鄙人之 hompy 六月份所有文章 已全數搬到 blogger，
其他舊文請參詳 hompy 原址，多謝支持！

唔好亂諗o野，只係因為我屋企用 mac 睇唔到 media.now，o岩o岩 cut o左，無得 upgrade 做豪宅 hompy DIY (齋寫 blog 無理由個個月比 $35 呀~)，索性一o野過搬去用 blogger o者。 

新 blog 地址，麻煩各位改 bookmark 啦。
http://plainfaceangel.blogspot.com

(15/6 update，不能進入問題已經解決o左啦~)

另外 rss o左我o既各位朋友，麻煩將 rss 條 link 改做呢個：
http://plainfaceangel.blogspot.com/rss.xml

多謝合作！

踏入生日週，開始有朋友們約飯局了。



好友 Apple (下稱 A) 挑了這家位於伊利近街的 Culture Club 來跟我慶生，餐廳就是於電影《千杯不醉》裡面楊千嬅跟吳彥祖開的店子。當然電影裡面的餐廳有美指裝修過，實境又有點不同，比較 casual 一點。

A 訂了八點的檯，我們八點下了的士還在附近一家賣首飾的店子閒逛，明顯地就是遲到了啦~ :p 店家就立即致電 A 的手提看看我們在哪裡了。好一個溫馨提示，不錯嘛。

餐廳人很多，因為今天晚上舉行了 spanish gathering (即是甚麼???)，我們被安排了坐在近門口的桌子，空氣還是不大流通，很熱。 (害 A 還得撥手搖扇子）

點了兩個 set dinner，3個 course $168，4個course $198，我對那個 puree (濃湯) 沒什麼興趣，點了3個course的那種，A也是一樣。



先來一客 appetizer，smoked salmon w/ avocado，牛油果跟煙三文魚很搭！份量也不少哦，胃口小的女孩子可能已經飽了七成，當然，那個不會是我啦......



然後 main course 我挑了烤豬肉意大利飯 (roasted pork risotto)，賣相一流，risotto 用了洋荵牛油芝士來煮，煙韌有緻，比較硬，很對胃。不過那幾件豬肉廚房煮的太急，較厚的部份都是生的........



A 要的 意大利紅酒醋沙律 (insalata italiana)，面頭有幾塊像廣東臘腸的東西有個很長的名字，A 說這個沙律還好啦 (也很難做的不好對吧~)。

吃完 main course 帶眼鏡穿 Burberry 格子恤的店主禮貌周周的來跟我們問意見，還有抱歉招呼不周因為人太多。看他這樣誠懇的樣子我也就不好意思發爛了，不過我也有老實告訴他豬肉是生的，他就說下一次告訴他會跟我們換過一個。



甜品可以選 brownie 或者 cheese cake，我們都要了 brownie，想不到還有一個 cookies n' cream的雪糕球送贈呢~ brownie 是暖的，味道不算太甜，該是 home-made 不是買貨。



飲料我選了 house red (+$38)，A 不喝酒要了杯 apple aloe。

買單連+10% $411，謝謝 Apple 的一頓飯，還有那個 IPSA 美甲套裝 和 Paul & Joe 的指甲油，哈哈，不過我告訴你老實說除了指甲銼之外其他都不大曉得怎樣用。:p 得學一下啦~

十萬分感謝~







補充資料：店名「Culture Club」跟八十年代大紅的新浪潮組合同名，其中出名的成員有 Boy George 佐治童子，還上過《歡樂今宵》由 盧David (!!!) 來做訪問，其實說這個幹嘛？都是怕年紀小的 blog 友們不知道啦...... 有一段日子我其實還真的挺喜歡《Do you really want to hurt me》還有 《Time》，俱往矣。

────────────────────────────

Culture Club
地址：中環伊利近街15號
(地點不大好找，正確點來說是在民園麵家新店跟玉葉的那條斜路)
電話：2127 7936
菜式：西式
備註：http://www.cultureclub.com.hk

作為朋友，我覺得，我真係算係咁。

雖然我未必記得你生日，聖誕又唔會買禮物，但係朋友有難，幫得到，我都一定幫。

承前文，我果位最近做o左傳銷*o既朋友 X 小姐(化名)早兩日約我o地圍內另一位好朋友 F 小姐食 lunch，仲講到明，淨係約 F小姐一個。呢個情況，響我地一班朋友堆入面o黎講係勁奇怪，因為我同 F 小姐仲有另一位 B 小姐其實都一齊響附近返工，要約，通常都會一o野就約晒咁多個。

咁，F小姐就驚啦，因為驚 X 小姐 sell 佢同埋叫佢上o的 center，就打比我夾計。 諗埋o的屎橋扮落街撞到，「丫~~ 你兩個死仔約食飯唔叫我~」，呢o的咁o既低能仔角色就留比我做囉~ 算啦，我話晒都演技派。

