近日聽番一隻周華健0既舊碟<<弦途有你>>，數下數下，原來呢隻碟已經出左十年。重記得佢係1994年出第一隻廣東話大碟<<有弦相聚>>聽完之後，我鍾意到不得了，當我知道佢出左第二隻廣東話大碟果陣，即刻就走左去買。買完，上車，拆膠袋，再放隻碟入 discman 果陣，實在係有種拆禮物0既感覺。聽完後就更加喜歡呢隻碟，因為當年好少有呢類咁清新0既音樂，而旋律亦夠簡單容易接受。呢隻碟係我最喜歡十大大碟之一。

今日再聽番，我仍然欣賞呢種雅俗共賞0既音樂。

自從上一篇慘絕人寰0既拙文 - '忙' 後，都成個月無再 update 過。

古語有云：五窮六絕七月翻身。好可惜我今個七月翻唔到身，每日都仍然係沉溺係瘋湧0既工作(包括職業，學業及興趣)。無乜近況好講。

值得一提就係我第一次玩獨木舟，好爽!不過變左隻脆皮燒豬

第一次玩滑水，可惜唔成功，如果再堅持玩落去，我估我要係陰間 update hompy 啦! 

上星期連場大雨把我身心淹沒，今日離開 office 終於見番個天! 好耐無見啦!

0黎緊八月一日就係中學同學周年聚會十周年。真係好想快 D...

完全失去預算，黎緊呢個星期仲唔死？五日有三日無得番 office，（死啦！唔想拎住部石頭 notebook 通街走添！）　仲要上三晚堂，　星期五要交二千五字 assignment，而加都仲未動筆。　如果大家打我檯頭搵我唔到就打我 mobile  啦！　祝我今個星期食得訓得，　唔好病就阿呢吉帝啦！

終於忙碌完畢，又係我最嚮往0既周末晚上，乜都唔洗諗，聽歌飲咖啡，邊個開心得過我？

今個夏天亦真真正正來臨，為左鼓勵自己，我今日買左件新玩具比自己，係套想左好耐但係又唔捨得買0既喇吧。買左番黎之後發現音色竟然仲好過係陳列室入面試聲，真係太好啦!

黎緊番工番學之外，仲會上攝影班學獨木舟，實在太期待今個夏天0既來臨啦！

上星期晒左筒菲林，呢個地方係我0既最讀書勝地，知唔知呢到係邊到？

今年終於捐左血啦! 450CC 呀! 唔知係咪真係幫到人呢？

好耐無見過咁清晰0既海景，可能係落完一場大雨再加上 weekend 無人開工，無晒廢氣。真係靚!

就黎四點都仲訓唔著，聽日仲要開會，你話驚唔驚？越驚就越訓唔著，越訓唔著就越想訓，越想訓就越精神，不過聽日就遊魂。

失眠...我真係好驚呀!

PS. 今日終於考完試，我會多 D update hompy 架啦! 記住探我呀！