今日東方日報其中一段港聞出現嘅一幅相片,竟然有我老豆份,不過e張相應該都幾耐,因為我老豆都退咗休幾年啦! 見到老豆喺報紙上出現,感覺幾特別啊!

今日放工我地同老闆一齊走,佢叫我地聽日一齊食lunch,原來同事J先生做埋星期六就走啦! 不過唔知佢係自己唔做定比人炒呢! 聽日lunch應該係同佢farewell啦! 其實唔洗我地去都得啦! 同佢又不太熟又不太like佢,我地真係寧願我地3個自己食好過!

下個星期二會同Franky & Ling慶祝佢地b-day,依家我地仲諗緊去邊度食呀!

我發覺個blog好似愈來愈load得慢,好想轉用yahoo,不過尋晚研究過又好似好複雜咁,都係later再諗!

近排OK買滿$20有Astro Boy膠紙送,我當然有儲啦! 而且仲叫其他人比我,依家大約有7-8款,其他有d double咗,不過唔緊要啦! 今日仲有人比咗3包Astro Boy紙巾我添,好靚呀!

今日收到個唔多開心嘅消息,希望快d有轉機啦!

下個星期老公就生日啦! 我諗住送個六神合體比佢,但係依個玩具都幾貴,要千幾蚊啊! 不過佢生日,而且佢又咁鍾意,我就送依個驚喜比佢啦!

依幾日都無咩心情咁,今日lunch都無咩胃口食嘢,我真係好希望下個月可以同老公去下旅行,只要離開香港,返大陸都無所謂,我只想relax下!

5月3日

夜晚同老公睇"鐵甲奇俠",都幾好睇喎! 不過如果要同"蜘蛛俠"比較的話,我就鍾意睇"蜘蛛俠"多d!

因為今朝要6點叫老公起身,所以6點醒一醒又瞓返,一瞓就8點先起身! 仲要係即刻彈起身果隻,不過仲好眼瞓呀!

依家每晚都有追atv嘅"總有艷陽天",真係好好睇呀! 故事大概:

六十年代，戰後的韓國一片蕭條，人民都在逆境中掙扎求存。一個生於顯赫家庭的女孩，因為殖民解放後家道中落，而被迫下嫁一個貧窮的男人，婚後兩人誕下五名子女，誰知丈夫還未見到他們長大成人就突然離世，而第六名女兒剛巧就在他離開後一百天出生。

二十來歲的少女剎那間成為一家七口的支柱，面對迫人的生活及嫂嫂的勸說，她竟然把小女兒賣給城內一對不能生育的夫婦，換來的卻只是一包白米！懂事的大兒子和大女兒不忍與妹妹手足分離，遂冒險潛入醫院把妹妹帶回家中；他們此舉亦觸動了內疚的母親，決定要咬緊牙關，守護著這個家的每個孩子！七口子的艱辛溫馨生活亦由此展開……

每晚都同屋企人一齊追,連我老闆同Ceci都有追依套劇! 由於依套劇喺atv播,所以無咩人留意到,我相信如果喺TVB播的話一定好好收視!

除咗劇集,今個星期開始我都有睇TVB嘅"一百萬人的故事"! 生活喺貧窮線下嘅人生活好艱苦,最慘就係果d除咗貧窮,仲要照顧仔女又要擔起成頭家,又比男人拋棄嘅女人! 所以我幾時都覺得做女人比較命苦同捱得住! 不過聽別人嘅故事真係好心酸,貧窮令佢地生活艱苦同唔開心! 亦令我覺得自己好幸福!

溫暖在我手 不分這白晝
每日每夜都想擁有
這一個無窮宇宙  她給我前程錦繡
只有完全奉獻 令我幸福無愁

若愛會請求 天天也在接收
這一片溫柔 請准繼續要恆久
一生也不夠 緊記情義厚
驀然長相守 當歲月流逝沒變奏

逝去的不能收 珍惜還有
愛意凝聚讓恩義漸停留
害怕春暉溜走 祈求天庇佑
讓你愉快直到永久

當歲月流逝都緊扣

自從尋日lunch同Ceci & Cathy食飯講恐怖嘢之後,我尋晚瞓唔著呀! 瞓下醒下,今日好眼瞓呀! 唉...每次聽完依d嘢我都實瞓唔著!