叫o左3個 set lunch，食o的咩，有眼見，煎煎炸炸酸酸辣辣咁，典型呃鬼佬式泰式食店。海鮮沙律最差，一味得個辣，o的海鮮係急凍貨式。其他o野，一般，roasted duck curry 最好味，但係好細兜。

服務差勁，第一個外籍 waiter 唔醒目英文亦差，第二個中國藉中年 waiter 唔醒目都算仲要態度唔好，好誨氣咁款。

坐戶外，o的風大到，吹到頭都甩。

三個女人，講o野o既主要都係 X 小姐，不停問我地做o野辛唔辛苦呀，有無為將來打算呀，果o的咁o野啦。




「係，我知做你果行係好有機會搵到好多錢，好似你咁呀，$10皮o野一個月，但係呢o的錢我真係唔識搵，我唔想無晒o的朋友。」

















...當然呢o的謎之聲，我無講出口，全程繼續(扮)聽佢講o野。

埋單連加一 $298，位位 $100，真係甘，唉。

──────────────────────────────

Thai Orchids
地址：側魚涌糖廠街39號地下
電話：2856 9848
菜式：泰國




*註 ─ 朋友工作o既傳銷公司唔係賣燈賣香薰油果幾間，係類似 A 字頭果間大傳銷公司。

又o黎家常小菜時間，整兩味，連醃需時約1小時。



魚香茄子

(實不相瞞，我都係第一次整魚香茄子，《食神》話齋，煮o野食呢回事，真係好講天份o既，kakakaka~)

材料：茄子兩條，免治豬肉 ( or 肉絲，depends 你鐘意咩啦~)，男友同我都唔多食得辣所以我無落辣椒絲，落o左豆辦醬，仲有酒啦，蒜呀，乾荵，荵呀，薑呀果o的咁o野啦~

做法：

1) 免治豬肉用老抽，生抽，糖，麻油，胡椒粉，生粉撈勻醃 30mins 或以上。記得醃任何免治肉都要一路撈一路落o的o的o的水，落鑊炒果時就唔會痴埋一舊。

2) 茄子洗淨滾刀切件，浸鹽水 (作用係防鏽)，備用。

3) 蒜一粒剁蓉，乾荵兩粒剁蓉，荵切粒，薑切片(林生唔食薑等佢自己可以揀走嘛~)，實則你喜歡可以剁蓉。

4) 開油鑊爆茄子，轉色就剩起放吸油紙索油備用。(油呢，你唔怕肥的話其實應該落多o的，我怕，落得好少，所以炸出o黎個色唔靚)

5) 開油穫爆香蒜蓉、乾荵蓉、薑片、豆辦醬，落免治肉，炒至全熟。

6) 再落茄子，炒勻。落個獻汁 (老抽，糖，酒少許，水)，炒勻，蓋鑊蓋，至汁收乾，落荵粒，兜勻，即成。

其實我落得唔夠多水，同埋落豆辦醬果時重手o左o的o的，所以比較乾身o左同埋辣o的，但係最緊要林生都鐘意食嘛，嘻嘻~




粟米肉鬆玉子豆腐

因為要就一就男朋友口味，所以我整o左呢個，小朋友風！

材料：玉子豆腐兩條($4)，免治豬肉($5)，罐頭忌廉粟米

做法：

1) 免治豬肉先用豉油糖生粉麻油醃 15 mins 或以上。

2) 玉子豆腐開袋後切件，兩面撲粟粉，備用。

3) 菜油開鑊煎玉子豆腐，兩面金黃就剩起，放吸油紙索油，備用。

4) 菜油開鑊先炒免治豬肉熟透，落忌廉粟米，我覺得半罐左右都夠，睇情況啦，兜勻，全部熱晒就熄火。

5) 玉子豆腐移去第隻碟，淋粟米汁(4)，即成！

但係我做錯o左o的低能o野，我整完茄子先炒個粟米汁，搞到惹到o的茄子味，扣少少分啦~ 不過，林生依然好喜歡呢味，仲食o左兩碗飯o黎撈個汁，百年難得一見！大成功！~~~~



呢個呢就唔係我煲o既，男友星期一返屋企食家姐 farewell 飯，我要開會，走唔甩，男友媽媽就叫男友拎o左壺湯比我飲，鮑魚雪耳瑤柱煲雞湯，我帶o左返公司微波爐返叮當 lunch，嘿嘿嘿嘿嘿嘿~ 你地唔恨得咁多o架啦~

嘻嘻嘻嘻嘻嘻嘻嘻嘻~ 多謝未來奶奶~

各位唔睇波o既美女，學o野係時候。

o的大賽事我都會睇，其他真係唔好預我，你估我係盧覓雪咩~

(source from Calvin822 個 hompy [LINK])





