兩個月無寫過日記，唔知寫乜好..................

踏入九月，又係新一個學期，數數手指原來出嚟做嘢已經十年有多，我仲記得頭一兩年，一到開學果幾日，見到ｄ學生返學，自己就要返工，都幾大感觸，但隨住年紀同時間增長，宜家已經無乜感覺囉...........

時間真係可以令人忘記好多嘢 !?



呢兩又洗咗好多無謂 $,尋日走咗去灣仔電腦城買咗個外置160G  HD, $430,諗住用嚟dl卡通片,今日又走咗去旺角睇玩具,結果忍唔住又買咗兩件返屋企擺

今日放假，特登去咗葵芳睇玩具，行咗成個葵芳都只係得一兩間有one piece啲pop玩具,價錢唔算貴,但係只得香港版,無日本版,最後都無買到,睇吓遲啲搵唔搵到日本版,真係搵唔到先至去再買過~
之後出返金魚街睇金魚,因買唔到嘢嘅關係,响金魚街買咗一包$12金魚+$25唔知咩種嘅龜龜,返到屋企放佢哋落魚缸,點知隻舊龜龜為咗宣洩主權，立刻咬咗新龜龜兩吓，跟住仲食咗一條新魚仔，呢隻魚缸小霸王同我家皮皮一樣咁惡死　＞＿＜

又一個月個啦.......
呢個月走咗三個同事.....宜家勁忙
呢個月帶咗我家皮皮去剪毛....宜家勁攪笑
呢個月買咗兩次魚仔都俾龜龜食晒....
勁飽囉~佢
呢個月買咗三隻one piece玩具.....勁開心
呢個月病態購物症又復發....勁窮勁敗家

尋晚去咗打邊爐,食咗好耐無食過嘅象拔蚌,
$368 雖然有ｄ貴,但間唔中食吓又真係唔錯,好好味架~
我家皮皮近期成日都周圍咬嘢,仲連我都唔放過,同佢玩玩吓就發神經,俾佢激死

生日啦 !!
過多兩日又會再接近三十歲大關一大步,
"一事無成 "
回想呢廿幾年得到過乜,做過乜嘢,淨係諗到呢四個字................唉~

要去洗牙呀，都唔知去邊度洗好？？？
咁大個仔都未洗個

返咗五日工,上堂上足五日咁滯,仲辛苦過做