http://www.xenwa.com/

大家得閒來撐下場啦！

謝謝各位！

今日返主日學，我係最早到的一個啦！勁呀哩！

以上的主題全部都係for sony手機用咖！

全部都係我自家制咖！

大家想唔想用呀？

想就來呢樹啦！

http://www.uwants.com/forumdisplay.php?fid=693

大家估下冰個係我？

多謝支持！

今日返主日學我又係最遲到果個啦，真係激屎喇！

返十點，都已經八點半起身，后再CALL的的去咖啦！

我真係燒野食唔夠叉啦！冇叉用！下星期我諗要提

早多半個中起身，穩陣呀！好在我唔係要返工的

一份子咋，若係咁樣遲到法，屎得人多喇！

大家最近如何呀？我就日日向屋企啦！因為出面好鬼

熱啦，又時不時天有不測風雲啦，所以都冇乜點出街！

最記得的是，七月份同雪藍佢去左書展啦！啲書我睇

鬼晒啦！雪藍你睇左一本未呀？還是一本都未有

時間睇呀？

我朋友的男朋友開了一個Forum呢！

大家若果有時間就去睇下、

瀏覽下、post下、回覆下咁啦...

網址係︰

http://www.wakaka.hk

沉日係見家長派成績表的大日子，因為學期結束放暑假喇！成績出來的結果，簡直係超乎我想像，小菁菁今年確係進步神速！今年考第十一名，成績每科相比起之前同期測驗都有名顥進步，除了名次外，我最感開心的是，小菁菁冇一科係唔合格，因為上次英文佢係全軍覆沒咖！今次需然分數唔係話高，但都已經好好喇！起碼唔係唔合格先！其實我要求好低咖咋！但求科科合格，成績表好好睇睇就夠，但係唔知點解？好多人都話我對小菁菁要求高，但有時，教小朋友的麻煩處就係...你需知佢係考得不過不失，或是進步左，但又不能讚到佢天上有地下無的，所以有時真係幾煩咖！你一心又諗住希望佢下次可以再考更高的成績，但另一心，又覺得佢今次真係考得好好，真係好想好好地讚讚佢，但奈何，經過多次測試，你今次讚佢叻，下次，佢又唔合格比你睇，哈哈！真係吹啤啤呀！所以讚佢又唔係唔讚又唔係！就正因為咁，我個反應只係平淡如水般，要讚要奬，留比第二個，例如老公啦，我阿媽靚婆婆(小菁菁係咁樣叫我阿媽的)咁啦！

沉晚，原本我兩公婆，開開心心地上水塘照魚同撈魚的，點知去到最后一站時，我這個笨JJ，向菠蘿霸到「線」親，老公話我，當時的模樣就像一個正常的英文字母般，簡硬將個「C」字向后「咬」變成類似「)」咁啦！「線」低時，兩個「失頭哥」先著地，而右手由手踭位置至手掌，全部擦損晒，右邊失頭較嚴重，損左不等止，仲踵左兩個碼，左邊失頭冇損，不過，都瘀左一大片，記得老公尋晚，行先的，帶路，佢一路行就一路叫我小心啲，留意睇睇有冇蛇，我可能就將所有注意力都放晒向睇蛇，所以就唔小心地仆親左喇！老公見我仆親，二話不說就將佢原本手上拿著的電筒呀、魚綱呀，掉開，第一時間飛撲過來扶我，我見到老公的舉動，我確係呆左，呢個係我估唔到的，而我，跌親，雙手都依然緊握住魚網同電筒，因為支電筒好貴呢，成舊幾水支呢！老公叫我唔好跪向度，快啲起身，仲話我傻，自己跌親，仲掛住支電筒，係咪傻咖？哈哈....我唔知喎！我覺得咁係自然反應囉！返到屋企，我覺得好似突然變左條癈柴咁呢！老公乜都話幫我攞，幫我整！我話唔洗，我又唔係唔行得！有把傘比我，就去冰度都得啦！係慢啲姐！哈哈....

今朝如常起身湊小菁菁返學！可能經過一晚訓覺時間，隻腳冇乜點郁，今朝起身落床的確係有啲唔知點咁既感覺，不過，行順左又冇乜野喇！一開房門，老公就棟向門口，問我幾時叫小菁菁起身，等我搞掂左自己之后咪叫囉！老公話，湊我同小菁菁一同返學，我話點解呀？老公話，我隻腳咁樣，車我地返學，好過，我趷下趷下咁湊小菁菁返學喎！

今朝凌晨五點，老公叫醒左我，同佢一同到城門水塘度跑山，嘩...我梗係痴左線喇？我同佢一齊癲！不過，其實我一路都想跑步減肥，另外，仲可以練番好我條氣，但可惜的是，一向少運動的我，跑唔夠一陣，而經扯晒蝦喇！亦都真正地感受倒何為「心如鹿撞」喇！不出十五分鐘，我塊面已經紅過關公！不出十五分鐘，我的衣服已全濕，原先老公俾左個時限比我同目的地！不過，我都OK呀！不負老公所預期的！我能於，一個小時內到達目的地呢！老公，向跑道期間，不斷地用「激脤法」來鼓勵我，哈哈...可惜，「激脤法」對我係完全冇用咖！向跑道過程裏，我只記得老公不停地說︰「乜你咁冇用咖？跑唔夠廿呎就停？」我就又不斷地回覆佢︰「大佬呀！平時唔運動，突然咁跑，你想我快D屎咩？我冇買保險咖！」

去到目的地，就稍作休息，那時已差不多六點，行吓、企吓、郁吓，六點半喇！老公問我想點？打道回府？抑或行下個水塘，我話打道回府，但老公就話不如行下個水塘啦！咁既然你都一心諗住係行水塘喇！又何必多此一舉地問我這個問題呢？真係SIDE乜氣喇！咁跟住就行啦！行左一輪，望一望錶，唔經唔覺己行左一個鐘，七點半喇！但係，我眼前所見的，全是茂密的森林，並非我所認識的地方！我問老公，我地仲有幾耐先出得番去呀？老公就話，我地而家先行左三分一路程，吓？唔係化？咁幾耐先可以出番去呀？佢叫我行快D，就可以好快咁出番去喇！

行行下，我體力實在透支不來，我真想一下就跳落縣崖，老公見我越行就越慢，由原先面紅，到而家面青，佢先意識到！我唔係因為懶，先至企會話自己唔得，而我真係唔得！其實行山對我來說，真係唔係問題，平時我都有約朋友去行山，遠至南丫島，我地都成日去行！不過，好似今日咁，身無分文，冇電話，冇錢、冇水，唯一有的是煙仔同身份証，我真係完全感受到果D因迷路而返唔到屋企的人，是何等淒慘！皆因這等經歷，我今個朝早亦都領教過！九點半，終於行出左個水塘，亦都重見天日，返到屋企第一時間衝入廚房，拎左個大湯碗，飲左一大碗水，跟住，又再快速地衝到廁所，來番一篤非常舒暢的大便，繼而沖番一個熱水涼，再用熱水浸埋腳，嘩...爽呀！坐左陣，又再度準備出街喇！因為今日係星期日，要去崇拜呀！^^