我就唔可以再打hompy啦,我已經約左網上行d人去收返個modem,好唔開心.又比ex話我.佢話點解次次我都唔講比佢知就cut佢d野喎.仲send個sms黎講,我咪send返個去話返佢lo~我食午飯個陣佢打黎我同佢講今日d人會黎收野,佢就好勞氣咁話佢屋企冇人得閒等佢地黎,收未講到我火都黎我就話我唔得閒呀,係咁.放學個陣佢就黎send sms,我回返佢話幫佢交交埋埋都几皮啦,佢付出過d咩先佢就打返電話黎又講返相同的個几句.仲大我話咁使唔使把貸款個几萬拿來還比我先.心諗到你真係還個日先講啦.佢成日話銀行會寄張cheque黎我到,成日叫我唔好又打回頭,佢咁緊張點會咁順攤還比我,對我咁惡之後又扮sorry,話唔係想咁樣同我講野,我覺得佢驚我又掉左佢d信o者.都唔想講佢啦~

希望我可以找到工啦遲d,講起黎我個朋友都話佢又就黎失業,我地都諗住報hkuspace架嘛,唔通真係唔想我報~

唔捨得個hompy呀

最近公司好多野發生,好可能返到九月就冇工返~個日醫生入黎同我阿head講d藥預到九月用,唔再落order啦.公司最後生個醫生又遲職,如果佢唔走可能都冇咁快close.另外個几個醫生都係今年退休or過多一二年就退休.厘件事真係多得公司d姑娘唔少.佢地向上頭講醫生refer左d人去睇專科,結果收左warning.醫生嬲嬲地就唔做了.d姑娘諗住掙做senior nurse,結果而家冇得撈了,仲掙咩鬼呀~但佢地仲要掙放星期六,遲d長放添啦,仲掙咩鬼野呀.明天同我同事去護恊睇野,再去食飯^^

諗住夏天會廋返,點知都冇既,仲肥左添呀~可惡呀!!從未試過咁肥呀,死啦,真係唔可以再肥下去.的起心肝同零食講byebye.順便慳錢交學費啦~前晚發夢見鬼呀,半夢半醒我係見度我細佬坐係度玩電腦未sleep,我想叫救命但係叫唔到.跟住就冇理到照sleep~今日我細妹係吉野家食野時,佢話有個小朋友係咁哭,又亂擲野,由我細妹入門口到佢食完野佢都冇停過咁哭,又叫.跟住佢爸媽就話走啦,佢一話走佢就唔哭了.跟住我細妹的朋友同佢講,佢見到個小朋友塊面係好青既,唔知係咪見度污糟野.而我細妹話有一陣冷風係"shu"過佢隻手臂.而佢係坐係角落張枱隔離個位冇人坐架.都几得人驚呀

我個ex真係超乞人憎,今日佢又打比我,手提冇人聽佢打黎我屋企,好在我媽返左教會,唔係又要比佢話~佢問我做咩唔聽電話,睇緊電視咪聽唔到lo,我又唔係是必要聽你電話.唔記得叫佢冇咩唔好打黎我屋企添~原來佢話佢申請左貸款,張cheque寄左黎我屋企但比我打回頭,佢叫我同我d細佬妹講唔好band佢d信,佢話佢去改左地址,但係寄埋厘個月.其實係我張佢d信寫住冇此人投返入post box.佢話銀行話有個張小姐寄返比佢地,但係我跟本冇係信上寫係我寄返出去的.所以我覺得佢講大話.跟住我同佢講上網個度我cut架啦,佢話點解唔同佢講,又話我做d咩之前可唔可以講比佢聽先,仲要係用d唔好的語氣.好似係度命令我咁.我真係好嬲.以前未分手佢都成日用厘種命令的語氣黎話我,我幫佢就好似老馮咁.分左手仲要受佢氣,佢係傻架~佢又問我明天去睇戲,我話我約左細妹行街喎.要睇都唔同佢睇啦,我唔要再好似以前咁,咩都聽晒佢話,買埋飛比埋錢同佢睇戲,佢夠膽死係沙田UA當住咁多人面大大聲咁講:點呀?張小姐!!你估我做錯咩呀?就係我用信用卡拿飛,碌左2次都唔得,正正佢講完厘句張飛就跌出黎,當時有好多人望住我,我覺得好冇面,點解自己有個咁賤的男友~

都係讀返HKU SPACE啦,不過唔知收唔收呢,不過佢話我讀厘個advanced cert係可以銜接去個high dip.到個喎.不過學費真係要好慳好慳先可儲到.最衰之前借左咁多錢比ex.現在佢都冇還過.今日佢仲打比我係度講佢又同人嘈,佢大佬又哦佢厘樣個樣咁,關我鬼事咩,跟住返屋企,同我細佬傾計冇意中提起佢,我媽又係度話我,真係好煩呀!!我好憎我媽係度講講講.我唔鍾意同佢講任何野,拍唔拍拖同邊個拍都唔想比佢知,一知佢又問長問短煩到爆炸呀~

ive o個個又好似冇咩用,hkuspace又貴,成39000一年!!

唔通我真係就黎失業?

唔知讀唔讀ive開個high dip好呢?但要讀四年咁耐.要努力先得啦.又要努儲錢交學費

好想去睇蜘蛛俠3呀.唉.我同事同佢老公係青衣睇,都唔使預佢.細佬又唔會同我去睇.佢話你同我去睇都冇癮啦.激死人呀.點解家姐唔可以同細佬去睇戲咩道理?

放假係屋企冇得歎冷氣真係好辛苦.我同事講得o岩,佢話夏天唔好放咁多大假,返多d工,可以歎冷氣,冬天就相反,要放多d,因為唔想早上咁凍起身返工.

前日係yahoo拍賣買左d Fancl Collagen 沖劑,$76有10包,同我細妹一人5包.頭先我沖左包,其實真係好難飲,so我倒左落我支冰紅茶搖均佢黎飲.成包咁倒落去個剎那真係好好玩呀,我諗起電視劇d人落毒哈哈真係几無聊架.講起拍賣個人真係唔掂,佢係佢條迷彩褲個袋抆包野出黎比我.好心佢唔好咁啦.