奧運琴日終於完滿結束,突然有d唔捨得...就好似同一班朋友行完街準備分開各自返屋企既失落...

本來一直都覺得今屆奧運會d吉祥物係歷屆奧運以黎最好曼靚,加上最近係網上見到一些跟福娃有關既片段,更令我喜歡福娃

所以我想補買一套最細既迷你福娃公仔作收藏,同帶哂佢地去今次旅行,不過琴日聽人講奧運完左可能會汁,好驚買唔到...不過琴日先完唔會甘快汁掛...(有d後悔前幾次見到都唔買)

心動就不如立即行動,今日立即去左九龍區其中一個奧運特許店碰一碰運氣

不過得返既款式比之前少左好多,只餘下比較貴的款式...想要迷你款....

最細的就只有呢款.....每隻15cm高其實都幾大隻,旅行只好帶晶晶了(5隻之中,最喜歡晶晶之後是妮妮)

晶晶呀

晶晶的臉紅了~

晶晶:你好,我是晶晶...

來來去去最近幾星期都傾緊旅行既野

人多搞起上黎真係多左好多野要考慮,還記得上次非常輕鬆,咩都係即日PLAN

最近KAMAN証件又冇啦啦出左D問題又唔知佢趕唔趕到,真係...

今日大家又約左出黎食熱飯討論今次旅行既事,SSP熱飯多人有排等係人都知,甘岩等位其間有一位台灣人主動行埋黎問我地係米想去台灣玩,甘岩佢又係做旅行社的

佢除左提供一些意見外,行程編排上我地都有問下佢,甘算唔算出門遇貴人呢?

火紅的

完美的圓形

圓形的一邊有一個光圈

光圈周圍散佈著紋路

每一張都不會重複出現的紋路

紋路裡的鮮紅液體通往大腦

那是眼睛的攝影

#轉自陳綺貞blog

順手提提陳綺貞"天空之上"網路攝影展既第一站已經開始左一段時間,想睇既朋友快d去睇

期待下一站同香港有關既照片

最近想搵一達陌生既地方,一個人放低所有野,漫無目的~隨意地影相

需然我只影得一堆爛相,但我享受每按一下快門"的拍的拍"聲,更享受當中攝影既過程

只要當你投入一樣野,自自然然係一種享受一種最好的減壓,不知不覺間~唔計手提電話的話,唔理影唔影相,出親街隨身都有兩部相機跟身了

陳綺貞把聲同歌曲多數都是比較灰暗,有時聽得多個人都灰d

陳綺貞有一首歌叫做"就算全世界與我為敵",如果真係發生係自己身上,我相信我身邊總有人會願意企出黎支持我...

今日去食糖水,總算將自己內心既壓抑釋放哂出黎

小新都追左我好多年囉,由細細個電視有得播追到呢加

呢套漫畫為我帶黎好多歡樂

今日發現最新一期,當然即買啦

星期6冇野做,唔想留係屋企休息例牌要搵d野搞下

我之前都提到今日要出去練功,比較特別的就是kaman都一齊去(kaman d裝備真係好勁...)同今次只有一支標準鏡(上次全用長鏡的)

另外最近都抽左兩日,睇埋個兩本攝影書,發現本"簡單攝影逆向學習事典"真係極為有用,只要對影相有基本認識既都會好易睇得明,你睇睇下仲會開始估到佢點影tim

不過睇書還睇書,當實戰時場景同各方面既野都有唔同,而且書中更冇講一些類似既香港既場景...所以只好盡量將係書裡面所學到既野用出黎

但依然全部爛相...睇同做跟本係兩回事,真係平時要多影多試

杰話好想食糖水,但上次去食糖水鋪冇開

今日補返~今次唔食野lu,叫杯野飲下算

不過,始終都係台灣既好飲d,好想快d去呀...

之後去左行陣街,行一行樓上書鋪,我想要既書都賣得好平...

最近不停賣d用唔著既野換錢,當清一清雜物,實行要錢唔要貨,以補貼為旅行所買既裝備

另外上兩篇都講過,旅行日子仲有唔夠一個月,要勤加練功,想搵更多不同種類既事物練一練

今日去左香港公園,但影出黎我依然覺得好爛

所以今個星期六再戰上環,轉戰訓練影其他野,今次kaman都加入練功團應該都幾好玩

是日爛相...

今日影完相,去左搵書惡補一下~不過呢本野都幾難搵,名叫"簡單攝影逆向學習事典",搵左5~6間,要去到樓上書店先搵到,好在樓上書店買台版書都平勁多(不過紫色個本都未睇過就買新書...)

逆向學習,有多種不同種類既實例,有正確同錯誤示範,仲要有d得意野玩tim,最緊要就係字唔太多簡單易明,擺脫一般沉悶又長氣既理論

今日好突然想去睇下行李箱,見有地方做緊推廣就睇下有冇平野汁,不過有款芝麻街真係好靚,不過甘花點用呀...冇咩心水,都係搵日同杰出去再睇吧

之後又好突然之下比杰叫左去食糖水,去左佢返工個到等佢放工,佢出黎個時竟然發現唔到我地...

