珍妮@HOME

生活隨筆~~ 我手寫我心~~

全部文章 | 日記 | 音樂 | 電影 | 遊戲 | 旅行 | 文化 | 電腦

呢個係新 Hompy 地址!!

http://hompy.netvigator.com/main/page/jennyau622

以後我會响呢個新 Hompy 到寫嘢!! 呢個會 Delete, 請咁多位老友留意同埋 Add 返我入去你哋個 Friend's List 到!! 謝謝......

今早0800就搬屋!!!! 一搬好!! 第一件事唔係 “汁” 好啲衫, 雜物!! 而係…...... 砌好部腦… 哈哈….

唉!! 決定邊日搬屋都冇權話事!! 我做人都唔知仲做嚟為咩?! 得! 你咪嗰日搬囉!! 嗰日又冲狗, 破日.......... (下冊300字....) 唔想你又做埋晒啲任性嘅嘢!! 喂!! 搬屋關咩任唔任性吖? 做咩拉到去任性呢筆呢?! 人哋搬屋公司冇期搬吖麻!! 唉!! 煩死人!! 我明白你係想為我好!! 但點解你說話既態度係咁呢? 咩除你咩... 你要咁我都冇計, 不過....... (又下冊300字) 做咩傘?! 講到好似好大件事咁!!!!! 唉..... 早又唔關心! 家陣先嚟關心!!! 不過你所謂嘅關心! 言詞中帶有囉!!! 咪再成日話咩鬼叫你呀! 鬼叫你生佢出嚟吖!! 做咩事先??!! 我又冇怨過亦冇話過啲咩!! 做咩成日提住話我傘?! 激死我啦!!

另外, 現鐵定27/11號搬屋, 呢個Hompy亦將會搬去新嘅Hompy, 因為呢個account係我mami嘅!! 遲下我會用自己名開Netvigator, 咁Hompy亦會開過新的!! 到時一開到Hopmy. 呢個Hompy亦會放棄, delete, 到時我會 Post過新既 Hopmy 地址係到!!

近日搞新屋啲嘢, 搞到我好攰! 身,心都好疲倦!! 現在... 我只想靜吓!!

朋友!! 你知道你自己對我講咗啲唔應該講嘅說話嗎? 我嘗試唔去諗, 亦努力去逃避!! 但為何你要去將我逃避緊嘅事情... 從我心, 深底裹拿出嚟呢?!! 為何呢?

一心又起能令給三人呢? 此刻我覺得我們的距離...... 好像拉遠咗.... 是他的來臨嗎? 是我想太多嗎? 還是甚麼?! 盡管你說沒有, 不會的! 不要亂諗嘢! 但這感覺是有多強烈.... 你知嗎?! 是我未能適應他的出現!! 好像是對我有所威怯!! 雖則我見你還努力地抽時間出嚟陪我打點搬屋! 但每當我看見你, 你樣子是有多累, 我有幾多的不想見你! 因為這些陪我的時間, 好像是帶給你更加忙, 更加煩!!!我情願你回家休息多啲.....

今日真係多謝 Wendy 幫我手拜四角!! 唔係有佢, 我真唔識呢啲野!! 上次拜四角, 原來拜到錯晒! 唔怪得....... 哎吔!! 今次搬咗去新居! 有Wendy 教路! 我實行安心入住囉!!! hehe..... 多謝晒&感激妳吖!!

唉~~ Wendy 話今日見到我面色好差.... 又多得你教我點做!! 希望跟足你做我啲衰氣會走啦!! 呢2個月嚟, 我都不停病! 事事唔多順!! 啲咳都未停過!! 瞓又瞓唔好!!!

今日又再去法國醫院睇醫生! 嘩! 平日3百拎蚊落樓! 今日貴成陪咁'仔' 6百幾!!! 好貴吖!! 好肉疼呢!!! 不過呢啲貴真係好堅! 平日啲藥食咗話會眼瞓, 但對我似乎起唔到作用! 鬼打咁精神!! 但呢次啲藥犀利囉! 有2隻藥係同上次一樣, 不過食嘅份量係多一倍! 其餘都唔同, 支咳水都唔似咳水, 士多啤利味, 完全冇藥味! 好香好甜! haha... 呢次啲藥又係話眼瞓!! 結果..... 食藥不消半粒鐘! 個人即時眼瞓到巔咗!!! 嗱嗱聲走去沖涼, 跟手的埋2小魔頭入房瞓!! 但瞓冇2個鐘就醒啦!! 醒咗咪走去書房左 '度' 右 '度' 新屋點擺啲床! 又寫吓Blog!!

明天全日要响新屋!! 1-4點吉之島送貨, 4-5 點, 師父上門度做窗廉, 5-8點人哋送雪櫃嚟!! 所以就約左爸爸, mami 同細妹係新屋附近飲茶! 順便比對孫佢地玩吓望吓, 因為好內冇見啦!! 公公話好掛住佢地! 成日話唔帶出嚟比佢見吓!! (我忙吖麻爸爸) 兼且帶佢哋去我新屋望吓! 雖然係吉屋, 但都等佢哋望吓囉! 唔洗擔心我吖麻!! 仲有就係去買洗衣機!! 因為我叫爸爸送比我作入伙禮!! hehehe.... 好嘢!!! 洗少2千幾蚊!! 呢次搬屋, 連上期,按金, 傢俬, 電器, 經已洗咗四萬蚊!! 家陣仲欠個衣櫃, 仲有啲 '立' 雜嘢未買!!! 睇嚟都仲要洗多幾千蚊.... 大出血啦!!! 一切安頓好晒! 我就要努力搵錢啦!!! 因為每月開支都好大!! 努力啲, 勤力啲先!!!! 盡可能都想儲返啲錢!!

人哋放上去架!! 雖則睇唔到鋒哥個樣, but 聽到佢千華對話!! 但要留心聽, 一start就係.....

http://www.youtube.com/watch?v=XBZCvMC5s9o&eurl=http://www.babyhk.com/cgi-bin/topic.cgi?forum=2&topic=7533&show=0

嘩! 噚晚多謝晒Wendy!! 多得她, 我才解決了我心中嘅疑問!! 另外又幫我睇通勝擇日入伙, 又幫我搞拜四角! 最重要係幫我睇三世書!! 麻煩晒.... 機乎比我啲問題激死咗!!

嘩!! 三世書話我今生勁準!! 準到爆..... 前生種落嘅因果, 今世一一受返晒... 好在受胎前做過好事, 今世不致於苦到死!! wendy 仲睇埋鋒哥同妹妹! 佢2個條命好到不得了!! 鋒哥好, 妹妹仲好!!! 我唔好, 勞碌命唔緊要, 最緊要仔女好! 子孫好!! 咁就安落! 一生兒女債又有咩所謂呢!!!

心突然的隱隱痛
如空穴來了陣寒風
沒法強忍　看你偷泣的眼
看你朝思夜盼　我再蠢都會懂

＃明知是仍捨不得你
　我亦寧願讓情有疾而終
　若你要走　你只須講一句
　對我狠心地去　說愛今天告終＃

＊怎麼偏躲於漆黑中
　讓我永遠看你看不通
　再不想擔心也不想　一切被動
　難忍再次偶爾於街中
　望你忐忑因他出現失控
　而男人最痛　男人最痛算這種＊

(女人都會痛的!)

長苦為何不肯短痛
我問如因為難棄這情種
願你放心　我會好好的過
我怎麼的做我　也勝過今天似瘋