2005年11月20日，有一隻小魔怪出世了，呢個就係今日生日既主角"布甸"。

2006新年前你老豆有一日打比我，問我…我地不如養隻貓好唔好呀，(唔係掛…我未養過貓架啵)，不過你老豆話有個朋友有兩隻貓無人要(你其他既兄弟都已經比人帶走了)，我當時有小小遲疑，無人要既貓睇下點先啦！仲有一個原因，我媽咪唔係咁鍾意動物。記得過左幾日，你老豆send左幾張相比我，(布甸)

就係因為呢張相，你就成為左我今日既"心肝寶貝"，亦都成為左我屋企既"皇帝貓"，呢幾張相，媽媽到今日都放係公司個電腦。唔知點解我當時會要布甸既呢！到依家我都唔明白，因為詠祈依家有時都會話︰其實布甸隻眼都幾惡，不過…我就係比佢個樣吸引左。

我同詠祈決定左要布甸之後，我地就開始四出買用品同改名，佢未返黎屋企，我地都已經買左成千蚊用品比佢，呢一個就係皇帝仔。2006年2月25日(布甸我無記錯)夜間，你老豆借左公司架車去接你返黎屋企，我仲好記得，我係屋企真係好緊張，好想快d同你見面，終於我地都見面啦！老豆將個袋比我，我好心急，即刻打開，咦，無野既…哦！原來係因為你"黑毛毛"我先睇你唔到，我好緊張呀，即刻就想抱下你，記得我地"第一次接觸"嘩！D毛毛好滑呀，你當時一定好驚我，仲記得第二日老豆唔使返工，係屋企陪你，我開頭都有小小擔心，不過…係我好擔心既時候，你老豆打電話比我話：布甸佢跟我啦！佢爬左上我個身呀呢張就係你同老豆既第一張相老豆得隻腳咋，就係咁…就開始左我地一家三口既小天地啦！布甸媽媽真係好多謝你，你帶左比我同老豆好多歡樂，而且你仲好叻仔，另到屋企當初唔係好接受你既婆婆接受你，而且仲會主動照顧你，仔豬你今日4歲啦！媽媽想話比你知，無論將來媽媽有錢定無錢，我都會咁鍚你，你要記住媽媽永遠都咁愛你架。

布甸豬…生日快樂呀！媽媽同老豆仲有妹妹，永遠都咁鍚你。

嘩！原來唔經唔覺我都成個月無打個blog啦！原因好簡單，因為我懶。

講返我係公司既近況先，自從我上個月遞過信辭職之後，我老細對我既態度真係唔同左，起碼依家佢唔會對我亂發皮氣先啦！對我黎講，當然係一件好事啦！因為真係無咁大工作壓力，不過…依家話返轉頭都好狂我老細留我，如果唔係我都唔知點過呢個金融海嘯啦！可能我走左又搵唔返一份唔使OT既工，而且人工仲。公司隔離個單位，我地都就黎開工啦！(我地租左，而且仲會打通佢添)所以我又開始有d忙啦！希望公司打通左之後生意會比以前好啦！因為對我都有影響架，無bonus架啵！

不過呢個星期都算係bad week啦！點解…話說星期二個日，我公司想係個(車立)口裝度玻璃門，咁我公司做工程，呢d野當然我地自己師傅做啦！不過呢個玻璃師傅，我都聽得佢既衰野多啦！只係我未親身經歷過，唔知佢咁大殺傷力姐，今次都唔知係我好彩定佢唔好彩啦！話說佢係轉天花既時間，佢唔小心(都唔知佢係唔係有心)轉爆左條食水喉，當時我公司有5個人係度，開頭第一聱就聽到……仆街之後叫左4聲大鑊…大鑊…，我地都心知不妙，全公司人一齊出去睇下咩事，嘩唔係下化，天花噴水呀！公司最大既Desiger就叫我地囉晒d"垃圾桶"出黎，唉！我果一刻都唔知點算好，Raymond(最大既Desiger)叫我即刻打比管理處叫佢即刻關水制，點知管理處條粉腸仲要上黎睇下咩事，問左幾句再返落管理處叫個大既去天台關水制，係佢關水制既期間我地5條友，好似返左6-70年代咁係度排隊囉水，到關左水水制之後，我當然要即刻打比老細同佢講啦！我老細第一個反應…唔係下化…咁很大鑊，唉真係"哈利LU也"願主保佑。佢之後即刻打比水喉佬，叫佢黎公司救亡，就係咁我公司打上既幾層就多得我地唔小，點解…因為關水制之後佢地係無水用既，即係佢地去玩"洗手間"係無水洗手架，真係唔好意思。呢一個過度間係維持左…1日架…。就係咁我就經過左呢個6-70年代啦！真係多得個玻璃佬…唔小。

另外…仲有5日，就係我布甸豬既4歲生日啦！我呢個媽媽，當然已經準備好蛋糕…(比我自己食啦)

希望大家抽小小時候睇下

尋日係國慶假期，上星期六又答應左兩個契女尋日再同佢地去沙灘玩，就係咁我幾年黎尋日就第一次落水啦！其實我對游水並唔係太大興趣，因為我唔識囉。

尋日我地約好12點係筲箕灣等，我地見面之後，就開始踏上我地比一日遊，點解咁講，因為尋日主角咪係我兩個契女囉，我地幾個大人都係陪太子讀書，不過…我當然係樂意啦！而且我地仲會燒埋野食添，咁都係開心既，如果想見下我兩個契女既游照，可以上我facebook睇下。

