12月24日

本來諗住今個聖誕節唔出去同人迫......亦唔想去party飲酒，結果，都係跟朋友去咗party，仲係差梅飲酒嗰種~~冇計啦，唔想一個人過，又唔想成晚對住d成日見嘅朋友，識下新朋友嘛~~

不過，喺呢種場合，真係好難識朋友。即使嗰刻玩得幾咁高興....始終都係覺得好冷漠，人同人之間冇connection.....其實好dead!

就咁樣過咗個平安夜.....爭咗d野! 係爭咁d野!

12月29日

期待咗好耐嘅Rosian Gathering終於唻! expected 有人會甩底....但成績總算不錯....都有20人。雖然大家未係好融合，未可以去番以前讀書時見面嗰種放任自流....但第一次，係一個好嘅開始! 希望keep住有gathering，個group可以越搞越大啦!

12月30日

我好無聊地做咗電燈膽! 明知人地拍緊拖，照樣出去阻住哂~~ 打邊爐，好開心! 更開心嘅係喺去德國之前收到好多料。之後自己一個去睇戲 - 「破事兒」，第一次自己去睇戲.....無聊嘅我，去睇呢部無聊嘅戲...o岩哂!

12月31日

經過12月24日之後，我決定要過個開心嘅new year eve，於是都係要同自己好鍾意，好想見到嘅人一齊過.....其實做咩真係唔緊要，開心唔開心，係你點睇....

結果，今個new year eve，真係好開心! 唔係一個sweet嘅new year eve，而係一個我好珍惜嘅new year eve。

1月1日

唻番一個好warm好有人情味嘅一天.....唔係去玩，係去share! 感覺非常良好!

我唔知行唔行得通，最後會否成功....但我知咁樣我會開心d!

努力呀!

又衰咗喇....... 其實由頭到尾，我都處於下峰......或者，我真係隨心而行卦~~ 唔得!從今以後，唔可以再咁樣衰，不能再失勢!

我要快d放低...快過你!

明白.....接受.....適應.....放下......心理質素漸漸轉好

究竟我而家嘅心情係因為釋放同脫離，定因為subconciously還抱有希望? 我自己都唔知......起碼我而家好過d!

人怕失去.....當我知道我未完全失去，就未至於跌落谷底.....但仍然係走不出來。當接受自己完全失去，不久就會再無牽掛。 有幾多人可以o係未跌入谷底之前就可以爬番出唻? 我希望我唔會爬爬下又跌番落去...........意志要堅定!

同自己講....我要放低，已經放低..................

討厭要幫自己安排節目..... 尤其係聖誕節!

好想睇藍莓之夜......

其實我已經接受咗現實.....但越近現實，我就覺得越難受。

個心la 住la住，感到好抑壓........或者，寫出唻會感覺良好d! 但我冇勇氣將所有野都寫o係度....

好矛盾......真係非常矛盾!

本來我好期待聖誕節同二月新年嘅來臨........

心情極度反覆......我知我有理智，但唔想被理智埋沒感情。即使會令自己傷痛.....也想任情感自然流動。

心跳時不時會加速，令全身滾熱，也許，我的心還是流著熱血。

聽日開始要早番d番工!