|
| |
|
|
|
|
|
|
September 28,2006
重生了，浮誇250。
重生了，浮誇250。
前日終於幫"浮誇250"換左車鏈同機油，埋單要成九百蚊，師父換鏈時發現尾鼓有D問題，睇完之後話我部車應該無迫力架喎....我只係笑笑口答左下:『係咩!?』，之後師父就順手幫我整埋，之後又順手幫我跟下其他野，見到師父又扑又磨又跳又流曬大汗....哩九百真係比得好舒服。
換完野之後部車真係爽左好多.....就算唔爽都會呃自己話爽架喇。
俾意見 [2]
文章URL
引用 [0]
October 23,2005
太空漫步
太空漫步
今日約好了陪女朋友去尖沙咀睇野，食完野後就坐地下鐵去，係地下鐵同佢兩打了一局NDS的FIFA 2006，最後2比1贏了電腦......HAHA，之後講講下就去左太空館睇野，講出來都唔係太好意思，今日是我人生第一次去太空館睇野，畫面投射係半圓形既天幕，扭曲了的畫面感覺好好，最難忘的是開場前D橙慢慢咁暗淡直到乜都睇唔到，真係一滴光都無，感覺好一流，之後開場，套野係關於人體的，都好好睇，大家有時間都去睇下吧。另外係去星光大道時發生了兩條趣事，第一件是行行下有個男的問身邊朋友點解有D未有手印的呢?身邊的女朋友就說....個人未死咪未有囉...行多兩步，我同女朋友就見到謝賢的手印在地上...手掌心重有香口膠，第二件是見到一班女係D比人噴花曬既牆到影相,,我重係佢地身邊同女朋友講，唔係以為哩D係藝術品啊~之後行前多一會就行返轉頭準備返去太直館睇野，之後又撞到之前班女，見到其中一個女孩樣衰衰咁笑笑口望著我....之後行近多小小發覺...個女孩原來係李心潔啊...我一向都幾喜歡佢的.....記得當時我成個人即時硬直，之後定想同女朋友講時，女朋友無喇喇打左個大乞次.....講完。
September 10,2005
Titanic
Titanic
電視台而家又重播緊《Titanic》，真係熟到連套戲有幾多隻碟都記得喇，不過排除左佢被重播左無限咁多次哩樣，哩套戲的確係超級經典之一，係咁多年之後既今日睇返都覺得好鬼感動，其中小提琴個段，當年係戲院睇真係喊出來，反而主角個段感情戲就無乜感覺。不過講到最最最感動既係......當年.......我係同四個男性朋友一齊去睇《Titanic》......睇完之後重撞到我當年追緊既女孩....佢重同另一個男孩一齊...當時沒記錯應該是聖誕節。
聖誕節五條仔一齊睇Titanic之後重感情受害者....你地係咪都覺得好感動呢!!
September 09,2005
拍拖
拍拖
見PKG朋友既時間多過見佢，接到變靚D廣告既電話多過接到佢既電話，ICQ收到"我係欣欣16歲岩岩同男朋友散左想搵人傾下計"既訊息多過收到佢既訊息，收到既訊息九成以上係ICON。
September 08,2005
iPod nano
iPod nano
幻球PAI終於回來了，不過沒有想像中咁好睇，有點失望，另外唔該曬阿玨，辛苦曬。 Apple又有新攪作，今次部野叫iPod nano，睇來係用來頂MINI個位，最低消費2GB賣HKD1550，我自己用開既SHUFFLE......當樓下四嬸都話:我部"濕浮"係咪好型既時候....都係上網買返部nano加個線控放係袋算......講起網上買野，之前買SHUFFLE已經試過睇下睇下唔小心ADD左十二部SHUFFLE、四部40G....好彩比錢前睇到，如果唔係真係唔知點算。今次又係咁，上去睇下nano，無喇喇又add左六千幾蚊....網上世界真係好危險...... P.S.睇完NANO望返IPOD，IPOD成個樣即時顯得肥曬。
←IPOD NANO & IPOD→
September 06,2005
【頭盔】
【頭盔】
自從買左車之後，女朋友用果個頭盔都係問朋友借來用住先的，前排佢一直話想買頭盔，咁又係既，點都係有個自己頭盔好D既，之後又咁唔好彩有一次比佢見到MOMO既頭盔話好喜歡(寅識貨...知道個價重鍾意啊)。
咁好彩哩幾日MOMO竟然開倉，咁ARM又係女朋友學校距離，佢去睇完後打電話比我話好多款都買曬了，只得返兩隻，上面左手邊哩個就係其他一個款，佢話都幾喜歡，我原本都唔想佢買，不過佢講見折實都只係五百蚊咁上下，同街邊買個雞野差不多，諗落又係既，現在都叫超值，所以都沒有阻止佢，不過現在最怕佢載左唔好睇，所以諗住放工陪佢去專門店試載下，如果好睇既佢明天就去買的了。
September 05,2005
好想念你。
好想念你。
昨晚一個人無聊睇返M仔同燒賣BB既時候影既片，一時感觸，又差D喊左出來，唔知你而家係邊呢，好期望有一天回家見到M仔係門後面等緊我......
你永遠是我心中長不大的小孩......
