今日天色唔係幾好, 陰陰天, 搞到心思思驚會落雨, 因為今天約左淇淇好耐冇見既朋友仔去"石澳"BBQ呀!

係呀, 又係石澳, 因為果度真係好靚~~~~D沙沙~~~~好彩今日唔係好似上次果勁曬...好涼既海風, 真係好舒服。

淇淇去到果處就同佢D朋友仔力高&珊珊一齊去左筆沙沙, 見佢地玩沙沙真係玩得好盡情, 我地大人就冇辦法了解得到沙沙究竟有咩野好玩咯@@

我地一班大人就淨係識得掛住燒野食, 吹下水咁囉, 放假可以過著呢D咁休閒既生活, 真係好幸福...好幸福.........

阿女最近唔知搞乜, 因為唔想食飯而唔肯返學, 唔知d乜野理由黎既?!

扭左兩日, 朝朝都話唔想返學? 點解呢? 講左比佢班主任李老師聽, 老師都笑住話: 乜食飯同返學可以拉埋一齊黎講既咩? 笑死...

我叫老師試下比少dd飯阿女啦, 可能因為佢每次都食包尾, 搞到好有錯敗感啦, 所以唔鐘意響學校食飯。 尋日老師同我講: 今日比少左一匙飯既份旺, 淇淇第一個食完, 重好自豪咁既樣添, 真係好奇怪, 少一匙飯也真係咁大鼓勵既咩

另外, 要讚下女女既, 佢今期學校評估既成績出左黎啦, 全部o岩晒呀! 真係好叻叻女架

今日星期日, 一家三口約左姨仔一大三口去左荃灣玩, 原來今日係e仔佢同姨丈既結婚週年紀念日, 我事前都唔知, 如果唔係, 我地一家就唔去做光燦燦既燈泡啦

夜晚去左"沙嗲王"食飯, 樣樣都好好味架, 越黎越肥既我, 大大話話食左三千幾個卡路里落肚, 噢~~~~冇眼睇

貪食既報應將會係~~~~大肥~~~~=.=

今日十月一日係國慶仔表弟樂樂既三歲生日, 我地去左佢屋企開生日會, 蛋糕好好味, 而且重有好多野食添, 難得婆婆今日都放假可以一齊慶祝3歲生日, 真係好開心呀~~~~~~

哎唷...哎唷....好可愛呀, 因乜解究可以可愛成咁架????

(請大家唔好見怪, 原諒一個恨bb既媽咪)

今日淇淇第一日返升低班全日班, 做媽咪既我, 始終都好擔心, 唔知佢一切適唔適應得到, 新班主任對d小朋友點呢(因為見佢唔係一個笑容燦爛既老師), 個女第一日響學校食飯唔知食唔食得多呢? 個女響學校訓晏覺又唔知訓唔訓得著呢? 一大堆問題成晚響個腦裡面轉,  所以一直都訓得唔好

今朝我七點半就起床, 見囡囡佢訓得重好甜, 唔想吵醒佢啦, 自己去刷牙洗面先, 搞掂晒自己之後, 先叫醒囡囡, 佢都幾乖豬, 叫左兩聲, 佢就願起床啦, 冇懶床....好快沖左樽milk比佢飲, 飲完佢就起床換校服啦,...

今日去左沙田搵淇淇既姨仔佢地一家三口去踩單車, 雖然踩左一個下晝, 好累好熱好辛苦, 但係都好開心呀....不過對d衰蚊黎講, "佢"地就重開心死啦...咬左淇淇隻腳仔好多啖呀我睇見心痛死我啦