近日皇帝的玩具"DVD錄影機"生病了, 由於已過了保養期, 所以不會再用$$去做維修, 索性買一台新的給皇帝.

其實我也不想這麼快便為皇帝更換玩具, 早陣子皇帝沉迷奧運熱, 就算玩具壞了, 他還有大把運動項目消磨時間, 但奧運熱一過, 他的時間便多的是, 我想, 若不及早為他買新玩具, 他一定會發顛, 攪到家無寧日, 要過清靜的日子, 便難上加難.

這天與Mom行了幾間大型電器店, 最後選定今次要買大牌子, 還要有中文介面的一台玩具給皇帝, 經格價後, 走入電器店買玩具, 幸好電器店還有存貨, 可以即日帶玩具回家.

返到家, 未教皇帝用機前, 要先裝機, 試機, 還要為他精製一份簡易說明手冊, 要圖文並茂, 要簡單易明, 結果, 用三頁紙濃縮一大本說明書, 待明天再教皇帝去試新玩具.

"鸚鵡"飛走了, 今天第一件事係去睇醫生, 醫生知我唔鍾意飲咳水,特別為我開了咳藥丸.

看完醫生, 走了做facial, 再瞓個晏覺, 然後去Element看3D版的"地心探險記".

這套電影特別加上3D效果, 的確好看得多, 戴上立體眼鏡時, 讓我想起早前US trip去Busch Garden, 入去玩鬼屋都有3D動畫, 期間太投入去避開d鬼怪, 與Peggy一起頭撞頭, 真搞笑.

講番套戲, 其實劇情都係一個探險故事, 圍繞Jules Verne的科幻小說"Journey to the Centre of the Earth", 主角Trevor帶同侄仔Sean, 仲有女攀山專家Hannah一同進入地心探險, 故事係少少科幻, 但主角們將一切難關化解, 真神奇.不過d佈景同特技效果真係做得幾靚, 戴著立體眼鏡, 加上Element戲院的座椅有震動效果, 三者配合一齊, 戲票貴d都算值回票價的.

這個八月, 雖然沒有public holiday, 但到目前為止, 我已多了兩天颱風假期, 繼6/8的北冕後, 又有今天的鸚鵡.

昨天工作途中, 已聽聞鸚鵡來勢洶洶, 今天大有可能掛九號風球.朝早鬧鐘響起時, 聽到風球正在懸掛, 天文台還預先張揚早上八時前會改掛更高風球 ...... 即是說, 今天多了一天假, 可以放個long weekend, 我可以繼續休息.

睡飽抖足精神時,  收音機不斷重複著的訊號.

下午一時許, 多年不見的重出江湖, 估不到這隻鸚鵡真的要到香港一遊.

見屋外未有太大風, 出街吃下午茶, 順道感受一下九號風球風力, 可能位處風眼附眼近, 風勢未見太強, 雨也不太大.

多得鸚鵡, 正在小病的我可以多一天休息, 可惜醫生今天也休息, 沒醫生看, 現在只有乾咳了.

酷熱天氣警告日日生效, 在街上行走, 人都溶了, 但一上巴士和搭鐵路, 就好像入了雪櫃一樣; 終於, 一冷一熱夾攻下, 要病了, 我感覺到 ...... 病菌正在喉嚨作反. 

今日call齊所有好幫手返公司開工, 好不熱鬧. 這天也是T仔的生日,  老細特意親手砲製一個 blueberry cheesecake, 大家為T仔開一個小小生日會, SM還是首次這麼人才濟濟呢!

今日與SUNDAY友做完service, 飲飽吃飽後, 到Fai之家進行Monopoly大戰, 可惜, 未能殺出重圍, 破產收場

參與完Monopoly大戰後, 與幾個SUNDAY友繼續欣賞京奧賽事, 看跳水賽時, 聽到肥谷其中一句旁述: "呢個慢動作都幾慢喎!" 唉, 呢句真係一句勁廢的廢話.

2008年8月8日, 等了七年, 籌備七年, 向著"同一個世界, 同一個夢想"出發. 北京奧運今晚揭開序幕. 這晚與老爸一邊吃Pizza Hut外賣, 一邊欣賞開幕式, 真的嘆為觀止, 除了驚嘆張藝謀大導的異想天開構思外, 還要為我國的運動健兒喊句: "加油! 加油!", 中國今次可以奪得多少面獎牌, 就看他們四年來苦練的成績了.

 

今年第一次正式下海, 曬黑了很多很多, 這個夏天時常與太陽一起玩遊戲, 我變了一塊黑炭呢!