年初二睇Narnia，行行下街等睇戲之際...

Boo「食完咖哩猛放屁，feel到係臭嗰隻，你聞唔聞到呀？」
「聞唔到呀！」其時仲未知死

結果...........

戲院放3個 Boo~Boo~Boo~
無冷氣K房放2個 Boo~Boo~
被窩放1個 Boo~ (未計睡著聞唔到的)

經過一輪密室攻擊，農曆新年渾身是屁

INTER行三人籃球賽，HKJC大戰TVB、HSBC、Cathay Pacific
我有份，4號球衣

市場部隊友：「Carrie，多謝晒你呀，幫我地入左個3分波」
人事部隊友：「真係估你唔到喎，突然間射入個3分波」
投注部隊友：「好野喎，射入個3分」

比賽翌日

同事：「尋日打成點呀？」
入左個3分波...不過落場3分鐘就被調出...之後都無再被調入
同事：「都好丫，打3分鐘拿到3分，入球率好高喎」
ha~

除左3分，其他運球、傳球、防守、籃板......我係0貢獻ha~

上司呼籲一眾同事上Avid Advance Course(註1)，今天是第3堂

Sir：「今日教易Fat(註2)，中文叫做 "效果"...」
眾恍然大悟，「哦~~~效果...」
Sir：「做易Fat我地會用到Key Fam(註3)，知唔知中文叫咩呢？」
眾：「...............」
Sir：「唔知呀？Key Fam中文叫 "關 鍵 精"，記住呀，要考架！」
同事A：「Drop Frame係咪叫 "失精"？」
Sir：「er...........」
同事B：「咁偷格係乜？」
同事A：「偷格叫 "偷精"」
Sir：「..............」
同事B：「Freeze係咪叫 "停精"？」
同事A：「應該叫 "停精" 或者 "靜精"」
Sir面黑

下課，我問同事B，「關鍵精究竟係邊個"精" ？」
同事B：「唔知喎，都未聽過，貞操個"貞"卦...」
我：「下！？唔係卦...」 翻notes，原來係呢個"幀"

註釋：
1) Avid (影片剪接software)
2) 易Fat (易Fat = EFFECT)
3) Key Fam (Fam = FRAME)

婦女銀袋日 - 馬會專為女士而設的賽馬日
賽日特色：粉紅色主題、淑女打扮、各女爭妍鬥麗

外景導演：「Carrie，你簡直索爆，我真係身在福中不知福！」
「知就好啦，以後要對我好D！」

馬迷：「嘩！」
控制台導演：「我以為有騎師墮馬呀，六萬人望住大銀幕『嘩！』」
「冠、亞、季都咁風華絕代，唔「嘩」就奇啦！」

剪片導演：「每剪一個shot都好難受，我覺得對唔住觀眾...」
「難為睇足六盒帶，抽shot俾你剪的我...」

監製：「既然佢地咁有勇氣去參賽，我地也應該鼓起勇氣接受佢地，快D剪好條highlight呀！」
「好不近人情的上司...」

銀袋日翌日，Editing Room 彌漫恐怖哀號
電腦loop著陳百強 - 眼淚為你流
人像木偶　我人像木偶
心痛苦　比處死更難受
全忘餓與飽　心彷彿死去　衣襟淚痕濕透
眼淚在心裡流　苦痛　問你知否？

05拉闊壓軸陳奕迅，唯id人憑分免費換飛，換飛熱線1832233 (10月14日，早上9時起)

1832233
「du.du.du.du.du.du...」
Redial 1832233
「du.du.du.du.du.du...」
Redial Redial Redial 1832233 X n
「du...dudu...dudu...歡迎致電24小時政府服務時熱線，廣東話請按1字....」
「Manhattan何時收歸國有?」
「要與服務員聯絡按1字....」
「服務員??聯絡????」
「對唔住，閣下還未選擇所須服務....要與服務員聯絡.....」
「頂 @%#%$^$&*%*^*」
Redial Redial Redial 1832233 X nnnnnnn
「du...dudu...dudu...歡迎致電Manhattan Card優惠熱線，這次的優惠已經完滿結束，我們將會為會員帶來更多精彩的節目，多謝 ！」
「多X謝晒！」

歷時90分鐘 1832233 + du.du.du.du.
再一次多X謝Manhattan及24小時政府服務熱線，多謝晒！

中年脫髮肥胖男人，前練馬師，現職馬會高層，新任本節目主持
今天初次見面，為他拍Caster Promo

高層：「你就係Carrie呀，原來攝影組有一位咁靚的小姐呢！」
我：「哈哈，邊係靚呢...」
「靚？唔係卦，雙眼現在又紅又腫喎...」
高層：「呀，你條褲咁低腰，會唔會好易甩呢？」
我：「哈哈，點會呢...」
「唔好問這些咁尷尬的問題好嗎！」
高層：「不如你幫我打靚條呔丫，你幫我，我會HIGH D」
我：「哈哈，係咩...」
「變態，有幾HIGH呀！」
高層：「你又話會幫我印面油既...」
我：「好呀，等導演set好機位，埋位時我幫你印」
「好猖狂的大叔！」
高層：「唔該老婆，唔知點解你幫我抹面時，好想叫你一聲老婆」
我：「不可這樣佔人便宜呢...」
「找死，不要在我面前提『老婆』二字！」

生平第一次感受被高層性騷擾的滋味，你老味！

香港馬王「精英大師」在騎師高雅志胯下，以一分零七秒三的時間，勇奪日本短途馬錦標冠軍。精英大師贏了，你有咩感受？

馬迷1：「好開心，精英大師為香港爭光！」
馬迷2：「心情好興奮呀，我知精英大師一定贏的！」
馬迷3：「精英大師贏，即係我地贏，港隊威我地更加威！」

馬會同事A：「精英大師贏了，即是明晚要拍香港打氣團返港...」
馬會同事B：「精英大師贏了，即是會有好多PROMO要做...」
馬會同事C：「精英大師贏了，即是實搞凱旋回歸活動，要約主持...」

精英大師贏，即係我地輸，港隊威我地更仆街！