睇金三旬，

今日係公司開職員會，十分之勞氣，

因為同事講既野完住無point既，

每次遇到d麻煩既事，攪到佢地做唔到野，

就總會覺得個套系統，所有野都唔好，

但無事發生既時候，又唔見佢話個系統唔好，

成日都係咁，只係識得發脾氣同埋點人做野，

社工大哂咩，一D都唔專業.......車.......

放工之後出左總部，因為約左除生面談，

傾左半小時到就講完LU，有D緊張，

緊住就同大STEP開社康及服務會議，

開到10到，就同佢地去左八面玲瓏食野，

我今日穿左傳說中既ALL STAR比大家睇，

超攪笑，真係覺得自己有D特別

21 Mar 2006

今日真係超煩呀，食午飯既時候，

廁所個電子感應水龍頭壞左，不停咁流水唔識停，

搵返d保養書先發現係大陸保養，簡直係晴天霹靂，

問暈其他整水龍頭既公司都話唔識整，

因為要搵返按裝個間公司先得，

好唔容易先搵到間肯幫我地整咋，

仲要唔收錢，真係好呀.....

跟住就到個按摩椅個手製竟然爛左，

打去osim到問先知保養過左期超耐，

同osim講左好耐先肯免費幫我地睇下，

真係多意外呀......嚇死人啦....

好唔容易食完餐飯，就搭車出去上堂，

3個鐘悶到抽筋，個導師好似自己同自己講野咁，

又唔知佢講乜，個到一舊舊，

而且d野我已經識做啦，真係超悶爆

20 Mar 2006

今日好早上到總部整埋索野d野，

跟住就開會啦，今日既會議非常開心，

首先就係表哥教dc啦，大step知道後笑到見牙不見眼，

跟住就係表哥請我地食既山揸餅，

令我同芯芯回想起火腿事件，

因為塊山揸餅好似個半塊火腿咁多架，

好好食呀......

19 Mar 2006

今日步操考試既大日子，我、芯芯同大step當然都有去支持豐伯同埋班會員啦，

期間發生左件超攪笑既事，話說我同芯芯去左大排檔食早餐，

我叫左個火腿蛋奄列，等左一陣，終於上台啦，

點知個奄列食左一半都唔見有火腿，

就係呢個時候，有位人兄囉住碟超大既火腿奄列行來行去，

咁我同芯芯就好奇咁問個位人兄，

火腿奄列係唔係有分有火腿同無火腿架??

個位人兄話無分，咁我地就同佢講我個碟一條火腿都無，

咁佢就問我地點解唔早d出聲，

之後我就搭佢諗住應該有一條半條火腿，

點知食哂都無，位人兄笑完就走開左，

咁我同芯芯繼續食無理到啦，

到食完我就準備走既時候，

突然就隻茶杯碟放左係我地張台到，

睇睇下發現原係碟上有半塊火腿，

我同芯芯同一時間望住個位人兄，

之後個位人兄話補返比我地喎，

跟住我同芯芯就係度大笑，

個種情境真係超攪笑呀..

＊我們都曾經明白　也都曾經遺憾　錯過了愛　
  就難以重來
 (但我們都曾明白)　　　　　　　(一旦錯過)
　不要害怕去坦白　怕容易被你寵壞　忘了該與不該
　　　　　　　　 (怕又容易被寵壞)
　到哪裡找回真愛　找回所有遺憾　愛的真相　
  就能夠解開
　多給我一些片段　拼湊未知的意外　
  失去記憶最初的愛

我是被你遺忘的精采　你卻帶著記憶離開
心跳是我們唯一的呼喊　提醒我們曾經相愛
你的笑像陽光般燦爛　小心翼翼藏在我口袋
在我脆弱時給了我溫暖　誰也無法取代