月尾我就搬屋，重要搬到入去元朗咁遠！但係咁喎，今次搬屋應該會幾開心，因為地方大左之餘，重可以種花，又可以帶朋友仔返屋企，（朋友仔係我對貓貓既稱呼）！！！

lee個就係新屋既開放式廚房

lee間就係細房,即係雜物房

lee間就係我既睡房

lee度唔洗講都知係廁所啦

其實重有個天台架,不過唔記得影相!!!

愈大就會愈來愈想擁有愈多既東西,包括本來係別人的東西!

愈大就會愈胆子小!

愈胆子小就愈想得到!

得到後,

就愈怕失去!

麗霞～～一個普通，但係好聽既名字！任何一個為人父母既，都會攪盡腦汁，幫自己個如珠如寶既小乖乖改一個好聽既名字，我既父母都唔例外，為我起左一個既美麗動人，又如詩既名字！

雖然係好好聽，但係由細到二日前我都唔喜歡自己個名，因為．．．細個果時一返學實比老師罰抄，因為上堂唔聽話，通常一抄都係一百幾十次！抄抄下，我開始唔鍾意自己個名！

大個左出來做野，每一日返工都要簽到，又要每日寫自己個名一次，咁樣樣之下，我直頭可以話係討厭自己個名！

但係又點解會係二日前喜歡上自己個名呢？可真係說來話長low．．．．．係個零月前（其實係唔記得左幾耐之前就真！）當日如常好似平時咁返工等食飯，食左飯等放工，就係lee個時候，有個病人訓左係病床上有點兒打冷陣，我咪問佢係唔係有少少凍呀！比多張被被你好唔好，咁我就行去拿張被被比佢，等佢冇咁凍，然後好似平時咁進入手術室，我老細（其實係麻醉科醫生之真！）話要出去查少少有關個病人既資料，咁就行左出去，剩低我同個病人同埋好似係二個定三個姑娘係度，個病人好似好緊張咁，我咪按照平時同其他人講解個程序，咁同個病人講解，講講下，我見佢好似冇咁驚，咪問佢叫咩名，佢話佢叫麗霞，我咪話low，我又係喎！咁岩既，不過唔姓，無耐我老細返入來，我地就開始進行手術前既麻醉，再然後就到放工，我都差少少忙記左果一日！

直到二日前，係我做緊野既時候，我d同事話有個人來到搵我，我同我同事講，幫我同佢講聲我有野做緊唔得閒，然後我同事同我講話個女人走左啦，但係留低一盒東東係度比我！咁我咪出去睇下啦，原來係我好鍾意好鍾意好鍾意食既朱古力，好貴架，我係唔拾得買來食架！面頭重有一張咭，我打開張咭來睇，原來係當日果個病人，買來送比我同我既同事食，同祝我地工作順利！

收到既時候我好開心，終於有人認同我做既野，好開心！

（多謝你呀麗霞！我會比機工作，我都祝你生活順利，身體健康！）

好耐都冇入過來啦

入來之前終於忍唔住send左封投訴信去大快樂!

事原係我做果間醫院既canteen係大快樂管理既,野食難食到嘔唔在講,送錯飯都由得佢,最離譜就係遲送飯呀,你地知啦我地食飯時間得果九個字,真係岩岩好架咋,遲送飯,我地就要遲食飯,有陣時送左落來都冇時間食呀陰公我同d同事就真係比佢地吹到啤啤聲啦!

所以咪整封信投訴low,好聲好氣同佢地講,重要聲大夾惡,唔投訴果個都對唔住自己啦!

心入邊有個疑問,究竟自己係咪適合做lee份工!

真係唔知道應該點做先至岩,咁樣做lee個唔高興,做第二樣嗰果又唔開心,究竟應該點做!

今日終於頂唔住，病左！！！！要睇醫生放病假！！

醫生話我係感冒菌入胃，所以胃痛，重叫我唔好飲奶呀，等我重懶醒咁諗住胃痛咪飲多ｄ奶奶ｌｏｗ，典知原來係會愈飲愈痛架！！！唉，昨晚痛到想喊，好似好慘咁，好想有個人係身邊鍚下自己，安慰一下自己！！！

今日去左覆診,個靚仔醫生問我食左d藥藥好d未,我話真係好左少少啵,佢又問點樣少少呀,我話頭暈同頭痛冇之前咁嚴重,只係有陣時有少少眼前一黑咁樣樣,個頭有陣時有少少痛咁樣樣姐,佢話即係d藥藥岩我食,唔洗轉藥喎,咁我咪話是但low!!!!

今日見佢好似靚仔左,原來係佢之前副眼鏡個問題,今日轉左副眼鏡即刻靚仔晒!!!!

真係好,今日好似所有野都好順利咁樣樣,朝早返工雖然有少少雨粉,但係有陽光啵,我好鍾意曬住陽光淋雨,個感覺好好!!!

聽日我會去橋咀島度釣魚魚同游水水,好想快d到聽日,橋咀島真係一個好靚好靚既地方,天氣咁熱最好就係可以游水水架啦!!!!!!!!!!!!