本來諗住今日放工去睇下仲有冇Kelly Concert d飛賣,不過濠哥已經幫我問到有靚位嘅飛,而且價錢合理,好嘢!

亞Moon今日放完假返黎,lunch我地又講到雞啄唔斷呀!

老公聽日考試呀! 希望佢考試順利同有好成績啦!

天天都需要你愛　我的心思由你猜
　　I LOVE YOU　我就是要你讓我每天都精彩
　　天天把它掛嘴邊　到底什麼是真愛
　　I LOVE YOU　到底有幾分　說得比想像更快

我怕沒有這運氣　一生一世有我便會有你
因此太著意去逗你歡喜　好給你回味

我也願意信命理　看註定誰先走　是誰未到期
無恙的你　病發的我　唯有累你

無疑太愛你　怎捨得失去力量照顧你
　隨時行開了　連再會亦無期
　然而我信愛　叫你我來日往生都緊記
　無論世外人間天與地　在某一天又再一起

如我若有事你會很寂寞　你獨個行樂怎可快樂
　你沒我的運氣能先走　畢竟能早登天國
　但我若有事你要孤獨做人就重頭再學
　學習到天邊海角　一人拼摶　你這主角　沒有配角

如我若有事你會很寂寞　你獨個行樂怎可快樂
你沒我的運氣能先走　畢竟能早登天國
就算是有事你也可讓別人再做你主角
但是你怎希罕那　一場寄託　是我多口令你發惡

依兩個星期又出街又追劇集,變得好少上網!

前日3號風球又大風又大雨,放工返屋企好狼狽呀! 由於咁大風大雨,所以都無再出街! 夜晚同屋企人喺屋企睇Andy Lau Concert 嘅 DVD,估唔到又幾好睇喎,又無冷場,睇得出佢好搏命! 有閃電,有magic又有舞台劇,精彩! 其實不嬲對佢都無咩好感,覺得佢假假地,不過睇咗依個concert之後就覺得佢假得黎其實都好勤力!

尋日老公朝早晨咁早九點幾就黎接我,帶咗我去大帽山一間好出名嘅酒樓飲茶,果度d空氣就真係清新! 雖然d食物唔係話好特別,不過我從來都無試過喺d咁清新嘅環境飲茶! 之後去開OK,終於都比我搵到有m & m's cookies賣,可能我對依個cookies好大期望啦,原來唔係咁好食,食完之後仲好口渴添! 下晝我地去咗睇樓,睇咗咁多個我同老公最鍾意今次睇依個,因為有海景又望到對面海,個view好開揚呀! 不過都係諗諗先! 睇完樓又返咗大陸揼骨呀!

因為依幾日亞Moon去咗旅行,所以好忙呀! 今日lunch同Ceci同埋Cathy食飯,其實好少同Cathy傾計,但今次lunch我地好多嘢講,佢講咗好多佢嘅經歷比我地聽,令我同Ceci都大開眼界,亦覺得生命無常,真係每一分鐘都應該開心咁渡過同面對!

今日同濠哥傾電話,佢話可以做埋今年轉行,真係唔捨得佢呀! 如果佢轉行,我地就少好多時間一齊傾計同玩啦! 不過我都希望佢會轉到一份佢鍾意同又開心嘅工啦! 我知佢要搵份高人工d嘅工應付佢嘅婚後生活! 支持你呀!

天地大　人生起跌無常
對付難題唯有堅強
風暴下　曾經趕退患難
對著前途神態飛揚
悠悠長　無數怪異現象
為成全台板給你獻唱
你未忘掉你才越來越發亮

1. 2. 

3.  4.

1. 大粒魚蛋 - 好彈牙,好味道

2. 大菜糕 - 一般,有個綠茶糕好食d,不過無映相

3. 薯塔 - 味道同薯片無分別,不過用竹籤串住好特別

4. 平安飽 - 估佢唔到原來都幾硬