尋日終於做左人生第一次洗牙，原來可以咁乾淨

傳家俊入咗八強第一局，就對住世界冠軍希堅斯，原本以2比4落後，但連追兩局，打到決勝局，希堅斯可能因為壓力問題，出現好多失誤，令傳家俊反勝5比4，不過我覺得雖然贏得唔係好精彩，但總算打贏世界冠軍希堅斯，入到四強!!

而奧蘇利雲準決賽以2比5落後於梅菲，之後連追4局反勝（6比5），順利入到決賽，奧蘇利雲係我幾鍾意睇既球手，又唔會俾情緒影響得好緊要，相反中國小丁，我覺得佢係EQ比較差，一個失誤就會影響晒成個心情，打極都起唔到break，今次連16強都入唔到，失望

而家打緊傳家俊準決賽，唔知可唔可以贏到入決賽呢，好緊張......加油呀

唔知聽日多唔多野做呢，希望唔好咁多啦，咁就可以早走，出去蜜蜂家人度食飯做節，都有一段時間冇同佢地見面喇，尤其而家要返工，時間好難夾到，就算佢地約食飯，我都未必可以到，唉……

辣椒BB大個咗喇，仲鬼咁百厭，成日玩打交，呢個辣椒，俾佢湊果陣又懶，叫都唔湊，而家要BB戒奶，佢又扮乖，成日喺BB個籠隔離睇實，激死……

8月16日，囡囡走咗一年喇，呢段日子，其實好多時都會諗起佢，最初果一個月，每日諗起都會喊，到而家，諗起當然唔會再喊，不過個心其實都好掛住，諗番同佢相處咁多年嘅日子，都會會心微笑，能夠再遇一個似囡囡嘅機會，可以話係微乎其微，喺我心裡面，囡囡始終只得一個。

呢兩日，見到辣椒湊BB，令我諗起囡囡，星星約兩年前生BB，囡囡就當咗係自己嘅，唔單止唔俾星星湊，仲要吼星星，到BB大個咗，都仲好錫，不過囡囡就係唔識教仔女，成日寵壞，所以星星兩個女到而家都咁百厭。

辣椒第一次生BB，湊得好叻喔

第一個出世嘅女女

第二個出世嘅仔仔

最後出世嘅女女

都有一段時間冇約瑟BB出世喇，估唔到辣椒又湊得幾叻喎，甚少離開BB，食嘢都要我攞俾佢，三個BB都好健康，唉，真係想留番隻，不過睇到時點先算啦

我會經常發夢，好多時夢醒就好容易唔記得，除非好深刻或者好想記住，不過持續發夢係會令我得唔好，有好多時醒好似冇過咁，又有好多時會夢見未來會發生事，當然，夢醒我係唔知，只係有好多時，明明從未做過事或者從未到過地方，會有似曾相識感覺，會知道果個地方有D乜，轉彎之後會見到乜，夢真係好其怪。

不過我好少夢見身邊人、事，尤其係至親至愛，但係我又發夢見到囡囡喇，己經係星期二（24號）朝早事，唉，到今日先有時間寫，不過今次好好笑，夢境裡面都係囡囡走，跟住搵個幾靚袋裝住佢放落一個大雪櫃，到兩星期之後，囡囡個袋裡面走番出黎，仲好精神、好活潑，跟住我就勁開心，帶住佢周圍去，係咁同人講：囡囡走，雪兩個禮拜竟然冇死到呀，囡囡番黎喇……     去過邊、見過咩人就唔記得喇，只係記得我同佢都好開心，我周不時對佢又攬又錫，就好似佢生前咁，而佢又最鍾意去街，所以我地都極之興奮

其實囡囡走，我己經放得底喇，只不過都會經常諗起，個心仲好掛住，始終佢陪我走過好多路，我唔開心、喊時後，佢總會走埋黎錫番我、番我，我發脾氣佢會知道，會走埋一邊，見我發完又會走過黎擺晒尾，係咁錫我，見親佢咁樣我就晒，有時覺得關系甚至仲親過我同屋企人。

海洋公園十月全城哈囉喂，尋日係我第一次去玩，都幾得意、幾好玩，不過實在太多人喇，攪到排隊排到腳都軟！！因為太多人排隊，攪到我玩唔晒咁多，miss兩個玩唔到係最美中不足……

因為今次係朋友幫我買員工飛，冇問有冇得買快線，下次有機會話，要買快証先得！！