很久無寫日記, 因人實在太累, 要寫亦太多, so廢置了.

今日係最後一日用網上行, 要取消呢個a/c啦. 話咁快就兩年啦, 時間真係過得好快, 但到而家都仲未得閒去搵邊間上網呀! 唉..睇o黎都要盡快去搵啦!

再見啦, 各位, 自己亦很久無睇其他人o既hompy, 見有o的人都用了facebook or yahoo blog啦!

最近壓力大, 成日都覺得好累, 每日都好怕返工, 好怕做錯事, 好怕抽唔到血, 唉...我係唔係適合做呢個職位呢?? 呢幾日身體又唔知做咩事, 忽然會覺得好暈, 成個人浮起咁, 唉...唔知又係唔係因為壓力大而影響到呢, 好怕個人會痴線呀! 點算好~~??

離考試o既日子越來越近, 如果考唔到就唔使返工啦, 考到的話就下個月應該開始加人工, 唉...真係好擔心考唔到呀!

尋晚同一班同事一齊去o左"哈佬喂", 初時好驚入鬼屋, 真係有o的唔想入, 但上年已經無入, 今年咁大班人都唔入, 入o左第一間之後, 完全都唔驚, 仲有o的搞笑, 入完鬼屋之後見到出面o的鬼都唔驚, 仲係咁捉住o的鬼影相, 好開心好搞笑呀! 但有個同事唔嚇得, 入完第一間鬼屋出o黎就面青青啦~ 唉...真係替佢辛苦同覺得可憐呀!

15號要考抽血試啦, 好緊張, 壓力好大, 因為自己根本未夠資格去抽血, 無辦法, 因為我係我部門抽o既全部都係男人, 血管粗如水喉, 去第二度實習, 抽o的老人就全部抽唔到, 因為搵唔到血管, so最近壓力大到訓唔到呀! 唉...希望抽多o的, 考試成功就唔使走呀!

P.S 唔知係唔係壓力大, so睇電視有少少感動位就睇到我喊, 唉...

祝各位中秋節快樂呀! 今日有得放早收工呀! 因為啊head今日心情好呀!

以前細個有得玩爉燭, 而家無啦, 人又大, 又無地方可以玩, 唉...而且仲覺得今年中秋好似無咩氣氛添呀!

今日得知某些事, 聽完有點唔開心, 但其實一早都估到, 不過諗深一層又唔會唔開心啦, 因為我都好想時間快o的過, 希望快o的到一年啦~

又等了一個星期的星期日啦, 而家返工覺得時間過得好快, 只係星期一o既時間難過, 開始驚返星期一, 因為唔想食晏飯, 唔想對住啊姐, 好怕要book時間, 好怕唔識做o野, 因為會俾人鬧, 唉..放假都放得唔係咁開心~ 

今個月都算忙啦, 因為同事們提議一齊去"哈佬喂", 舊年去完, 因太多人同驚so無入鬼屋, 今年如果去, 就真係要入去玩玩啦, 不過都真係有o的驚, 因為諗住今個月29號去, 人少o的, 唔使咁逼咁就驚o的呀!

希望快o的過埋呢個星期, 咁就可以去行街同食buffet啦~ 辛苦搵錢就梗係要嘆下啦, 更何況而家真係好"慘"呀! help me 呀!

由尋晚開始就覺得天氣涼o左, 而且我仲聞到秋天o既氣味(唔知你o地覺唔覺呢?), 感覺已經到o左秋天, 舊年o既9月仲好似好熱, 一o的都感覺唔到涼o左, 但今年咁快就涼, 真係希望唔係假像, 因為真係好鍾意秋天, 又唔熱又乾爽, 哈~

希望可以快o的搵番個伴拍下拖啦, 不過而家返工又真係好累, 又真係無咩心機搵呀! 唉....

今日係9月3日, 係學生哥開學o既日子, 晨早返工搭車o既人都比早兩個月多, 應該用"逼" o黎形容. 不過都係開心o既, 起碼有咁多人陪我一齊返工, 哈...唔會成日諗點解我要咁早起身返工咁慘呀!

今日亦都係我係呢度做o左兩個月, o的o野都開始上手, 但程序上都係唔習慣而家好無奈, 唉....時時都為呢o的無奈而唔開心, 工作時好多時都好緊張, 見到啊head時更加驚到講o野口震同手震, 發夢成日都見到返工o既情境,  開始有o的驚自己會痴線, 不過為o左想要o既o野, 唯有捱住先啦~

開始發現其實好多人工作都唔太如意, 係而家後生唔捱得定係工作環境真係咁大壓力呢?? 而家o既我越來越薄皮, 唔太捱得鬧, 最近見到同事辭職, 自己都好想, 但奈何我只係做o左兩個月, 而人o地就做o左5個多月, 唉....真的希望自己可以捱到一年, 咁出去見工都好睇o的.

p.s 好開心終於搵到朋友陪去H&M啦, 真係out呀我, 而家先去, 不過都好期待, 聽講好多o的o野都ok o既, 哈..希望唔洗大出血啦~