今日見到面......但係你就"受傷" , 見你啲反應, 應該都好痛!

........呢啲係咪叫......樂極生悲? 你睇吓駛唔駛搽啲藥膏之類, 等佢快啲好?

仲有你記唔記得, 唔係第一次受傷?  我諗我哋要檢討吓, 究竟係邊度出問題, 點解會導致受傷?

好!就咁話, 下次嘅課題就係研究受傷原因!....

p.s. 唉.........你都係唔記得, 完全唔發現你自己唔記得啲咩, 唔係我神秘, 係你無心干呀! 已經唔係第一次喇! 你唔記得咗我生日呀! 蠢!

終於收到短訊, 但只因為今日打風, 原來仍然唔記得, 完全無件事!

我有諗過係咪要嬲? 但係嬲咗又點? 只係自己激氣, 對方根本不痛不癢!

收到短訊, 如果平日嘅我會已經好開心, 因為打風都會擔心我.

但係今日..........真係好失望.........

無記性, 無心干, 無心裝載, 粗心大意,

係咪男人就係咁? 定係女人太過小心眼?

我由前日開始等, 等到而家, 一個電話, 一個短訊, 都無!

係咪我太天真? 定係我要求太多? 希望太大? 係我自己一相情願?

.....啱嘅.....無嘢係應該, 我又唔係邊個, 又唔係咩人!   

有一種講法  "時間一久愛情 就會變成感情".

有人話食朱古力, 會令人有戀愛的感覺.

又有一種講法 "愛情" 係有保鮮期, 時間太概三年左右, 過咗保鮮期就會開始對對方失去興趣.

咁.....你係咪都開始對我失去興趣?

我發覺, 我有經前證候群的問題, 經期前情緒上落特別太, 尤其容易情緒低落, 特別容易喊.

上個星期已經開始唔開心, 好耐見你唔到啦, 又冇你消息啦, 今個星期要趕公司嘢, 阿姐又癲我, 個人又倦又累, 完全係低點.

尋晚見完你之後, 心情又好似開朗番, 可以見到你.....真係好!

我成日都話上天好公平, 有得就必有失! 俾得一樣嘢你, 自然就會少一樣嘢. 相反你少咗啲嘢, 就會俾番啲嘢你.

有啲人其貌不揚, 但係口才了得. 通常靚仔, 都生得矮. 高瘦啲女仔通常都無乜身材. 有身材通常都係有啲肥.

你越係想要, 就越係得唔到, 返而無諗過, 就偏偏安排俾你.

個天對我亦唔例外, 我諗就係因為我貪人哋啲嘢, 所以一直都得唔到.

我哋真係好耐無行街食飯睇戲, 到而家我仍然覺得, 只要你係我身邊, 就覺得好幸福, 好開心! 係咪好白癡呢?  

無論點都好, 好多謝你年廿九抽時間陪我, thankyou! 

牡羊座.(白羊)
衝動第一名，做事後悔第一名，火氣大第一名，大膽第一名，敢愛敢恨第一名。

金牛座.
穩重第一名，節檢第一名，貪財第一名，可靠第一名，吃苦耐勞第一名。

雙子座.
八卦第一名，聰慧第一名，Crazy第一名，幽默第一名，多話第一名。

巨蟹座.
體貼第一名，愛吃第一名，愛家第一名，孝順第一名，多愁善感第一名。

獅子座.
自信第一名，愛現第一名，要面子第一名，品味第一名，風度第一名。

處女座.
細心第一名，挑剔第一名，愛乾淨第一名，小題大做第一名，吃醋第一名。

天秤座.
愛美第一名，猶豫第一名，懶惰第一名，善辯第一名，公正第一名。

天蠍座.
癡情第一名，扮酷第一名，魅力第一名，冷冰冰第一名，理智第一名。

射手座.
貪玩第一名，猜忌第一名，糊塗第一名，可愛第一名，勇於嘗試第一名，心無城府第一名，愛自由第一名，。

摩羯座.(山羊)
嚴肅第一名，鎮定第一名，忍耐第一名，認真第一名，保守第一名。

水瓶座.
好奇第一名，好學第一名，創意第一名，另類第一名，創造力第一名。

雙魚座.
心軟第一名，敏感第一名，多疑第一名，愛作夢第一名，胡思亂想第一名。