近來, 很多事都值得高興.

1) 工作上 ~ 終於可以脫離了, 再過兩個星期便返新工, 有新開始.

2) 工餘時 ~ 生意漸漸上軌道, 不用再吃白果了.

3) 朋友間 ~ 終於識到意同道合的朋友了, 不用再帶面具了.

4) 感情上 ~ 已完完全全被你包圍了, 再也塞不下其他人了. 感覺...   很圓滿.

原來我所需要那半正是你
我已完全　因我已滿滿地裝滿你

hohoho~~~

終於捨得回來了, 早陣子不是很忙就是很懶. 但今日真係好開心, 所以我又回歸返來講下比大家聽囉

早在三月的時候, 我已經想辭工不幹的了. 但一直沒法子 "的" 起心肝, 但是而家我終於等到呢個機會了. 一直都打算邊做邊搵. 很多公司知道我還未辭職, 都顯得不考慮我. 但我今日去 interview 時, 那間公司很好呀, 他們肯等我呢~~~

我打算明天便跟現在的公司說辭工, 應該 7 月中便可返新工了. 新公司很近屋企, 由家出發才只需十五分鐘便可到了. 而且車費也便宜得多. 之前那份工在西瓖, 一日要用至少 $30 作車費. 而且仲要成個鐘先返到去. 所以辭工真係勢在必行!!

好期待新工呢~~~

不捨得的感覺尚存在, 但我知總有一天會過去的.

明明知道沒結果, 便不應錯下去.

我信我能克服的.

上星期我做錯了一件事. 令我和最好的朋友對我失去信任了.

其實我知自己做錯了, 我真係好希望佢可以原諒我.

但係我搵極佢, 佢都唔理我了...

真的很對不起呀!

在這 7 年的日子裡, 我和你相處得好開心, 好多謝你留下很多甜美和溫馨的記憶. 我想, 我這一輩子也找不到另一隻可替代你了. 雖然, 你現在走了, 我是很傷心, 但我真的不忍看著你一天又一天的受苦下去了.

5 月 9 日, 這個日子從此便烙在我心中.

由病發至死亡, 只不過是 3 個星期的事. 生命很脆弱, 我們面對死亡是無能為力的. 那天, 你硬要等我回家才肯離開, 辛苦你了. 我知道你也捨不得我, 我又何嘗不是呢?! 帶你去打針, 是想你早一點解脫, 不想你捱下去了. 你的身體由出院後便急轉直下, 我和媽媽都擔心得死了, 眼看你堅強地一天又一天的撐下去, 恐怕每一天都是最後一天.

終於, 你等看到我便放心的去了. 我會好好的把你記住, 你永遠也是會和我在一起.

這 7 年彷彿一眨眼便過了, 由細到大, 我看著你成長, 和你的一點一滴都是甜的. 我睡不著, 你會過來我身邊黏著我, 哄我入睡. 我哭時, 你會趴在我心口, 安撫我的情緒. 用舌頭替我抹走眼淚. 現在沒有了你在身邊, 我唔捨得你呀.不過, 幾唔捨得都要學懂放手, 因為你的重病已是鐵一般的事實了. 其實我是明白的.

Mel, 再見了!

一男一女最得意的關係都莫過於係 曖昧 關係了. 那種似有還無的感覺, 很令人心悸.

昨晚與小花聚舊, 之後... 他來了接我回他的家. 對! 我又敵不過他了. 平時, 我倆不會單獨出來. 通常只會係是但一方飲醉了, 才會致電對方, 叫對方送自己返屋企. 不過, 每一次也是回他的家. 他卻從來也不會到我的家. 這樣也好, 不用弄髒我的地方.

出奇, 真係好出奇! 我竟然連半點睡意也沒有. 昨晚也算飲得幾醉了, 但去到他的家洗了個澡後, 便醒過來了. 然後, 我們相擁至四點才睡著. 今朝 7 點我醒來了. 之後一直在他懷內輾轉反側, 怎樣也睡不著. 於是到 8 點時, 我決定離開他. 到現在我回到家了, 已經 10 點喇... 我仲係覺得唔眼瞓呀....

其實, 我和他也算不上是情侶, 但一見面卻又會十拍緊扣的拖著, 會擁抱, 會與對方親吻, 更會同床. 這又算是怎麼樣的關係呢?! 是 SP 嘛?? 我不知道. 唏~ 管他是什麼關係, 大家都 enjoy 便可以了~

很久沒與他一起睡過了, 難得今天放假, 但自己唔爭氣都無計... 真是他媽的該死!! 竟然放假先咁精神, 真係作死咯...

上星期二, 阿 mel 病了, 放工後嗱嗱臨帶佢去睇醫生, 醫生說牠的肝有事. 情況都頗嚴重. 還要留院診治. 那天我擔心得哭了出來, 就連kenneth 也安慰不了我.

自那天起, 每天放工都去探牠. 看見牠每一天比之前的一天漸漸康復. 心情也好了起來.

阿 mel 明天便可出院了. 好開心啊!~~

幾經辛苦, 我終於都返到嚟喇.

之前, 我男朋友本來好醒咁話幫我整返好部電腦, 但事與願違, 佢整唔到... 之後, 四周圍搵朋友整, 終於比我搵到喇, 好感動呀~~~~

>__________________<

係呢個月裡面, 我好懷念以前每晚坐在電腦檯上網, 睇別人的日記的日子. 而家掂返個 keyboard, 好似有d唔慣, 仲有d封塵 tim...

唔知大家有無掛住我呢?!