因為...我要轉site lu...我知除我我識既hompian之外..有好多人都有睇我既hompy...如果你哋掛住我...關心我....嘻嘻..其實我都好歡迎你哋黎探我架...

send email比我吖..比條link你哋咪得囉...

creamymami903@hotmail.com

後會有期lu>>

就黎變咗月記tim 呀..自從upgrade咗之後...寫blog好似冇以前咁勤力..唔知點解呢...嘻嘻..

呢排啲皮膚好似好咗..冇之前咁痕...不過我又冇忍口bor...咁咪好囉...我都唔想下下要食藥...

同阿sir炒咗一塲...到咗而家重諗緊去唔去上堂好tim...其實佢又教得幾好既.....但係轉塲既機會好大...因為唔想面左左....

好可惜呀....

今日新整咗個miffy既email: nat903@miffy.zzn.com

好開心呀...個email又簡單...又係miffy喎..嘻嘻

今晚又去physical 啦...又着新衫...~~好開心..

elsa都話我唔洗買咁多..我己經買咗6,7條褲lu...嘻嘻..

下星期要test..不過都未有心情"dick"起心肝温書..唉呀..真係要比d心機至得...唔好嘥錢呀~~~

新既一年..身體好似好多細毛病咁...前嗰排...右手食指無啦啦腫咗..e生話呢d係無名腫毒,不過佢搞到我筆都揸唔到...結果食咗幾日消炎葯,又塗埋葯膏..至好番..跟住隻手啱搞掂..就輪到個胃...由前日開始無啦啦痛...食咗葯好咗一陣...葯氣過咗又痛過..真係慘.....所以勁鍾意飲咖啡既我..呢2日都冇飲過..諗都唔敢諗!!!!!

尋晚重要係night..有咖啡飲..真係唔得掂....!!!!

咁又捱過咗一晚...

今日好似有啲好轉....

新年咁又過咗...拆咗利是lu..嘻嘻...

honey佢今年無啦啦比咗三千蚊我..佢話佢今年有好多利是錢...所以分啲比我攞..嘻嘻...計埋呢d..再計埋e院嗰d,再加埋自己d親戚朋友..今年都有八千蚊..好開心呀~~~

新年咁凍..唔係食就係瞓....又唔願起身...又係咁放假..响屋企無所事事...嘻嘻..咁又過咗一個新年lu...

今年年廿七..爸媽叫埋honey上黎食飯打邊爐...其實今年係佢哋第一次叫honey上黎食飯...我哋一齊都三年有多...可能爸媽都覺得我哋都叫stable..所以叫佢上黎食下飯..睇下邊個咁勁可以忍到佢哋個女三年幾..嘻嘻..哈哈...~~!!跟住到咗年初一...honey又上咗去嬸嬸屋企..同我哋一家人一齊..去拜年..睇黎爸媽對佢既印象都唔錯吖...佢哋對honey都幾好....~~~

成個星期冇去過physical...唔願郁...尋日知道阿kit代堂...即刻去咗舞哂脂肪...爽呀...我之前買咗二套跳aerobic既衫...尋日第一次著..真係一分錢一分貨...跳起上黎冇咁重...個人好輕咁...不過太貼身..第一次著唔慣...嘻嘻...

尋晚去月睇咗joey既concert...一句講哂...勁呀!!!!!!

啲歌真係好好聽..佢唱live真係好掂...跳舞又勁....

正呀~~~

聽晚都會係咁凍...哎呀...要night呀~~

尋日係屋企人提早食團年飯...好耐冇見既舅父都有出席...佢先至係40歲出頭...以前既佢好開朗...好多嘢講...又會講笑...尋晚既佢...蒼老咗好多...一臉倦容...成晚坐响度發"牛"豆...又唔出聲...其實我都聽過佢呢排同我舅母既感情有變...所以2個人成日嘈...因為舅母係英國人...之前佢話屋企嘈...(住上水)...間屋係我公公留比佢哋既....原本己經供滿..都可以話唔洗愁住屋...不過舅母嗰陣話要走...重有帶埋我表弟一齊返英國...唉...跟住佢一粒聲都唔出..又唔同舅父講..就响元朗租咗另一間屋...跟住至同舅父講話要一齊搬去元朗...咁舅父為咗唔想舅母因為舊屋嘈...而返英國...(其實只係借口...佢哋2個根本有問題...)所以就算辛苦d....寧願丟空間舊屋...另外又响元朗租一間屋...因為舅父驚一賣咗舊屋..舅母就會攞埋啲錢走返英國...而且間屋係死鬼阿公留比舅父..所以舅父又唔想賣...

唉...搬屋嗰日...舅父又冇同我哋講..又諗住慳返錢...自己一個人搬..跟住响貨車車尾跌咗落黎...整親手踭...不過都繼續搬...搞掂咗都冇去睇e生...佢本身係揸開貨車...係大貨柜車嗰隻...跟住佢病....因為要揾食...都焗住要開工....呢d嘢我都係尋晚舅父食完飯走咗...聽返我d阿姨講...其實佢哋環境唔係幾好..我都知...不過佢哋以前都生活得好開心....因為一家人好好..不過佢哋而家感情有變....唉...始終都係一個結.....我好心痛....我未見過舅父咁既樣架.....

我尋晚瞓唔着...今日個心好唔舒服...希望新既一年..佢哋既感情會冇事就好lu

舅父好鍚我架...

我都好鍚舅父...

舅父要振作呀~~

呢排冇乜時間上網...hompy既日記好似搞到週記咁...真係吖...

呢個星期主要係返工...返工..同返工...好似冇停過咁既...但係數下數下..計埋今日..都係返咗六日工咋喎...不過有啲渡日如年既感覺...唔知呢..??嘻嘻

尋日開咗一個癈會...好似好多嘢講咗..不過全部都係一個問号...都唔知點...啲高層...真係...咁開黎做乜...乜都話下次點..下次點...咁今次又點...??可唔可以有啲建設性呢???浪費我既時間...

前幾日成日好似好凍咁...唔知係咪作病...尋晚瞓得好好...而家好似好咗好多咁..不過個頭有少少痛...

新既排板就黎用lu...今次老細比我搞...好多嘢佢叫我決定...好多謝佢咁信我呀...

呢啲嘢我要慢慢學呀...

轉咗職位...原來做既嘢真係好唔同....

我得番半年時間學..因為老細今年十月左右就退休lu..

努力呀~~

呢排啲時間好似過得好快咁...咁又一個禮拜lu...諗番起呢個星期都唔知忙乜..日日返工都好似打機咁...每一局都有一個task..似乎老細己經將佢平時做開既嘢交比我做...例如ic meeting,department head meeting...佢去唔到就叫我去...同埋呢個星期做咗好多文書上既嘢...而今個星期最勁既工作就係同e院設計咗一份化療既consent form...中英文version...啱啱二日前交咗我個draft比sno...未知feedback...希望可以被採用啦....

咁又做咗呢個位半個月...未慣...

希望同事多包涵我既不足就係lu...

呢排好凍..各hompian要保重至係呀~~~

今日終於儲夠印花換咗postpet既床單同被袋...還咗心願lu..

真開心...

近照一張