返來啦！正式成為黃師奶喇！

仲要返左一星期工，忙到失蹤！

終於拎到相，希望今個weekend有d私人時間寫網誌啦！

超忙！人啊~人啊~ 幾時有人返工呀？我依家一個頂三個呀....

放假真係要還ga...我依家聲都唔敢聲，鬼叫你之前咁爽放左三星期大假咩？

正式放婚假了！第一日的節目，除了睇醫生之外，就係同第二至愛去見我的至愛 -- 克勤演唱會。

好聽，就一定架喇！

連病中的我都睇得好開心 & 興奮。

現在滿腦子結婚事的我，演唱會中不停在腦內搜索：到底克勤有咩歌適合我結婚用既呢？.... 又要D詞適合、又要旋律唔太傷感.... 

好難諗，諗到既可以留言挑戰我呢個超級粉絲！

新春在老家執屋，發現好多好有紀念價值的東西，包括：中學的紀念冊以及一些好友的小卡。

真的三歲定八十。十年前的評語，到今天再看還是覺得非常有用。原來不少新舊朋友也曾說我做事太認真，勸我不要那些緊張，放鬆心情，不要常常將太多事情或責任也攬上身。

原來我一直也改不了這個習慣。或是，我這十年也沒有進步過？

其實認真的我好容易變成待己嚴、待人寬。因為我明白到我不能要求別人做得如自己這般好；當別人做不了自己的要求時，我很少要求別人再做，反會自己去完成，總認為自己幹得比較好。這亦是management方面的一個盲點。

在社會上打滾時間長了，開始了解及相信每個人有不同的特質及個性，如何令別人跟從自己的一套、推動別人做得好成績、跟進每個人的進度、放手讓別人完成自己所安排的任務，也是一門非常複雜困難的學問。

來年還要多多學習。

恭賀新禧！

在此正式宣佈：這是我最後一年以阿女的身份過年逗利是！

我要盡最後努力衝刺！！

這個年假，將會貫徹往年做法，終於有時間停下來，回顧過去，展望將來！

進入2008年，公私兩事忙。呢兩個星期忙到甩轆，並唔係體力上的忙碌，係腦力的消耗。係咪我太認真？待己嚴、待人寬？呢個好值得我今個年假好好地想想。

上年，是充實的一年。心態改變，為自己爭取多點時間空間，需要距離目標尚有一段路。開始有點掌握management技巧，不敢說得上甚麼厲害進步，但真摯親身感受到自己點點改變。

花上好些時間預備人生中的活動 The one of the biggest and most devoted event in my life - My wedding，也不是一件容易的事。素來我也是緊張大師，又高要求又完美主義，根本是一個無形的自我壓力。

不算趕了甚麼大事，但我為自己的夢想婚禮努力，也可以是一個個人 achievement！

錢方面，儲完又冇，冇完又儲，不算太大起跌。唯一值得記下的是 -- 我小妹平生第一次作投資活動：月供股票。我選的是最最最正當、正路、穩當的大藍籌，原也是作長期投資的，儲下儲下都有一舊數目。又唔知點解我咁好手氣，無情情放假見到個市幾好，就走去賣晒D碎股，叫做賺左一千幾百左右。點知，轉個頭就跌價，我竟然係catch到全年差不多最高的價位賣出，神奇！真係盲拳打死老師傅！

因為係結婚年，所以好多錢都係左手來右手去，大桶大桶地潑出去！今年有花大錢的計劃，好驚好擔心，我驚儲極都唔夠錢。

健康方面，有進步。Keep住食的保健品真係有D效，我同二少既身體都touch wood地比往年好，常見的鼻敏感少發作，二少更見有效，強壯到依家得十度都仲係好少衫！唯一係頭痛不斷，間中就發作，唉！呢個係咪一個病？

運動方面，因為wedding關係，我積極實行跳舞計劃，成績不俗，磅數沒有明顯的下滑，但眼見線條Firm了，相信配合減食量，會再有好成績回報。同時，運動量增加，令整個人精神點、健康點、愉快點，也是好的正能量！來年繼續努力。

工作方面，正如上所言，也是不俗的發展。不過，我對於手上的客戶實在有點厭，太麻煩，亦不太尊重我的能力。口不對心，如果對我不信任，那不如不做了。連我也做得沒趣了。來年，想尋找新的發展空間及方向。

自身方面，希望實現個人夢想大計，但財力上仲有一段距離，加把勁！

今日工作至夜深，興之所至 (也是工作需要)，清理一下混亂的桌面，為大掃除 & 大假作好準備。

一下子，狠狠地清了一番！

發現，垃圾多得連自己的垃圾筒也裝不下，要借用放假同事的！

當中，不少是廢紙。

動作上的清理，引導我自我心靈的清理。

從來我這一個行業，就不是講甚麼環保，因為PR / Advertising 跟本就係一種包裝，將產品變得到靚。你件product外表一般，我幫你用個靚盒、靚花紙包好佢啦；你件產品質素普通，我幫你用浮誇的字眼，洋洋數十字去寫得好吸引.... 影印從來是家常便飯。

唉...

可能的話，我會盡力循環再用廢紙。可以不用Print out的，盡力減少，係電腦上改動。但又好矛盾，如果我唔print出來mark清楚，D junior同事又唔會知下次要點做。

我試過用o個D修改標記，但明顯佢地係按一個鈕就算，唔會認真深究。要逼佢地明白我改D咩，要求D咩，print out係少不了。

或者，今年我的大計，其中一項應該要減少不必要的用紙，盡一點點綿力。

進入2008年，沒有停下來，因為將會有事發生。

慶幸過了一個充實的2007，期待2008更好。

工作積極點，快手點，早點放工回家，是未來目標。希望可以記下這幾個星期的小事情，及作每年的指定回顧及展望計劃啦！

唔想撈，可以點？

超級想放假，仲有排等 & 捱，唉！

感動！

估唔到我既無聊文章，不單引來好友Bie的關注，連二少都好識做，嘻嘻！

星期六晚，二少事先張揚會買禮物 (邊有人會咁ga？一D驚喜都冇law！)

回來後，送上久候的Harry Potter 5 DVD一隻！多謝！想睇好耐喇，嘻嘻！

之後有一個傻佬問我，想今晚定聖誕節至收禮物？！有冇人蠢成咁？哈哈！佢話佢點收我都一定有機會搵到，同埋佢守唔到秘密，所以想一早話我知！ 激死~

登登登登！！

係Vivienne Westwood 的耳環及頸鍊呀！

真係好開心呀！因為一來二少挑的好合心意 (好難得ga！！)，同埋二來我知呢份禮物價值不菲。唔係因為貪錢所以特別開心，而係我知佢好勤力儲錢，同埋近來好多錢要花，但佢都好捨得買野送畀我，知道我近來工作辛苦想逗我開心，呢份心思令我好感動~

所以，好多謝你！

唔知係咪工作關係，開始對聖誕節冇咩期待感，而且聖誕似乎只係變成一個花錢、逼人的節日。可能人長大了，對於聖誕節的感覺冇咁強烈，只係希望有一個假期可以休息下~ (同埋執屋咯，都唔明請左鐘點都仲係咁亂既！）

我係咪太老了？.....

唯一的期待，就係一年一度的浮誇妖聚會同埋記念日！Yeah！

P.S.平安夜要工作呢~ so 灰！