22/5-23/5

人生第一次的出阜演出, 目的地係: 澳門~!! 哈哈, 自我小學一年級時去過之後, 我就冇到過澳門啦, 所以好新鮮, 去澳門, 當然係咁食啦, 哈哈, 但最遺憾係...我唔記得左去食葡tart!!!

 去澳門, 當然唔少得大三巴啦~

  仲有新開o既漁人碼頭, 果度好靚架, 我覺得好似歐洲咁~~ 而且果日仲雨tim, 感覺好似特別浪漫咁...

 到左夜晚..on show 啦, 唱左4首歌, 表現都幾滿意呀~! on show 之前實在忍唔到口呀, 好彩冇事~!!

13/5, 20/5 & 27/5

連續3個星期6 都o係屯門時代廣場表演, 係一個可以同觀眾好近o既表演~! 而且仲可以見到張繼聰, pixel toy, 同at 17, 佢地o既表演都好好睇呀, 好特別, 好有個人特色~!! 而且每次都要唱3首歌, 除左唱到好多自己一直好想唱o既歌之外, 仲可以練到氣, 連續3個星期o既表演, 比到一個好好o既練習機會比自己呀~~ 不過第一個星期表現實在太差啦, 因為好耐冇練習, 所以之後都加把勁呀, 第二同第三場o既表現都好返好多~!!

3/6

考完試之後, 一直都o係度準備呢個比賽, 要搵人啦, 改名, 排舞, 搵衫, 好忙, 但好好玩, 好有滿足感~!! 今次係第一次自己排舞呀, 所以我都"抄考"左好多mv, 當然唔少得boa 同安室啦, 哈哈~~~!! 遲D upload 條片上黎, 睇下睇唔睇得出啦~~

 我o既crew mates 呀~!!

 我地city o既dancers ~~!

 套衫我好鍾意呀, 係我媽咪幫我地加工架, 係咪好熟口面呢...~~~

3/6 18:00 This Sat, Gal Nation Dance Competition @ 奧海城~!

good show my crew mates~!!!! 

On the coming three Saturdays, i will perform singing in Tuen Mun "id:c" shop at 14:30-16:00. Plz come and see if u have time~!!

終於都忍不住要去看專科了~~ 我的皮膚問題日益嚴重, 況且近幾天天氣很熱, 我一出汗, 臉和頸都痕到不得了, 所以我都去了看皮膚專科..................

DR.S: "你呢D係濕疹, 點解會咁o既呢?"
我: (佢竟然問返我轉頭) "唔知呀.."
DR.S: "你係咪好忙,好大壓力, 唔夠訓呀??"
我: "我真係唔知呀, 我都訓成8個鐘架,  之前訓得仲少, 仲大壓力都冇事啵, 可能係我呢排夜訓啦...."
DR.S: "咁我開D藥膏比你啦~ 可以止痕. .希望可以幫到你啦~~~"

"希望可以幫到你..." 呢句真係嚇死我, 講到我好似冇得醫咁...但我再唸下, 會唔會係, 呢個病係同藥物冇關?? 係要靠我自己先好得返?? 

壓力, 我覺得我冇, 但的確, 我的確係訓得唔好, 我覺得係因為我呢排少左(好多)運動, AP 之後, 我都冇運動過, 可能呢D 就係壓力卦, 又或者係果時最忙的時候拉得太緊,  依家一次過發哂出黎...呢幾晚條頸都好痕, 痕到訓唔到, 訓得唔好, 又遲起身, 到左夜晚又訓唔到....

睇怕我都係唔可以比自己太得閒, 要令自已忙返D先得....

放假啦~~ 我始終覺得係要咁熱, 先有個放假o既感覺, 而且仲要係手頭上冇乜趕住要做o既工作, 可以做返D 自己想做o既野, 實在太好啦~~ 今日又涼返D, 本身去踩單車就岩哂啦, 不過最衰又落毛毛雨, 又冇去到lu, 希望呢個禮拜o既假期可以去到到啦~~

放假雖然好, 但我都好怕果種起左身, 都唔知做乜好o既感覺, 之前果個幾月, 都係排舞, 訓覺, 返學, 排舞, 訓覺, 返學.... 依家唔駛跳舞, 好似若有所失咁.... 尋晚我地大伙兒去睇poly U o既表演, 大家就好似成個禮拜冇講過野咁, 一見到就嘈到不得了~~!! 但我好鍾意咁樣呀, 因為..佢地真係我o既老死, 一唔見就好掛住大家~~ o係我o既大學生涯入而識到佢地, 真係好開心~~!! 但係..我都好怕第日就冇乜呢D 咁顛o既時候啦...

仲返多兩個禮拜學, 考埋個試, 我就畢業啦, 好緊張, 唔知我會搵到份咩工呢?? 好期待呀, 聽一D 已經做緊野o既舊同學講, 話做野好辛苦, 人工少少, 做野多多, 冇埋D 去玩o既時間, 放工返屋企就攰到即刻去訓, 都幾灰下....其實聽完都有D 擔心, 最慘係要還政府貸款, 不過我都依然對我o既事業充滿憧憬, 好想快D發展我o既事業呀~!!

今日去訂左機票啦, 跟住就要計劃下我o既行程啦~~ 哇, 要坐成13 個鐘機..... 有D 驚tim, 希望我上到機可以大覺訓啦~~ 咁就冇咁悶啦~ 大家知唔知多倫多有咩必去o既地方呀?? 介紹下俾我呀~~ 哈哈~好想快D 出發呀~!!

 02/04 backstage

 show@紅館

經過兩個禮拜無休止練習, AP尋晚終於都完左啦, 好唔捨得~~~ 因為係我人生o既最後一個AP, 相信日後都真係幾難有有呢D 機會, 尋日一首 "最隹損友" 真係將呢個情感推到高峰~~!! 唔知仲有冇機會跳舞囉.....

計一計, 我唸我有成兩個禮拜除左返屋企訓個覺之外, 都冇O係過屋企囉, 係呀, 所以我都好耐冇見過我屋企人, 機本上我除左跳舞之外, 係冇其他野做過, 不過我上星期日出左一個大SHOW, 地點係紅館, 好開心, 因為可以重遊舊地, 真係估唔到會仲有機會o既果度唱歌, 真係唸返起好多野呀~~~

係時候要追返D 功課啦, 仲有兩個星期o既上堂時間, 我就要準備考試, 跟住就畢業啦...突然間, 覺得時間過得真係快, 我..要搵工啦~~~