今日唔知點解對眼鬼別累架....好奇怪,實在解釋唔到,算啦....今日放工番到屋企,屋企好多人黎左呀,有舅父舅母同埋媽咪既表姐表姐夫呀,佢地咁人齊就梗係打緊麻雀啦....因為要等佢地打夠先有得食飯,我就決定同周公傾陣偈先,不過講真點會訓得到架,都係閉目養神架啫....

到左食飯既時候真係勁開心呀,因為真係超肚餓呀,等到成7點45分先有飯食呀,真係餓死人地個女呀,飛快咁食飽我就閃先呀,因為好多野仲未做呀,好似洗頭沖涼做Mask la.....今日時間唔太夠所以今日個mask要連埋沖涼一齊做,以快打慢麻...呵....咁又可以慳多左幾個字啦,我而家終於都明白人地話1日24小時係唔夠用架....

我話約左個重要既人昨日有人估中左呀....呵...不過算啦...都係當拎過經驗啫...多數都fail左...得啖笑呀....

今日忙到死死下呀,最唔開心既係竟然俾人串呀...真係唔掂呀,不過算啦,放左工就唔會諗,因為我知道諗黎都冇用呀,把口係佢度,講咩都唔會有任何既作用呀,所以算....我唔會同呢D所謂既經理級計較,不知所謂呀.....

今日放左工有個好重要既約會呀,所以我絕不能遲到呀,好彩剛剛好趕到呀..唔係就唔係幾好啦....遲到俾人既影像唔好麻..係咪...?

哈...今日好寧靜咁過左我既星期日呀,都不知幾好呀,我同屋企人飲左茶之後去左圖書館借書,竟然俾我借到我想借既書呀,幾鬼開心呀,咁跟住我就番屋企睇左我借既其中一本啦....一路睇書一路飲住我最愛既奶茶,都不知幾鬼寫意呀,呵...開心開心....最好既就係今日唔係點樣特別駛左錢麻...淨係駛左飲茶錢喳..幾開心呀,下個禮拜就係書展啦,我都相信好多朋友都會出血日啦....當然我自己都唔少得啦,我都諗左要買咩書架啦....等到我到時出擊就可以啦..諗起都緊張呀覺得....

昨晚因為同個舊同事May講msn傾到過哂時間所以就冇寫到日記呀...到我地傾完既時候我都見個個clock已經點幾啦,傾到幾眼訓呀..哈哈,而家要補番先呀,等我話俾大家知我地昨晚講左D咩啦,我發覺我地原來好鬼志同道合架,呵...我地原來有個好鬼共通既地方呀,就係我地大家都勁鍾意看小丸子同埋我們這一家呀,嘻...我地兩個昨晚就係講呢樣野講到點幾呀....幾鬼興奮呀,勁搞笑呀....

今日同Carol去左食Lunch行街同埋睇戲呀,一日入面滿足哂幾樣願望呀,開心開心,今日仲傾左好多野呀,傾下大家黎緊既目標同埋大計呀(唔好緊張呀,我地講既都係旅行既目標喳....)傾下大家既公司衰野啦,呢個唔知點解一定會講架,呵...今日佢講多D囉,我就冇咩點講,因為都費時講呀,冇心情講,大家可以想像下都值情唔想講呀,證明幾好吖間公司....講番今日套戲先,嘩...真係心臟都幾乎負荷唔到呀,好驚呀我地兩個都覺得,嚇死呀,我地今日睇就係蝙蝠俠,真係驚呀兩個半小時入面都未停過呀,都係驚架,個心臟平均都要跳成百幾下呀,個奸人又恐怖wor個樣,好得人驚囉,總知你地去睇啦....好睇,但係我地驚啫....

哈.......今日時間過得勁快呀,梗係啦,我大把野document係我張枱度呀,梗係快過啦,因為我都唔知做邊樣先好呀,樣樣都話趕既,我都呆左一陣,不過盡左自己既力做好哂佢就算,唉...

我呢幾日放工既時候發現左樣野呀,我每日放工都會見到好多海味店鋪出面都會有貓貓架...呵...好開心架,我日日最開心既時候就係見到佢地啦,真係勁開心呀.....

今日唔知點解成鬼日都好眼訓呀,真係好似人地有渴睡症咁架,究竟呢個病有冇得醫架,其實我而家都唔係好夜訓架啦,但都唔知點解會咁架,係我懶左定係咩原因呢...?

今日我阿姐佢同我講叫我26號幫手搬倉,唉..又蝕一日俾佢啦,因為26號係星期六黎架麻,呢間公司肯定唔會補俾我啦...真係蝕哂呀,仲要我原本約左人去書展架麻個日....唉..要改期啦肯定呢獲野,對唔住呀我既好朋友仔,要改期啦.....

昨晚因為去左飲太夜都冇寫到日記呀,今日寫番啦...另外我知道師妹病左呀,希望佢早日康復啦,坐親佢個位既人都成日咳架,都唔知點解,可能風水唔好掛...

講番昨晚先,見到兩個都係自己既小學同學結婚真係好開心呀,不過雖然係咁但我都冇衝動想做呢樣野播...呵...因為昨晚同我一齊出席既個位小學同學佢問我有冇羨慕,我諗都唔諗就答佢冇呀,可能結婚對我黎講仲係一件好鬼遠既事啦...

昨晚見到大家都好開心呀,搞到我都忘記左一D我唔開心既事情,因為我昨晚既腦海忙住勾起番以前讀書時候既種種回憶呀,而家諗番都會傻笑呀,昨晚同我個小學同學一齊出席一齊坐,我地講番以前既事同埋以前既人,又講番佢地而家變成點做緊咩野...嘩..如果要講真係講幾日幾夜都講唔哂呀...唔開心既事突然間係個短短既幾個鍾頭唔見哂,梗係啦,我個一刻好忙架麻......呵...係呢度再一次祝福佢地,百頭到老,永結同心

另外係呢度仲要多謝一個網上既朋友仔一個人人,我會淨間去睇架啦,多謝你呀..希望掂啦.....

可能冇左星期一既關係啦...今日放左工番到屋企覺得特別忙碌架,梗係啦,要趕住睇劇麻...呵...我覺得徐子珊好慘呀,無啦啦連僅餘既幾成聽覺都冇埋呀,唉....慘呀..雖然只係做戲但都係啫...都係可憐架麻.....苦....

今日時有太陽時落大雨,都唔知想點咁呀,就好似我既心情一樣,昨晚都訓得唔好呀,可能我又開始擔心啦....我成日都同自己講唔好太擔心但唔知點解個心硬係要諗,可唔可以唔諗呢...?俾佢停下啦,佢都會累架.....

唔覺唔覺就到聽日去飲既日子lu......hehe...唔知聽日會見到什麼以前既小學同學呢...?