是愛隨心 還是愛隨心
|
||||||||
 |
|
|||||||
September 13,2008
是去是留!?
是去是留!?
一轉眼又已經九個月 時間過得愈快 人就愈空虛
週而復始 上班下班 生活愈來愈黑板
如果唔用文字記低 記憶開始變得迷迷糊糊
近幾日 自己不停為前途問題思前想後 是去是留
一直都未有答案 可以既話我真係好想俾自己抖下
俾意見 [0]
文章URL
引用 [0]
January 06,2008
決擇
決擇
好耐... 好耐... 好耐冇o係度寫過日記
唔經唔覺自己已經俾物質生活腐化 安於逸落
近排做左一個決定 個人有些少忐忑
告別校園生活唔夠兩年 自己又開始再進修
重覆半工讀既生活 唔同既係今次條路難行得多
但係難過---大概係為左將來既生活過得更好
September 16,2007
大家樂的啟示
大家樂的啟示
每一次去大家樂食飯既時候 都有一種好奇怪既感覺
可能係因為自己既過去 總係同快餐店有不解既情意結
自己細個既時候 父母將我寄養o係親戚屋企
快餐店同歡樂小天地大概就係我僅存較深刻既回憶
假期既時候 舅父會帶我地去鋸扒 雖然唔係咩高級扒房
但係都已經食得非常滋味 食飽之後仲會去歡樂小天地
換"金寶"大玩一餐 小朋友最期待既大概就係呢個時間
到自己開始大個 父母將我帶返屋企同住
皮球一樣既我完全無反抗能力 快樂既日子離我漸遠
因為家人經營食店 什麼山珍海錯 珍羞百味
魚翅當例湯 東升當紅杉 真係一d都唔誇張
但係有一樣野就係見唔到 又或者可能係冇留意
隨著人愈大 個人感受愈深 開始會留意食客既神色
宜家既大家樂對我黎講只係一個代替品
每當我諗唔到去邊度 食d咩既時候
總會諗到大家樂 每次去食飯既時候 我留意既並唔係餐牌
而係理所當然地坐o係四人檯度既
三,四甚至係五小口既家庭 係一份理所當然既家庭溫暖
而呢份咁既理所當然 我已經好耐冇試過喇
睇住人地一家大細 開開心心咁去快餐店食飯
所費無己 但係已經物超所值
能夠見證一家人齊齊整整 開開心心
大概就係我o係大家樂既啟示
下次有機會去既時候 不妨留意下 可能大家都有另一份感受
September 08,2007
搵食
搵食
時間過得好快 唔經唔覺已經返左揸打一個禮拜
同東亞比真係冇得比 好忙 真係好忙
返左5日 OT左20個鐘 每日6點起身 2點先訓 週而復始
仲要同一個外籍人士學習 真係有d困難
好彩我唔算係新人 都知道佢做緊咩 如果唔係... 哈哈
每一日過住忙碌既生活 漸漸又浮現一個問題
究竟生活係咩 我過緊既係咩生活 我要既又係咩生活!??
坦白講 錢宜家真係搵多好多
但係每日都係返9收10 連食都唔得閒既時候
我能夠要求既又係咩呢
好多野想買 電視 遊戲機 電腦.....
但係再問多個問題 我有時間咩......
想買衫褲鞋襪 想買新袋 但係有機會著俾人睇咩.....
到頭來能夠要求既 只係辛苦工作之後
能夠食一餐好既 搵食搵食 大概就係呢個意思
August 30,2007
轉載
轉載
每日都會睇好多唔同既文章 好多都係發人深省 有啟發性
今日呢篇都係
蔡子強﹕從童黨殺人和袖手旁觀到政改
(明報) 08月 30日 星期四 05:10AM
【明報專訊】作者為﹕中文大學政治與行政學系高級導師
上周六晚，牛頭角 一名15歲少年被童黨活活打死，但更令人震驚的是，事發時有30多名人經過，目擊事件，卻無人施以援手，或挺身而出喝止暴行，事後令不少人慨嘆港人缺乏正義感，只曉得「各家自掃門前雪」。
這件事令我想起43年前一宗震驚全美的謀殺案，以及兩位學者因此而發明的「袖手旁觀效應」（Bystander Effect）學說。
43年前震驚全美的案例
1964年3月，紐約 Austin Street發生了一宗震驚全美的謀殺案。一名年輕女子Kitty Genovese被一個狂人殺死，案發經過長達半小時，附近至少有38人看到或聽到女事主反覆的呼救，但卻沒有一個人出手相救，甚至沒有一個人報警﹗眼白白讓一名妙齡少女血濺街頭。事後，傳媒口誅筆伐，慨嘆人間何世，為何人們會變得如此冷漠無情，無動於中。
兩位美國 心理學家John Darley及Bibb Latane，不滿足於民粹主義式的評論，反而進行了研究。他們找來了72名事先不知真相的參與者，與一名假裝癲癇症 病患者參加一個實驗，讓他們以一對一或四對一兩種方式，保持遠距離觀察。事後的統計數據顯示出有意思的一幕：當假裝的病人大喊救命時，在一對一的那一組，有85%的參加者衝出工作間去報告有人發病，但在四對一的那一組，卻只有31%採取行動!
