好慘呀. 好耐都冇試過咳喇, 唉..而家仲要兩樣一齊黎. 我最憎就係咳, 因為所有人都好似當自己係怪物咁, 一咳真係可以所有人望住自己之後就行開, 嘩, 使唔使咁誇張呀. 已經病左成個幾星期喇, 好似都冇乜好過. 反而仲嚴重左.. 一食藥就好似昏迷咁, 返工一定唔可以食. 我都好想請病假, 不過公司真係都幾多野做, 我驚一唔返, 第二日就有堆積如山既野要做, 實在唔放心請假.唉..真係慘!! 不過而家呢間公司返五日, 時間真係過得快左好多, 而家d時間仲好用左添.嘻!!

星期五終於睇左死亡筆記喇. 實在太好睇喇. 真係期待左咁耐都冇令我失望. 下一套就係日本沈沒喇. 應該好好睇既.

呢個星期日去游船河, yeah!!

尋晚知道又有風打, 就即刻上網睇下啦, 個圖show出黎個風好似好接受香港, 我仲諗住有機打風啦, 點知又係冇. 之後夜d勁行雷閃電, 又諗住或者又有機黑色暴雨, 點知又係冇.哈..我發覺我真係好想放假.. 成個8,9月都冇假放. help.... 返埋聽日就星期六喇.... yeah....

岩岩訂左聽日00:15am既死亡筆記戲飛, 我期待左好耐喇....希望好睇啦. 唔知多唔知人睇呢. 成場得我一個買飛咋, 冇人睇咪好驚, 嘻!

今個星期六原本都有船P, 不過女人既煩惱又黎搵我, 仲鬼死咁痛添, 又冇得玩喇.. 好彩下個星期日都有船P, 到時冇晒煩惱, 好開心呀..希望果日會好好天氣啦.

好耐都冇update過hompy喇. 都係我朋友突然提一提, 我都可能唔記得, 嘻!

我終於都開始左我穩定既工作生活喇, 我都唔想成日都轉黎轉去, 係呢間公司度岩岩做左一個月喇, 雖然工作環境就真係悶左d, 同d同事又冇乜野講, 但係尚算ok啦, 返五日工, 都算係咁啦. 希望做耐d會好好多啦.

同男朋友都係咁, 一個字 [悶], 同佢已經冇乜野講喇, 兩個人行埋一齊都係唔出聲, 搭車食飯都係冇乜野講, 再係咁落去, 我真係唔知仲有幾耐時間繼續行..唉.. 點解每一個男朋友我都係維繫到三年就繼續唔到呢, 究竟係我有問題or佢地有問題呢?

尋晚睇左魔盜王, 都唔算十分好睇, 不過都值得一看既. 黎緊我最想睇既都係死亡筆記, 好期待呀..

近呢2年, 我既感情生活真係只得一個字 "淡", 或者"悶". 同佢行左先就黎3年, 但係都唔知做緊乜, 冇打算, 冇諗過將來.... 而家仲要成日都鬧交添, 我同佢只係拍拖既頭半年係最好既, 之後都係一直咁差落去... 我年紀唔細喇, 都唔知點做好...

o係而家呢間新公司做, 又包Lunch, 每日下晝又有面包俾我地食,公司d妹妹仔又成日食零食, 我就係日日都咁樣食野, 攪到肥左, 加上我而家已經冇以前咁成日都話要減肥,所以就肥左喇, 我諗我都係時候要減減佢....

7月1日係公司旅行, 我做左大約1個星期公司就攪旅行喇, 未過試用期都竟然有得去, 但係我本人唔係咁想去, 可能係同d人未熟, 而且仲係去大陸添..唉... 我成個team都去, 唔通唔去咩..希望會玩得開心啦..

我好想去沙灘呀..........陽光與海灘

呢個月係世界盃既日子, 我就差唔多晚晚都睇, 真係累得好緊要.. 返工又多野做, 不過有野做好過冇野做, 因為冇野做一定會瞓著.

返左兩個星期工, 都覺得幾好. 因為d同事都幾好, 而且公司既自由度都幾高, 返工暫時未有壓力...只係呢間公司成日都要OT, 呢樣係我最唔鍾意既... 不過我唔會俾自己做到咁夜既

今日返左第二日工, d同事都ok, 不過我諗我係唔會識得晒既..嘻. 不過我知道d人成日都OT, 仲O到成點鐘, 我聽到真係好驚, 點解會有d咁既人? 又唔係做merch, 為咩事有咁多野做... 我真係唔想好似佢地咁, 希望唔會啦... 聽日都有份工叫我去見, 我仲考慮緊, 人工方面我已經講過要多d喇, 佢都叫我去interview, 我真係唔想去到人工又壓我, 好冇意思嘛...

唔知係咪冇返工咁耐, 而家要早起身, 攪到我呢兩日都勁頭痛, 痛到一定要食藥, 唔通真係要早d瞓? 夜晚先係我既黃金時間, 我唔想10點鐘就走去瞓覺呀...

我隻狗狗唔知點解呢排成日都好似抖唔到氣咁, 成日喘晒氣咁, 真係驚唔知係咪身體有毛病, 要搵日同佢去睇醫生, 我上網睇過話狗狗如果有呢d毛病, 或者係心臟呀, 好多事.. 要check下係身體邊度有問題..希望阿b冇事啦..

呢排天氣真係好差, 成日都落雨...見親工都係落雨既, 好處就係冇咁熱..不過真係好麻煩.  我好想去游水呀, 落雨游水真係好凍架, 上個星期我已經試過, 真係成身震晒, 仲好驚會病添....

岩岩又出完去見agency, 好似又家d agent都要見人, 其實係好定唔好呢? 我就唔係咁想喇, 因為好麻煩, 見完又唔係一定有工介紹俾我,我寧願send我幅張俾佢地睇, 我諗佢地都係想睇下我地個樣姐, 我知道有d公司好衰, 真係要睇樣, 身形,外形... 我諗我冇乜agent要見喇掛, 都差唔多見左好多喇..希望快d搵到適合既工啦.

今日又唔知有咩好做喇, 好悶.....