我搬啦,  因為黃總將會CUT 呢個ACCOUNT, 所以我都要搬家,  請各位稍移玉步 ...... GO GO GO

http://hk.myblog.yahoo.com/directorfish-gmyellow

聽到一個電台節目的片段, 聽後真係汗顏.  後生仔女要聽, 有子女既父母輩要聽, 準備生小朋友都要聽

http://www.zshare.net/audio/2437786e40a8/

o禽日掛 8 號, 一遍混亂,  交通公具及電訊網絡好似銀行擠提咁.  而我份工本來係 8 號波時有補貼, 點知就係我近放工才掛, 一個仙都冇得賺不特止,  8 號波前我地仲做餐死, 因為好多塌樹事件要做, 收call 收到冇停口.     接中更既同事就肥仔囉, 不單有補貼收, 仲唔會多野做, 事關大部份香港人都趕返屋企嘛.    

好啦, 冇得賺都算, 呢啲叫唔係你財唔入你袋,   不過一出到公司門口, 我就已經知道死啦.   同一時間咁多人一齊走...........   入到地鐵就更加想死.  入閘機都hold 住唔比入, 多人到死, 仲要黏到你貼一貼, 女人都唔緊要, 好多男人老狗夠膽死佢胸貼你背, 我當然係用我既冒火兼想殺人既眼神同佢地死過啦.    可能我有番咁上下惡樣及高大, 佢地都即時同我保持距離, 算佢地啦.   好辛苦至入到閘, 我就選擇坐回頭車去中環先沿車返家, 好彩仲有一個半個位我坐坐.  好啦.  沿途每個站都好似打仗咁, 個個站上人時都聽到有人鬧交,   唉, 迫唔到就下架啦. 下架你咪可以第一個上囉, 無謂爭到咁呀.   係車到, 有個位坐既人就好似中獎咁.  有人手抱小孩都唔起身, 本來我都唔捨得自己個位架.  不過又唔忍心, 終於都讓o左比一個媽媽同佢手抱既囡囡坐.  唉, 我睇住身邊坐我隔離左右既西裝男, 佢地知及睇到佢地兩母女架, 不過立即扮瞓同睇書, 好狗呀, 火都o黎埋呀.   

之前已經有好多各界好友睇了此片, 因時間不相就, 直到o禽晚至有機會睇到.  內容不用多講.  另如果以為此片只是童年回憶或感覺幼稚者, 我會講... 比錢入場睇左才好落評論, 而我看後只能說一個字 ..............

 COOL

早前幾日, 多謝大姑奶在觀塘 "龍皇" 酒家 請食翅呵, 實在美味.  而且看到香港既經濟真係好左, 因為當晚係 "閒日", 都爆滿.  呢個境又再次出現.

開餐前, 仲好完整呵.  

杯盤狼藉呀,  癲馬連小小蟹腳都唔放過  

同期同班既同事A 雖不同Team, 但佢有好野都預我一份.  今次也不例外.  同事A 好 "打椅",  "椅" 今次就打唔到, 不過有蟹  , 仲要整埋O個隻, 真感動.    唔知下次有冇啲 "大椅"   食呢.  貪得無厭是我的外號.

今日放工, 因有少少時間, 走去時代廣場取禮品並且一睹黃永玉先生的藝術展,該展覽至 8月 1日， 有黃先生的創作逾 50項藝術品展覽，包括雕刻、油畫、書法等作品.  一直都好想去睇, 因為他的雕塑好可愛及生動. 雖然影得唔夠靚, 但都想與大家分享分享.  冇時間去睇就係到睇睇啦, 有時間就親身去現場看看.  值得的.

細佬老婆預祝生日, 係咁意食餐飯喎, 真係好, 又有得食, 可惜黃老爹要去飲, 而潮爆大姑奶伉儷又不見蹤影, 所以成個 “黃族” 維有由黃老太帶軍擦番餐啦.

叔仔個仔非常精靈, 佢九月就入幼稚園, 但幾歲人仔就極度醒目, 醒目附送既係 “UN 皮”. 唔知係咪自己老, 真係冇咁多精力同佢玩, 但睇住佢又有時好好笑, 而黃總就非常之喜歡做 < 佛山牛皮廠 > ………專整鼓 (整蠱). 一路睇住個豆丁玩, 一路諗湊佢既就真係好辛苦, 仲慘過返工呵. 生仔……真係要諗清諗楚.