今朝瞓到八點幾先願起身......遲咗成大半個鐘先返到去.....

今日真係好得閒，好快已經答哂啲e-mail......lunch落咗去買糖朝，因為peggy收少咗人錢所以蝕咗........

下晝同peggy幾乎無嘢做...hea到六點幾走人返屋企....doris約咗下個星期三唱k，yeah........八點幾herman打嚟好似講到我無做過啲costing咁........

chris今晚都係無打俾我.......................做埋facial around十二點瞓......

今朝收到doris嘅msg...佢個胃出咗事返唔到工.....同我一樣有胃炎.....真係慘....... 

九點正返到公司，仲買埋個m記豐富早餐返去食......... 攪埋doris啲costing....之後lunch去咗同matt食pizza hut.....尋晚無同佢哋去打邊爐.......

返到公司再教吓niki做嘢....又同renee响度嘆薑茶.........around七點幾就走了..........去咗買一大堆生果返屋企當dinner食.......睇埋電視around十一點就上床，不過今晚瞓得唔係咁好...........好掛住chris，忍住唔打俾佢.........

今日起咗身嘅感覺好down..........chris真係好聽話無打過我....明明係我叫佢唔好打，點解仲要去諗.........

下晝梳洗完後落咗去交租.....同埋去書局買包裝物料.....之後撘車去荃灣join nadia & tommy，買完小小嘢+大閘蟹後就撘巴士入深井........eric sham嘅新屋地點真係好唔方便，但估唔到樓價都幾平&幾靚......我要努力啲，兩年內一定要做業主！！見到啲朋友一對對，但得自己一個真係好失落，好想bf會响我身邊陪住我........around九點幾阿東車我返屋企.....

唔知點解返到屋企仲down....亂咁打電話俾人，最後call咗朗陪我.........我知道自己好傻，不過傻到最後都好在仲有理性......

瞓到十二點先起身..........好多問題好想同chris講，打咗兩次俾佢都講唔出............. 今晚嘅buffet原來真係無我份.........等咗兩個月，係咪傻咗？

下晝梳洗完只係食咗啲麥皮同埋粟米片..........之後執完屋，send咗個sms俾chris話呢幾日想靜吓都唔見唔聯絡..........佢今次好聽話咁真係唔打嚟，好down........

夜晚annie嚟咗，陪佢响附近睇樓，跟住去咗食煲仔飯然後嚟我度傾偈..........

好無心機，好down 好down..........點解個個男朋友都會令我咁唔開心，點解我嘅感情路會咁辛苦..........

今日都係無乜嘢做,hea咗成日..............

lunch去咗食糖朝...........之後hea住做嘢,攪埋啲costing八點幾走咗，好難得星期五都可以咁早走..........原本可以六點準時走，但係又費事有把柄俾人加多嘢俾我做.........今日gwen同doris都俾herman鬧得好勁.....尤其係gwen,佢仲攪笑到幾次走嚟問我佢啲單嘅status同埋跟嘢step,真係唔明佢點做merchandiser......

臨放工前同chris嘈咗一輪，因為佢同人飲嘢又唔話我知同邊個.....之後去旺角同阿立dinner....然後去佢公司拎手信..... 臨上小巴前又同chris為咗出唔出嚟嘅問題又嘈過，最後佢唔去飲嘢出咗嚟同我睇戲，去咗睇"恐懼鬥室 4"，好嘔心核突...........之後chris無嚟陪我好唔開心............不過我最mind嘅係聽日嘅事.......

尋晚發夢見到祖同佢gf响地鐵度.......好唔開心，個夢令我喊到醒咗......

今日不停咁同廠work價錢....之後quote咗group有史以嚟最低silk price俾wayne睇.....佢睇完好開心,阿sir又讚我.....嗰刻好有成功感....忽然間好想做公司最掂嘅silk girl...

lunch wayne請飲茶......之後做到八點幾走咗.....買咗個盅飯食完睇電視........之後敷埋mask好早就瞓......

尋晚又發夢見到祖..........

lunch去咗食super sandwich，個焗薯真係好好味...........

又八點左右放工，去到中港城入完錢後就返老家食飯............今晚啲餸都唔差，所以食咗兩碗飯..........睇埋電視就走了.........

最近真係好攰好攰，所以返到屋企即刻瞓........

今日返到公司真係勁唔開心，俾herman用e-mail長篇大論咁鬧我，仲要cc埋俾阿sir...........好過份呀!!自己心情唔好啫，駛唔駛咁呀？

lunch食杯麵，然後去crabtree買嘢俾angela，揀咗兩支handcream....之後撘lift時撞到阿東..........然後返公司時同tiffany吹咗陣水，佢唔舒服嘅症狀同我呢幾日好似，佢聽完後迫我食藥.......

下晝好清閒.........响度清吓mail box嘅嘢.........之後六點去咗地鐵站度找tiffany，佢真係俾咗一大堆藥我，仲有對新鞋......拎完返公司繼續做嘢....

chris差唔多七點幾先放工..打來又嬲爆爆咁話唔想今晚dinner，攪到我好唔開心佢先就番我........去咗九龍灣茜廊食扒，食完後行咗陣就一個人撘車返屋企，真係慘.......返到屋企繼續download新歌.......