http://hompy.netvigator.com/main/page/elleci

呢個hompy太多唔開心o既野喇，我要delete哂佢！以後唔用呢個，唔該各位去以上o既hompy。

尋晚，我將我欠你o既，都經已還返哂俾你。雖然我覺得你尋晚咁做真係好很過分，但我可以怨邊個？我係嬲，但唔係嬲你。我嬲o既係點解我咁蠢。我唔開心，係因為我覺得個天真係好唔公平。我受左傷，但我係個唔開心唔會太耐o既人，我俾我自己唔開心，但有個限期。仲有半個月就下一年，我希望下一年你會o係我生命裡完全消失。

妖，而家D天氣....一係唔該你再凍D啦，而家著羽X又唔係，又唔知著咩褸好，公C又熱喎，出到外面又凍喎.......搞到而家我病左喇，你開心啦

其實我覺得佢一D都冇變過。佢只係強迫住自己去做另一個人。咁又何苦呢？做返以前果個你啦，會冇咁辛苦架。我相信，我會另你做返以前o既你。我亦會証明俾你睇，而家o既我就係當初你想要o既！不過我唔希望見到你做左以前o既我。

你地唔明唔緊要架，舉手支持下我得架喇

換左新keyboard同mouse啦！yeah~係無線架~~個keyboard仲好打好多添呀~打字都快D呀~~

唉，尋晚發生左D令我尷尬o既事呀。好唔開心，不過可能係我諗多左姐。呢排都唔知做咩，成日都諗埋一邊，搞到自己鬼咁唔開心，同我一向o既作風唔同哂。我諗我真係需要睇心理醫生。有時又諗到好mung，有時又諗到好唔開心，就黎抖唔到氣咁滯。我諗我真係要放下假。

快D到新年就好啦，起碼有四日假，又可以返大陸探嫲嫲，隨便周圍玩下relax下。年紀愈黎愈大，壓力就愈黎愈大。真係好辛苦。朋友又愈黎愈少添.....點先可以做返以前o既我，而家睇野愈黎愈灰，以前我好樂觀架嘛><

工展會好多人呀~~~~~~~

今日我同媽咪去左工展會，去到門口已經見到好多人喇。我一入到去裡面，就突然諗：我有冇可能會見到佢呢？   ~~~~~~ 我記得早兩年，我仲係同佢一齊o既時候，我曾經去過工展會接佢放工。當時o既日子真係好SWEET~~~~~~  

今日同媽咪買左好多野呀！有D肉痛。不過唔緊要啦！樣樣野都有用架嘛！媽咪恨買好耐但又唔捨得買o既唔知乜鬼電磁煲都買埋。搭巴士仲要冇位坐倦到想死.....返到屋企食完飯又想訓。訓醒又會想食，係放假先可以咁ja！過左日咁樣o既假期都算充實啦可？

今日係我俾人利用o既最後一日。不過我都應該一早知做邊行都好，老細/上司都係覺得你有利用價值先會用你。我初時真係以為係因為我有交帶、從來唔遲到、從來唔放飛機、從來唔搏咀......佢地先會一人一句係咁求我返佢地公C。原來真相係...................咁。><

唉，返工難，返酒吧原來更難。我Daddy講得岩，我呢種人返酒吧係非常之咁洩！我呢D擔屎唔偷食，講大話會砍眼o既人根本唔適合做酒吧。唉，你估我想o既咩，我真係好唔想做喇而家，我好厭倦，好討厭添啦！快快趣趣讀埋個課程，我先有機會轉行，可憐我Daddy Mammy仲要擔驚受怕多大半年。好辛苦呀！愈討厭呢樣野，就愈難繼續做。不過我知我掂o既！我要趁我個胃仲頂得順o既時候，努力讀埋個課程！加油！好眼訓喇我，訓先喇~~Gd night~

今朝Daddy留低左張字條，可以話係信俾我。我真係覺得自己好衰，電影都有得睇啦，唔想俾D關心你o既人擔心，就唔好俾佢地知你唔開心。但我偏偏就咩都講哂俾佢地聽，令佢地咁擔心。但係o係我身邊，我就淨係可以對佢地講真心話，冇其他人可以俾我傾訴。我知佢地好擔心我，我都好想令佢地放心，好想話佢地聽，我得架！我撐得住！我大個架喇！不過D心事放o向個心入面，真係好辛苦，除左佢地，我冇人信得過。