有興趣想知多d就去以下網址: http://hk.myblog.yahoo.com/ngdenis/

亦可去以下網址有得試聽:

http://www.kkbox.com.tw/funky/17_index_6.html

 各位好友! 因為小妹最近比較多做, 冇咁多時間去打理個HOMPY... 兼且我最近都以影相為主, 而HOMPY放相容量始終有限! 所以我已經係另一個地方開個BLOG... 因為係UNLIMITED SPACE, 可以大量上載我影相, 會比較適合我! 如果大家有興趣睇話，歡迎去以下網址：http://hk.myblog.yahoo.com/nanayee

今次星加坡の旅最主要目的係幫某君做點事... 所以當自己一有點時間就要"行動"....

其實自己已去過星加坡好幾次, 對於嚟個城市亦唔算太過陌生!

而且能夠用英語溝通就更適合我! (因為自己D國語實在太水皮啦!)

當日早上襯有少少時間, 近近地先去Orchard Road行下...

係天色昏暗嘅情況下, 亦只可以快快趣趣係落雨前影少許相片吧!

而且..　這地方實在太似香港啦!

My flight was delayed this morning by almost 2 hours due "Red rain" and heavy thunderstorm. But very lucky no rain from where I am right now... Hope it will stay like this for the coming days too!!

我又要同大家失蹤一排啦! 返嚟再見!

四月十四日, 今日要返香港啦! 一早起床, 執好行李後再出去作最後闖剌...

影街頭相! 因時間嘗早... 好多舖頭仲未開門呢!

十一點前先CHECK-OUT酒店, 放底行李响LOBBY RECEPTION後去咗

附近CAFE食早餐! 十二點返到酒店PICK-UP行李就去"台北車站"隔離

坐巴士去桃園機場啦! 終於完成四日三夜嘅台北旅程!

最開心莫過於响嚟四日都陽光普照... 一滴雨都冇! 真係天公造美!

因為我地到達台灣前一日仲係傾盆大雨呢!

唔知幾時又有機會同幾位一齊再出TRIP呢?

終於要離開陽明山啦... 我地坐的士出去台北市途中時, 係士林附近突然好塞車...

原來發生咗交通意外! 一架頗新嘅TOYOTA CAMRY翻側... 好誇張喔!

其實好多台灣人揸車時, 可能擋咗佢地自己係揸緊一級方程式咁...

左穿右插, 車過車咁... 完全冇理會過交通安全... 務求超越前面架車, 不顧一切....

而我地又好"有幸"地親身體/睇驗過... 真係好刺激呢!

去到台北市, 先去YMCA CHECK-IN酒店.. 再爭取時間出發去

下一個目的地 - 誠品 + 101

係"台北車站"坐地鐵去到"市政府"站, 一出閘就會見到誡品架啦!

其實入面唔俾影相架... 又要偷影... 所以影到咁...

第三日又要早起身, 因為今日要CHECK-OUT酒店, 出番去台北市啦!

好唔捨得離開"小木屋"呀!

CHECK-OUT後, 電招咗的士就去"揾"一間充滿歐陸色彩,

頗有特色嘅CAFE... 但憑着本小冊子裡面寫嘅地址, 我地係冇辦法可以

知道個LOCATION係邊... "打的"係最好選擇! 況且我地已經"打"咗好多次"的"啦!

我地將個地址SHOW俾司機叔叔睇... 當司機叔叔話已到達時, 大家都"呆"了一下!

請問間CAFE係邊? 但我地已經落哂車... 咁見環境都唔錯, 就順便影吓相之餘, 就慢慢

行去揾啦!

行到咁上下... 見到前面有好多牌喎! 好嘢... 見到啦! 就跟住個牌指嘅方向行啦!

到啦! 入去前要先經一條小斜路....