見住個朋友大肚，見住呢兩個小朋友出世，見住佢識行同講野，我真係覺得…我…老啦！

尋日終於知道…點解兩個小魔怪咁怕契爺…。

因為佢daddy同媽咪能日都話︰唔好呀…一陣契爺打呀！嘩…契爺都未打就咁驚，打左仲得了既。真係要搵日試下先。

首先講下我點解會知道有動物傳心術先，其實我首次聽呢個名(動物傳心術)係因為一間叫O.I.C.既動物用品商舖，呢一間舖頭係由一位寵物營養師(甘菁菁)同佢老公(動物傳心師)Thomas開既，就係因為咁樣，我就第一次聽動物傳心。

係一次同朋友傾計既時候，知道佢搵左位Dog Trainer 去 Train Up佢兩隻狗既時候，我就問佢有無搵過傳心師去了解佢兩隻傻狗，佢話比我知無啵！都唔知得唔得既！佢比左個web site我，就係咁我就知道咩途徑去學傳心術啦！

好…廢話小講，等我講下我尋日上堂既情況先。首先話比大家知，呢一個Course係用大半日時候上既(12:30pm to 8:30pm)。一定要有心理準備。

當我上到目的地既時候，我發現係一間僱傭公司入面上堂(唔係掛)，開門一睇…下…個個都坐左係個好細既gym room入面，開頭我覺得好怪，不過…當開始介紹呢個課程既時候…我又覺得係呢個地方上堂又無錯啵…。

Part 1 冥想 (同訓覺發白日夢係唔同)      點解要冥想，係因為要將整個人安靜落黎，點樣去到一個好安靜好舒服既環境，再由呢個好安靜好舒服既環境吸收所需既能量，再黎係建立力量。

係一個咁開心既日子，等我比一個無聊IQ題大家玩下先！

題目︰有咩生果係唔打字﹖﹖

答案︰聽日開估

祝大家

中秋節快樂

放左幾日假，我終於都返要返工啦！放假既時間，真係過得好快。

4/9 )因為係本人生日既正日，所以呢一日祈祈都放假一天，一大朝早，我地一齊落街食左個早餐，之後我地就去左超市，因為答應左個朋友，整"咖哩雞"比佢老公食，所以食完早餐就去左買材料啦！返到屋企坐左一陣就開始整野食…。當我煮好左我要整既野時候，祈祈就問我幾點出去，我話6點出門口囉，咁佢竟然…整砵仔糕。好啦！食小小都ok既…。食完又無咩好做，睇下電視，打左一機，上左一陣網，就準備換衫出門口，去到美麗華…嘩…使唔使咁多人呀！唔使錢架。不過呢一晚我要去照顧肥妹，所以我都唔係食左好多野，不過我食得最好既係…長腳蟹，我大大話話食左2碟，不過我最鍾意既"梳乎厘"我只係食左一個，之但係肥妹話飽話飽佢反而食左2個。比佢激死。到我地食到最尾既時候…我地就準備食蛋糕啦！食睇下當晚既相，就去我facebook啦！

5/9) 呢一日我訓到10點幾就起身，又無咩好做，咪上網睇下報紙囉，睇左陣電視竟然做"廟街孖兄弟"嘩…我放假有克勤陪又唔錯啵！開心死我啦！放假真係好，因為媽咪返晏，所以可以同佢食個lunch，食完佢就去返工，我就去做gym，大約5點零鐘就返屋企準備晚飯。之後就乖乖咁坐定定煲我既電視劇。

6/9)呢一我大約11點先起身，嘩！好訓得呀！今日又係做同一樣野，上網睇報紙，睇睇下媽咪起身整野食，問我食唔食，嘩…死就死啦！陪妳食小小(我呀媽出名煮野難食)，好彩一個麵姐，無問題，食完野媽咪佢就返工，我就繼續打機等祈祈放工，大約3點鐘祈祈就打返黎，話去剪頭髮，問我之後去唔去睇戲…好啦！好耐都無去戲院睇戲啦！當去拍下拖啦！上網睇下邊間有得睇﹖幾點有得睇﹖嘩4:30，打比祈祈先，佢話睇完先剪頭髮，好我即刻去準備，用最快既時間出門口，去到太古都4:20分，好在祈祈買左飛。我講左咁耐都好似無講我睇咩戲啵！登！登！我地係去左睇"80分鐘死亡直播"。呢套戲無悶場，夠激，我比佢80分。無流灘位。不過我睇到想嘔！想嘔唔係因為內容，係因為拍攝手法，手提DV走走走…跑跑跑。我暈呀！老細。睇原戲之後祈祈就去剪頭髮，我就係太古行一陣，再去美心囉月餅返去比老豆同媽咪食，其實都唔係佢地想食，係祈祈個大佬話要食冰皮，呢D野我好識做既，無問題！囉返野返屋企，兩老食緊飯，飲左柸涼荼，去走人，買野返屋企食。之後睇怪談。

7/9)呢一日我同祈祈9點就起身，因為今日我媽咪生日，我地要返黎準備晚餐，所以釣魚呢個指定節目，我地提早左，10:30am，北角等。因為一行4人囉。開頭諗住2:00pm走，點知大家都唔願走，結果3:30pm要急閃！底死。一落船4個人9'9"去完洗手間，即去碼頭買海鮮，好彩買到大蝦同鮑魚。閃上的士去胡生(祈祈表哥)屋企囉雞，因為佢整左隻咸雞，返到屋企我地就分頭行事，大家分頭開工，大約8:15分，爸爸突然話去投票，原先話飯後先去，好啦！我都行，做個好公民，佢地兩個就選返自己喜好，而我當然都有自己喜好啦！當我地投完票行返屋企既時候，頂…落雨。3個人又急步返屋企，返到屋企，開枱食飯，因為尋晚媽咪正日生日，所以我個好同佢男朋友都返左黎食，我圍8個人，8(食送)1湯，仲有紅酒添。一餐豐富又好味既晚餐，就咁就食完啦！

仲有下文架……待續……