哈~!!
我轉左新地方寫日記呀~
不過依度都會得閒返下既~^^
大家請移玉步去依度~

我的新日記

唔經唔覺係依間公司做左差唔多十個月,
但竟然連經理都辭職,
做埋依個星期就走lu...
唔知我捱唔捱得住呢.......

嘻~見家姐買左部NDSL比小朋友,
而我又心郁郁都買左部~
yeah~~但唔知有咩game好玩呢~@@

手術係下午進行, 而家姐係佢入病房前陪左佢一陣,
但因為小朋友都要做手術, 所以坐左一陣就走,
大約下午四點幾入手術室, 五點幾就做完,
而我大約六點半先到, 見佢精神幾好,
但原來做手術之前, 佢其中一隻插左針既手紅腫左,
之後護士諗住再幫佢打過, 但誰不知...
打極都打唔到, 可能佢既血管比較幼,
就算打入左都唔岩位, 護士亦曾經試過打手背, 左腳, 右腳...
佢地離譜到同一時間分別打唔同位置,
但最後都係唔成功, 差唔多試左三十幾次都仲係唔得,
簡直離譜, 都唔當病人係人...

做完手術後, 要住院一個星期,
因為驚傷口發炎, 所以每日都要打抗生素,
唉...希望冇事啦....

尋日請左半日假辦理入院手續,
安頓好後, 護士就量血壓, 探熱等...
之後護士叫我地係出面等一陣,
因為佢仲要做其他既驗查...
直至夠鐘護士先準入去見做手術既醫生...
過左一陣, 佢出黎陪我地傾計,
但已經見佢雙手已被兩個針抽左入手,
見到都心痛, 更何況係當時人...

差唔多見醫生, 我地入番病房,
醫生話其實個手術唔係太危險,
會同病人做局部麻醒, 係清醒既情況下做,
過程大約個半至兩個小時,
但做緊既時候唔可以有人陪,
之後仲有d野要小心既...
其實聽完醫生講, 都已經有d擔心,
之後留多一陣就走, 此終唔係探病時間......
唯有聽日先再黎…

早前見完醫生, 醫生話個心臟曾經停過六秒,
雖然六秒唔長, 但係對一個人既心臟黎講係好危險,
所以醫生建議要裝個心臟起搏器,
其實咁都好既, 最起碼唔洗成日頭暈,
但個起搏器要成三至四萬,
不過最後都決定做,
醫生會安排排期, 大約個半月左右,
但今日醫院打黎, 話下星期可以安排做,
um….希望冇事啦…..

尋日係七一回歸,
鐘意睇煙花既我,
當然唔會錯過, 幸運地有朋友專登放假陪我去睇,
雖然尋日既天氣唔係太好,
日頭成日落雨, 但到左夜晚就開始好轉....

我同朋友去左金紫荊廣場睇,
到既時候都已經好多人,
我地隨便搵左個位坐, 食下野,
大約八點開始放煙花,
尋晚d煙花好靚, 揀既位置又好,
完全係睇晒全景, 雖然係熱d, 同迫d,
但係都值得, 不過就辛苦晒我朋友,
一向怕熱同怕迫既佢, 要佢陪我係樹呆等,
真係唔好意思, 睇完煙花後,
就慢慢分批出番去, 好多地方都封左路, 未解封,
所以好多交通工具都唔可以正常咁駛入碼頭,
而我地就選擇左搭船出番尖咀,
之後我地再落左cafe度食野同飲野,
坐到差唔多點半就走lu....
最可惜既係, 我竟然冇帶相機...

睇番對上既日記, 原來已經幾個星期前既事,
近排, 發生好多事, 有開心, 有唔開心,
所發生既事唔知係真定假, 有時唔係唔想信,
只係…..唉….點好呢…..