世界盃期間女朋友注意事項

此項四年一度，為期一個月的活動，可以讓你和男朋友發生許多不可預計的事。

所以你首先要知道一些最基本的知識：

1.今年世界盃在德國舉行。

2.比賽時間在晚間至凌晨舉行。

3.今年最有機會奪冠的分別有巴西、荷蘭、意大利，和你男朋友支持的隊伍。

4.英格蘭球星是有碧咸。但如果你告訴你男朋友，你喜歡林伯特或謝拉特，你男朋友會較開心，因為他會覺得你是喜歡有實力的人，縱使那人並不靚仔 ─ 就如自己的情況一樣。另類選擇是英格蘭前鋒高治。你告訴你男朋友你喜歡高治是因為他「得個高字」，你男朋友會笑得很愉快~

5.請不要在賽事中途說「都唔知點解，十幾個人追住個波走黎走去」，你男朋友一聽絕對會發火，小心。

6.往後一個月，你男朋友只會記得今晚及明晚賽事的時間和對賽隊伍。請不要在此其間考他記性，例如，問男朋友記不記得六月份的某一天是什麼日子。就算那天是你們的拍拖紀念日，也請不要問，因為如果他答你「十點鐘，巴西對荷蘭！」多麼傷感情！

7.雖然是委屈了你，但四年一度，請你原諒。你最想見到男朋友的時間，通常就是開波的時間。你男朋友會盡力安排時間的。四年一度，你將就一下他吧。

8.續上題，你最想和男朋友通電話的時間，通常亦就是開波的時間。

9.如果，你男朋友興高釆烈和你說一大堆外籍人名、戰術分析和專業術語，再加上事後孔明和馬後炮，四年一度，聽他說說吧。不明白也不用問，因為他也不知道自己在說甚麼。你只要聽完給他一個「你好叻喔」的表情，世界盃後你就會有美妙回饋。

10.你見到男朋友的時候，他都是未睡醒的。不用問候他，世界盃後自然會復原。

11.如果你男朋友支持的球隊出局，也不用太擔心他。每隔四年他支持的球隊都會出局，他習慣了的。

小小 update to everybody

‧星期六已經幫林積積排期今個禮拜五做絕育手術，愛護動物協會做， 入會$200，手術費用係$350，8.45pm 去見醫生擺底隻貓，4pm 先 手羅 得返，手術前要注意o既事情我大概都知道，咁手術後有咩要留意呢？譬如話食o野呀，訓覺o既地方，又或者傷口處理，麻煩各位 experienced 貓主人留言教下我丫~

唔該晒~

‧去到愛協順便去領養部睇下有無得意貓仔，佢個男主人林先生成日驚林積積自己響屋企悶，想收養多一隻，不過愛協o的貓仔個樣真係唔係太得意 (你話我衰都係咁話)，同埋九成九都好惡，得一隻好得意o既黑色肥貓仔叫做大妹呀，cool 到爆，係果度o的「staff」o黎o架，自出自入，好搞笑~~

總之呢，家貓o黎講呀，林積積真係算好靚仔o架啦~

我以家成日響屋企都叫佢做靚仔貓~ 嘻嘻嘻~


「啤咩啤？你就o黎做小太監啦！」

實不相瞞，其實我幾鐘意睇 Paris Hilton。
(...我買埋《The Simple Life》DVD o添呀~)




呢條就係傳說中被禁o既 Paris Hilton Carl's Jr 漢堡包 TVC。
Carl's Jr Official Site：http://www.carlsjr.com/home





下面有另外一條，仲爆o的...











...希望你睇完唔會發惡夢啦~

午餐，我自己去o左阿媽 office 度整電腦，佢特登拎o左煲粥過o黎，蠔豉瘦肉瑤柱粥，呵呵，好味。

夜晚，自己煮飯。林生陪我去 supermarket 買 食送，哇哈哈~



日式金菇鮮冬菇炒豬頸肉

材料：豬頸肉，金菇，鮮冬菇，薑，味 酉林
(味 酉林，於各日式超市有售，約 $20 樽)

做法：

1) 已切豬頸肉解凍洗淨備用，吉之島買一盒約 $20 to $30，視乎有無特價，一盒約 3人份。

2) 金菇洗淨切去尾部約1吋，分小注。鮮冬菇洗淨切絲。

3) 調好調味料：剁薑蓉(分量一片左右)，味 酉林 同 豉油各一湯匙左右，糖半湯匙，有酒就落酒約 2 湯匙。我唔記得買，所以無落。:p 備用

(*林先生唔食薑，強烈要求下次落薑片等佢可以自己揀走。可參巧)

4) 菜油起鑊，炒豬頸肉，差不多全熟，撥埋一二邊，落金菇冬菇
絲，炒勻。

5) 炒得咁上下先落調味料 (3)，再炒，汁收乾就可以剩起。

6) 落芝麻，少量七味粉 / 辣粉，食得！！！

呢個係林生少有食清碟之菜式之一，嘻嘻嘻嘻~

可以做蓋飯，我尋晚就做o左個今日帶返工。



蠔油生菜，無o野好寫。



腸仔蟹柳炒蛋，小朋友林先生要求整o既，佢話另外一味整呢o的求其得啦喎~ 我都唔知點解佢咁鐘意食呢o的細路仔 食送~

食完飯仲可以坐定定睇《美女廚房》，哈哈，果然幾好笑。