「責任分散」及「多重忽略」
兩人於是總結，是眾多的旁觀者，分散了每個人應負的責任。大家因為「總會有人做」的這個想法，為自己「蹺起雙手」提供了心理上的藉口。這個「袖手旁觀效應」，可以再進一步用兩個概念來解釋，分別是「責任分散」（Diffusion of Responsibility） 及 「多重忽略」（Pluralistic Ignorance） ，簡單來說：
Diffusion of Responsibility就是「橫豎有這麼多人在場，總會有其他人幫手，毋須要自己操心」；而Pluralistic Ignorance就是「這麼多人都不出手，問題應該大極有限」。
華盛頓 合作定律
所以，進一步類推，大家便會明白到，人與人的合作並不是力氣的簡單總和，關係要微妙複雜得多。假如每個人的力量為1，那麼10個人的能量，合起來並不一定會等於10，甚至可能比10還要少。有人稱之為「華盛頓合作定律」（Washington's Rule）。
舉個例，捉過螃蟹的人都知道，籃子中放着一群螃蟹，不必蓋着竹簍，螃蟹也是爬不出來，因為只要有一隻向上爬，其他的便會紛紛攀附於牠身上，把牠拉扯下來，結果「累鬥累」，最後一隻也不能爬出來。
分裂的民主派 對北京 最好﹖
同一道理，放在政治上也十分有啟發。就如2005年政改一役，當時其實有不少民主派都想妥協，但卻沒有人有這個勇氣出來「孭飛」，生怕被其他民主派攻擊自己「轉軚」，民主立場不夠堅定，被其他人通過踐踏自己上位，於是心裏都想別人先做「爛頭卒」，結果方案也只有拉倒。試想想，如果民主派是一個單一的集體，而非山頭林立的一伙，政改的結局可能會不一樣……
回歸後，北京千方百計，透過諸如分化、比例代表制、最大餘額法等，令民主派四分五裂，再無一股單一主導力量，結果對香港是好是壞，北京應該漸漸有所啟發吧﹗
August 29,2007
黎多件衰鬼上帝
黎多件衰鬼上帝
星期日罕有地去左睇戲
一個十幾年都冇做過既活動
原因係星期日睇戲實在太貴
三個人去睇場戲就已經兩舊水落樓
貴過買隻dvd返屋企煲
開始既時候以為會同衰鬼上帝差唔多
但係睇落有戲味得多
故事既主題圍繞住
how to change the world and where can we start
主角飾演一名新紮既議員 夢想改變世界
上帝俾自角既考驗係 ARK 要佢親手做一隻方舟
仲俾埋本Ark Building for Dummies佢 要佢由零開始
雖然造方舟既過程瘋狂惹笑 但係結局都幾出人意表
聽落好似好荒謬 要一個正常人做一d唔正常既事
好多人都會覺得 佢係唔係傻架
真係有上帝咩 思覺失調咋哇
就係因為咁諗 所以好多人都辜負左上帝既恩賜
正如好多人想改變自己 但係咩都唔做
結果都係得個講字
睇完呢套戲之後 大家都應該會得到一d啟發
ARK - Act of Random Kindness 我覺得譯得幾好
要改變世界 就要日行一善
August 29,2007
Fine tune
Fine tune
唔經唔覺已經hei左個幾禮拜
返到公司根本就唔駛點做 食餐憂餐
食完早餐度午餐 未食午餐就諗下午茶
個人開始有d鈍 因為太耐冇做野
開始有d驚自己會調整唔切
想夜d訓早d起身 係夜訓左 不過冇早起到
上新工既日子愈近 個人就愈緊張
究竟應該用一個咩心態去應付
諗左成個月都未諗到
August 17,2007
Boating
Boating
岩岩o個個禮拜日去左公司既boating
雖然天氣唔係幾好 不過好難得可以出去行下
吸下新鮮空氣 感受下大海
目的地係大澳 一個自己從未到過既地方
有d唔敢想像香港仲有一d咁純樸既旅遊點
從來冇想像過香港有一個地方可以為我帶黎絲毫新鮮感
大澳好靜 小巷裡面聽到既都係麻雀耍樂既聲響
原住民既工作都係出海打魚 賣手信特產
有海鮮 茶果 煨魷魚 海咪乾貨
好奇怪 我竟然o係大澳用左2.5買左一個菠蘿飽
好似大澳既一切俾我既感覺都會好d
雖然唔明原住民點樣渡過每日平淡既生活
但係我有少少嚮往 可能平日逼得自己太緊
兩日假期正好俾我放鬆既機會
