July 05,2008
沒有鯨魚的日子 2
今日終於都俾我食哂個芝士蛋糕
呢個蛋糕我食到好甜....去酸...至苦...
原來人真係由唔同心情 食出唔同味道...
咁大個女都未食過蛋糕有咁多感覺 永世難忘...
終於佢都俾到個難忘生日我啦....
又或者係我自己送一個難忘生日... 俾自己... 都唔定...
最後一啖係最苦 亦係最唔捨得 最難忘一啖
好多片段係呢刻都出現
我知以後我過每一個生日都會想起呢個蛋糕 想起你....
July 04,2008
沒有鯨魚的日子
真真正正沒有鯨魚的日子....
今日係7月4日 理應我係好好上載我生日相片或開心事...
可惜我真係無呢個心情 而且仲要好好強顏自己...
雖然沒有特別安排 但呢個生日我好開心
呢年係佢第一年同我過 可能亦係最後一個.....
我決定好好將呢條鯨魚放番落海 讓佢自由、讓佢開心、讓懂愛惜佢人好好愛護 照顧.... 佢
唔想因為我而令佢放棄太多 我唔值 等佢好好咁對待自己
我對待佢亦可能實在太差啦....
一個問題『我用心對你, 點解要我走？』
我覺得自己唔夠好 無緣無故因為【呷醋】而大發你脾氣
令你難受...
又因為我生日 你連病都要強裝若無其事
而我呢個女朋友連你病都唔知 淨係掛住自己
實在太差 太失敗！
我知道你處處都以我為先 但你自己呢...
我唔放你走 我仲可以做咩....
等一個懂愛錫你人照顧你 你會幸福得多
真正愛一個人 不一定擁有...
mac... 你帶俾我記憶 我永遠都唔會忘記
你忍耐一啲時間 一定會搵個比我更好更好女仔.... 令你開開心心
June 28,2008
沒有鯨魚的日子(第三天)
呢二日我都載住條月光石 無論訓覺、出街
不但止係我星座守護石
亦係我地愛情之石
想想你又摸摸佢... 感覺好得意 
有時亦會呆呆望住 想想另一條佩載於你身上月光石
在做什麼、想什麼.... 會唔會同樣地你都一樣想起我、掛住我？
========================================
今晚好特別 我可以係web cam 度睇住個傻佬訓覺
雖然覺得自己有啲變態
但至少感覺都近一啲 掛住佢感覺都好一啲
但佢太多野做可能要星期二先番
雖然我唔願 但都唔想佢太趕太辛苦
而且今晚佢仲唔舒服
我好擔心呀！
June 27,2008
沒有鯨魚的日子(第二天)
今日我好好感受到 這麼遠．那麼近 感覺
雖然有人遠在唐山 但原來個心真係我度架！
收到一個一個訊息 恨不得佢出現面前 可以俾我好好攬實
呢家搞到我有重病呀！仲要等多三日.. 係三日呀！！！
June 27,2008
In My Bed - Rain MV
June 26,2008
沒有鯨魚的日子
最近收費電視翻做 "溏心風暴"
最令我記得 當然係 "沒有常在心的日子" 個段
而今日鯨魚都番左大陸做野 我諗都要整番個
"沒有鯨魚的日子"啦..... 
又一連五日無得見呢條鯨魚......
好掛 好掛住佢....
希望今次唔好同上次一樣....
一番黎又嘈交就好啦......
June 23,2008
麥樂雞的故事
其實我不太喜歡吃麥當勞的食物。
多油，高脂肪，高卡路里...... 總之就是肥。
但有時候，他偏偏會帶我去麥當勞晚膳......
「吃不吃麥樂雞? 」
他指指吃剩一半的麥樂雞，向我笑問。
「你不吃嗎? 」我沒精打采地，啜著就快喝完的橙汁。
「我吃不完喇。」他作狀地拍拍肚子。
我再看那只剩下三塊的麥樂雞，把心一橫：「那就吃吧...... 」
「你真好！」他開心地，將麥樂雞放到我的餐盤上，又說：「你知不知道，這盒麥樂雞其實藏著一個故事? 」
「...... 又有甚麼故事呀? 」我撿起其中一塊長方形的麥樂雞。
「要不要點醬? 」他忽然問道，用手指指他點過的咖哩醬。
「我不吃咖哩的...... 」
他做了一個鬼臉，笑：「那甜酸醬跟燒烤醬呢? 」
「甜酸丫。」
之後他把甜酸醬包開口，我讓麥樂雞舔了一些並放進口中，發覺麥樂雞也不是我想像中那般油膩；接著我又試了燒烤醬，最後更把三塊麥樂雞全都吃了。
之後每次去麥當勞，他都會分我三塊麥樂雞，每次都有三款醬汁讓我點來吃，每次都不肯跟我說麥樂雞到底有甚麼故事。
而在我認識了男朋友之後，我們也沒有再來過麥當勞、分麥樂雞......
「一客麥樂雞餐。」
這晚心血來潮，光顧了與他以前常去的那間麥當勞。
已經有一年多了......
「小姐請問要甚麼醬汁? 」職員禮貌地詢問。
「甜酸醬跟燒烤醬。」
「小姐，如果要多過一包醬汁，每包要另外收取一元...... 」
我微微愣住，過去他一直有三包醬汁讓我選擇......
麥樂雞的盒子打開，見到裡面有六塊麥樂雞，比以往多了一倍份量。我撿起其中一塊，想讓它沾上咖哩醬，卻發現只沾到了尖端的部份......
我不由得拿起手中的麥樂雞凝視，是圓形的，再看回其餘的五塊，原來麥樂雞有較圓及較瘦兩種形狀、每種三塊、但我一直不知道......
原來故事是這樣的、但我最後才明白。
往往很久之後，才想到、才明白那些仿佛微不足道的好
但其實一直有人為你背後做了很多很多的事
睇完之後令我想起你處處為我
我唔想好似故事女主角一樣，到最後才醒覺
我亦知自己任性，經常為難你
老公原諒我啊！I Love You ！！
June 21,2008
有時寂寞
談情太似懸崖絕嶺
沒有開心可保證
有時寂寞亦是聰明
人人會變 人人任性
熱吻不擔保高興
有時寂寞亦是本領
我有權自願寂寞
最愛是獨自玩樂
