「喜歡一個人孤獨的時刻，但不能喜歡太多」節錄自陳綺貞「太多」。

一個人會喜歡上孤獨的時刻，我覺得都是迫著喜歡而已，根本沒有人真的會喜歡做孤獨精吧。既然孤獨是迫著喜歡的，那即是並非自己作主，那便沒可能按自己喜好，來控制喜歡它的多或少。

幸好孤獨的時候，仍可聽聽陳綺貞的歌，那才不致孤獨得太過可憐。

身邊有 d 人，深信一 d 未落實 o既 事，如果講左出黎，就會泡湯，因此佢地全部都係吳廣德。

我一直唔太相信呢種唸法，因為我唔覺得佢地有咁大能力，只係講下，就可以左右一件事的發展。而且我亦唔明，呢種想法有咩邏輯，其實一件事係唔得 o既話，你點樣唔講，都係唔得架啦。

就因為呢類人，怕講左出黎 o既事會泡湯，所以同佢地傾計係好無癮的，呢樣又唔講，果樣又唔講，但最離奇 o既係，佢地又好鐘意約人出黎飲野吹水，你可以想像到呢 d 咁o既局，有幾無聊嗎？

我唔算一個好迷信的人，但最近卻不停遇到「666」這串魔鬼數字，你可以話係純粹巧合，但係咪真係咁巧合啊？定係有 d 野將要發生呢？好驚 wor 大佬。

因為聽錯了約會時間 (其實我覺得係對方講錯時間)，我早了半個鐘出現係中環，於是便上了 HMV 打發時間。也說不出是甚麼原因，我試聽了歐陽靖的唱片。

一直對他也沒太大興趣，但試聽完整隻碟後，我卻覺得他係有 D 野，而且他抵死的歌詞，令到因為等人而有 D 火 o既 我，心情好番過黎。

雖然人造 o既 荔枝味，其實唔係幾似真正 o既 荔枝味，但我覺得佢其實比真正 o既 荔枝味仲要香，香到我覺得三宅先生應該將佢 o既 西瓜香水，換成荔枝味。

第一次接觸到人造 o既荔枝味，應該幾年前好興 o既 椰果，其實我都唔明點解椰果唔係椰子味，而係荔枝味，但唔好鬼理佢喇，總之佢令我接觸到當今世上香味之首  o既 人造荔枝味，都算佢功德無量。

而家好多食物都有荔枝味喇，好似雪糕啦、紙包飲品啦，希望第時可以發展到沐浴露，都有荔枝味啦，咁泥豬都可以變黎姿喇，咁呢個世界就唔會再有臭人啦，YEAH。

我多數都 o係 非繁忙時間搭地鐵，呢個時候的地鐵車廂，有好多空間俾 d 乘客做好多野，例如用扶手玩單槓、用扶手自轉扮玩緊咖啡杯等等…。生活苦悶，在微細處苦中作樂，是可以理解的，但有一個行為我就唔係好明白，就係果 d 對住車門的玻璃倒影，把自己全身衣著，作720度環迴立體照 ge 果 d 仁兄。

既然你(多數係「妳」)博晒老命係咁照，即係其實妳都幾注重自己 ge 儀表呀，咁點解妳唔 o係 出門口之前照清楚先呢？如果妳果身衣著真係出左問題，咁妳由屋企去到地鐵站果條路上面，應該已經出晒醜架喇wor。

同埋，如果妳真係 o係 地鐵車廂照到自己的衣著出左事，妳係咪會搭返車返屋企，轉過 d 衫 先再出黎呢？若果妳真係會咁做，咁點解妳真係唔 o係 屋企照清楚先出街呢？

奇怪！

人的口味真係一樣奇怪東西，它的奇怪在於會隨時，沒有原因地改變。

曾經我覺得兩個音節的女仔英文名，是最好聽的。例如︰susan，mary。但唔知幾時開始，我卻覺得三個音節的，其實好聽好多。例如︰susanna、marina。

當然我唔會癲線地，因為一個名而喜歡上一個女仔，但最好當然係佢有晒我喜歡的元素啦，但作為一個連一樣令人喜歡的東西也沒有的我，又怎有資格要求咁多野呢。

話時話，點解我地要有英文名啦，曾經在一聚會中，朋友七號將我介紹俾佢另一朋友認識時，他竟說我很怪，就因為我沒有英文名，當時我回應說︰「雖然我沒有英文名，但我有個泰文名，叫氹氹差。」

成鬼日都話中國人要愛國，但奇怪的是，好多在國際上有 d 名氣的中國人，卻不以中文名示人，硬係要改個英文名。拿，日本人都有很多在國際成名啊，你又唔見人地改個英文名？

山本耀司出名喇掛、北野武出名喇掛，你又唔見人地改個英文名，叫 jacky、叫 john。

格鬥遊戲中的每個角色，都有一個圖表，來分析他們各項能力。如果我都有這樣的一個能力圖表，在集中力那一項，數值一定是 0，甚至是負數。

最近飯局比較多，跟人交談的次數隨之增加，我發覺每每跟人交談到中途，自己都會遊魂到不知哪裡去了，到我回魂返來，已不知對方談到哪兒，這時候我只能夠敷衍笑笑，然後突兀的轉個話題，來掩飾自己跟不上先前的話題。

聽聞那些矯型內衣，可以將各處的肉，集中到指定的部位，唔知有無 D 類近的東西，可以把我的注意力，集中番 o係 同一個地方呢？拿，我唔需要有 36G 咁誇的集中力啊，求其 32B 的集中力都OK架喇，總好過我而家只有 29AAAAAA 啊大佬。