嗚,今日天色非常之差,成個人都depressed~

尋晚個師妹去完越南旅行返黎,送左兩個杯麵同埋牛肉乾俾我當手信,同佢傾左兩個幾鐘頭,呵呵...

至於我呢,畢業論文仲未開工...指導老師又無催促;兩份實習報告又未寫,我諗呢排都係忙住準備去西藏的事情,裝備要四圍問人借,個數碼相機張memory唔夠大,要買張1GB先掂,仲有好多瑣碎野...總之今次個budget都要同阿爸阿媽借住先,唔想再花費太多去買d裝備,而家仲有個睡袋要問人借,真係...唉...令人既驚且喜~

睇怕我都係忙完一筆先再諗第二筆好d...

到最後...我都係要熬到凌晨三點幾先捨得訓覺

唉...傷左就快一個星期喇,都仲係好似未有起色,鬱左屋企兩日無落過街,就快發霉喇~為左快D復原,我一日搽五次藥酒,痛到標眼水呀

快D復原啦,我下星期就要去西藏架喇

(p.s. 等我post番10km衝線相先~)

要怪就怪自己操之於急...急著去練跑山,腳掌受傷了,行路像個跛子一般...一拐一拐的...而家要休養喇~今晚同十幾個同學去赤柱bbq,我咁大個人都未去過赤柱~坐車入去會經過淺水灣等南區一帶,有好多豪宅同埋靚車,我又發我既春秋大夢:第日一定要做有錢人!!!今晚都玩得好開心,bbq呢我唔會食得幾多,最主要都係無益~純粹係享受燒烤的過程,最衰隻腳鬼咁痛~唉

尋晚出左去過夜,今朝五點九去跑渣打10km~

好有氣氛,好有感染力...同埋我係第一次參加,無乜經驗,個pace俾外在因素搞亂左,而且真係好多人,所以都達唔到目標...不過可以響d平時唔俾人行的地方跑步真係好好feel呀~

估唔到,使我著迷了,雖然我跑得唔快,但係都算輕鬆完成今日的比賽,增強左我的自信心!半馬,我下年約定你呀

差唔多成個月無上過黎,嚴格黎講係唔多想上黎...

13號就考完試,返左黎都有半個月,休息左個幾星期,唉...

不過都唔係無做過野,開始睇緊畢業論文的資料啦,又日日都有去鍛煉,因為2月12號會參加渣打10公里,武藝上亦要追番進度...

而家想去西藏旅遊,但係同行者好似完全乜都唔使準備,又唔調理好身體,搵左佢兩個星期都唔得閒應酬我...早知我就搵工做啦,頂佢個肺...正pk

哈哈,又食白果...

唔緊要,本來我都無抱任何期望,只係本住盡自己能力去做好每一件事,做唔成情人,可以做朋友,到時大家仲開心呢~

朋友話我係一個自負的人,甚至係好勝...或者啦

呵呵,明天又係新的開始!!!

又係平安夜...一如以往,總係唔能夠有人陪我過平安夜,今晚又一支公呆在家中溫書,同埋準備畢業論文的參考資料,

說真的,廣州並沒有什麼節日氣氛呀,就像平日一樣,跟香港普天同慶的情景可謂天壤之別,所以昨晚能跟心儀的女生吃晚飯,我已經覺得非常幸福了~

在此祝諸位Merry Christmas~

update at 23:43...似乎我尋晚同佢食飯,俾熟人發現左,而家佢被人唱同我拍拖,不過謠言止於智者,希望唔會影響到我同佢的關係啦...