愛情同考試一樣,唔係話努力就會得,仲會有好多因素! 兩個多月既美夢,將會很快完結. 講真, 由24/11/2008 o個日起,我本來就知道自己唔會o係一個咁幸運既人, 到今日, 我終於要醒覺, 那個美夢真的令我很開心, 一個近乎完美既女仔, 竟然會同我一個咁平凡既人一齊, 當中雖然有少少唔開心既事,但係我呢兩個月真係好似發夢一樣.明天起來, 我又會做番o個個平凡既我,一個人既生活,再次跟我相遇......

    多謝你愛過我, 我這兩個月好像沒有為你做些什麼,對不起!!!

    點解你又問我無左你會點? 我成日都覺得有d野,因為我未同你一齊既時候,我會問人,如果我同一個同事拍拖,你會點諗. 人會將可能發生既事提出去問....我唔知道,你問我呢d問題,係唔係因為佢既出現. 其實我好自卑,你知唔知呀.我知有唔少人都覺得佢好過我,我自己都知道,我事實係無人咁高咁型仔,亦無佢咁細心...我唔知如果其他既人都知道我地,會唔會覺得我襯唔起你....其實公司有好多人都會覺得你唔錯,而我只係一個小角色,無人會諗到我係同你一齊!

    我有幾鐘意你,我都唔識答你......我淨係知道自己咁難先同到你一齊,我唔想放棄,我真係唔可以無左你....其實我同你一齊左呢一段時間,你開唔開心架?其實你話你要冷靜,你係唔係有野想同我講?

    其實我今晚個心好亂,一來係因為同屋企人嘈,二來知道你同ivan食飯....其實我真係好擔心.....你同佢等位之後,真係一個電話都無打過俾我,究竟係因為你同佢食飯,食得好開心,所以唔打俾我,定係因為驚我同屋企人嘈,所以先唔打俾我....

    我知道你一向都係好多男仔既fd,而且你係要有正常社交生活既女仔,我都知道我唔應該管你太多,不過我真係好驚,我好驚你同佢食飯,會覺得好開心,我唔咁同你講,因為我驚你唔鐘意,驚無左你....我好想同人講我點諗,但我唔想俾人知道我係咁......now已經11:00,你仲係無打俾我.....

    無事既,一定唔會有事,我要相信小女人,我打出黎只係想個人舒服d, 我亦知道,你係唔會見到,不過我都好想講,我真係好緊張你,我好驚無左你!