開始融入公司生活...
工作已經令我變得知道如果看待人與事
亦知道如果令自己變得更加堅強

係公司半年來,初時係不斷的比人罵
呢樣唔得,果樣唔得
寫報告都寫左N次了

不過依家我將錯既地方反復思考
每晚都做返筆記
所以依家都冇咩大錯了
亦由剛入黎唔敢對客講野到依家同客都有D溝通

最近正在睇緊勁舞SINA Idol入圍名單
真的很有水準哦~

呢度只係一部分,如果有既會同大家分享

呢個月我身邊既人同事都有新轉變

公司係咁調人,1個月內成間公司都唔同曬

我就上星期正式成為正式員工,又係變

感情又係....身邊朋友也是

全部都正在變

在咁多變化既環境下成長,我學會更多東西

更加學會人生就是千變萬化

要在這環境成長不容易

但好在同事朋友也在支持我

知道我在變,不是亂變,而是順應環境而變

這樣可以算是學會如何適應新環境吧?

上星期日同慈慈去睇哈利波特同動漫節
哈利5真的沒想像中好看
應該係最長既一套戲變得咁短...好無趣啊>.<
但最後鄧不利多同佛地魔一戰補返少少既
下集應該會有更多戰鬥場面的,要拭目以待囉~

之後我地去食牛什米....25蚊有野飲又有油菜
連我都話飽...真好>.<

之後我地去旺角潮特...剛好那間平時賣龜龜公仔既鋪頭要執
全部野大平賣全部只係50蚊
見慈慈係咁講個龜女攬枕得意
就知佢想要,所以買左比佢,佢好開心,仲話要好好保護佢~

之後就去灣仔食許留山..出左新的"芒之戀"系列
所以去試下....都幾好食既..只係35蚊可以再平D~

之後我地就去動漫節了
我地去左東立攤位..我買新一期蠟筆小新同補返D唔見左既期數
又幫慈慈買左3本魔法王子(全期四本,但冇左第3本,後來陪佢去葵芳買衫時順便買埋),因為佢已經來回兩次了,哈~
之後我地都係行下咁....去埋megastore買"阿呢"四格漫畫x2就送佢到葵興搭巴士...之後我就搭巴士走~

琴日本來慈慈係家中可以長訓休息唔洗返工
但星期五佢收到通知話要返,佢那時好唔開心
佢已經冇長訓成兩星期了,精神唔夠
我決定琴日特地去佢返工既地方陪佢食飯
一見面佢就笑...唔知笑咩呢
之後點左D野食....
一路食一路傾計...攪到個麵都未食曬已經超飽
之後我比手鏈同Naruto卷軸比佢
佢好開心^^
之後再傾多一陣,佢送我搭巴士..佢就返去公司啦

工作差不多有1個月了
過程中學到很多野

更知道如其想著過去的事
不如應該去想如何做好現在的事

我情緒低落,常有壓力的性格已經不是第1次發作
對上1次應該係AL的時候....

今次就係因為工作關係所以有壓力
本來已經心情唔多好......
見到Ellen唔開心就更加....
我已經講過好多次
別人的情緒是動搖不到我的心情
只有自己本身已經唔開心先會被動搖

呢幾日因為工作已經好大壓力
仲去關心佢工作上ok唔ok?
心情還好嗎?
反而是被拒絕....

我一直只講每天的一小部分
因為根本上講唔完
其餘的寧願自己收埋算了
因為驚佢會更心情低落

所以只好找穗穗傾下計
聽佢一講心情好左好多
不是因為她好好傾
而是因為有人比我去訴苦
我不要求有答案,只是比我去講下已經ok的了

考試方面真的無關係.....
因為我的同事都係肥佬收場...
但已經做左差唔多3年了
所以不如做好依家既工作好過考試.....
同她不用擔心我

時間已經越來越少了
見到穗穗可以同光識左1年多仍然好好感情
反見我自己不懂處理問題
係我唔成熟呀?定我不懂得如何對待感情?

現在我只好等著她....聽她的聲音
記著她的臉......

近幾天都再找一些關於如何成熟的文章,依家我重新整理後得出以下11個重點

1.成熟不是一朝一夕就能達到,而是從人生經驗中的錯誤,經歷,挫折,各種喜怒哀樂學習而得到的

2.諗野唔好單方面想,要從多角度去做假設性問題,從而得出答案,不要斤斤計較

3.成熟的人一定要對所做既事負責,稱為責任感

4.成熟的人是要改變自己來面對自己的問題,改變的程度不需要大,只要肯改就行

5.成熟的人面對與自己不同的理念或意見時,應該是互相討論而不是互相爭論

6.緊記世界上是沒有和你有一樣理念的人

7.成熟的人話人不夠成熟的人前,先想想自己是不是一個成熟的人

8.成熟的人行為低調,做事認真,有上進心,言語談吐得體

9.成熟的人要學會忍耐和尊重別人,每個人都想要有自己的私人空間和秘密

10.成熟可以多角度睇,處事成熟的人不等於愛情會成熟,相反亦然

11.講野同做野前要三思而後行,被人責備時不要先反駁,而是一笑而之,才再去想是不是他對

唔知大家同唔同意呢?