然後一齊去左松記,但又冇開門,一路行行行~行左去mk個頭都諗唔到食咩

杰竟然同我講去食我blog中提到的那間薯條店,我真係完全冇諗過要去到甘遠,不過佢要返工又冇假,就同杰癲一次啦

本來今次我想試下食其他野,試下激檸雞球,點知唔記得左又叫左芝士薯條,杰又叫左芝士薯條,而小肥叫左肉醬薯條(D肉醬薯條都幾好味)

我地個3個招牌薯條都試過了~

P.S:又去左附近個公園食,原來夜晚仲多貓貓

小肥掉左條薯條D貓貓冇理到

仲有一個月到就要去旅行啦,已經plan好哂行程,決定左酒店,除左kun未搞好証件之外,其他人都整好哂,等埋kit佢地收到台証就準備去買票,估唔到既係今次會去既人數多達6人,亦達到自己一個夢想,我一直以來好想同自己最fd最fd既朋友去,想佢去既有啦,仲要另多2位,今次一定好好玩

自己亦為今次旅行準備左一年多,唔計基本日常用品,想到時帶去既器材大致上都準備好,現在只差一個大行李箱

但最近又為器材苦惱,我買甘多野一係為興趣二係為旅行,去旅行當然想影好d既相留比自己,但另一方面想帶一部dc走天涯,起碼你行成日都唔駛揹著1~2kg野周圍走...現今dc都唔會差得去邊姐,but都係算數...到時要借部f31比杰,等佢一同享受攝影樂趣,到時我極有可能好多口水分享自己一些使用心得,希望冇人覺得我煩...

講開影相,一直唔覺自己影得好好,反而愈影愈差,一緊張一心急起黎就唔記得自己所學到既技巧,自己買左本攝影書幾個月都未正式睇過,今個月認真要迫自己睇哂佢

仲有今次整體上心情同上次一樣,既怕有變數,又想快d個日既來臨,另一方面又唔想時間甘快過

上面都講左,自己構圖唔掂,旅行日子迫緊,書又未得閒睇,今日決意要外出練一練功

唔想去太遠太大有排行既地方,又要有影風景,又要趕3點前返到教會,只好去一趟西九海濱長廊

去到西九海濱長廊,發現冇咩改變,唯一改變的是唯一的小花園沒了,變了空地

不過西九海濱除了海景真的沒什麼好影(我全程只影得幾張相...),如果有帶熊寶寶有些主題就不同講法

努力運用所學過的東西呀!

影相不要太死板~善用周圍環境,善用前景後景導引線

唔靚既唔要~今日個天灰呀~

影風景大前提是減少不必要的東西入鏡,但偶然加入一些人造物,一兩個人物另有一番味道

(左下角有2個人在跑步)

下面呢張就唔關事啦,突然想拍低玩玩特效

影到2:30就開始走,要返教會,好彩西隧有車到

今日教會就唔好提,game day...我完全唔喜歡玩game,加上我身體有d唔舒服

其一有個game特別煩,類似收買佬,將自己身上有的東西不停接長,睇睇最長係邊team

d人用到冇野好用,男男女女齊齊除鞋除襪除鞋帶,另真係另有一番"香味",當然我都比人迫啦,佢地仲好熱情搶我對鞋同襪tim...事後個個玩完都慢慢一齊穿鞋帶,早知今日唔返

唔舒服~之後上堂都廢事上啦,同小肥再次到車品品食完野先返屋企

上次冇胃口食野,今次一定要試返個魯肉餃!

小肥叫左個大雜面,就是車仔面但什麼餸都有齊

一路睇著佢食,見佢食得幾滋味...真係好肚餓

睇下,真係好足料架

而自己就慘,睇人食好肚餓,我上次篇野好似都有講過,車品品幫襯既人就好多,但做野的人就只有2~3個,而且它們說自己是cafe,除了中式食品還有很多古靈精怪的甜品賣,所以要預佢地上菜上得慢

而且我再上上上...一篇都講過,只係香港人生活節奏太急,我今次是來試食,享受它們的食品,外國大把人食飯食幾粒鐘,慢慢等~享受這間冇商業氣味,充滿熱情與歡樂的環境,飯前調整心靈的時間

因為人手,供應量,多人叫的問題~等了一個鐘的魯肉餃蝦子面到了,當面送到時他們不停說"唔好意思甘遲先送到黎"

我講過車品品有一位好喜歡笑的姐姐,佢發現我食完會問我今次好唔好食呀,又同我講d湯底可以飲架

講真,我平時食面都唔會飲湯,因為街外都係味精湯,佢唔講我都未必會注意到d湯可以飲,飲落真係好清~飲得出冇味精,純用蝦子清湯吊味

魯肉餃都唔錯,皮夠薄,魯肉甜甜地有d酒香味,食落都幾惹味架,最緊要成碗面勁多蝦子呀食完真係好滿足

搵機會再黎多次試下佢地d甜品先~

好友作品時間

小肥初用510,他第一次使用510的日攝活動

全部相say goodbye,佢部510的setting亂到7彩(太陽光下510個mon是廢的,影得好不好沒人知),相信小肥用熟左部510會影得好過我

唯一正常的照片