今日打打下機,忽然間個鍵盤冇反應,係咁按都冇用,要我出絕黎打爆個鍵盤先冇事,我已經決定左,聽日一定買番個鍵盤,掉左個死....鍵....盤。

琴日眼訓過頭,訓左,今日再寫。

第一日就望住天空過左,之後起身,成個營地d人都訓晒,係得幾個坐係度發呆,我咪陪佢地呆坐,因為第一日冇沖涼,成身男人味,加上呆坐,好似拍緊cd封套.......坐到7點幾,大部分人都起左身,就食早餐(麵包+牛奶),係屋企食得多,而家樹林度食別有一番風味。

之後去左玩第三個遊戲,游線飛過河,遊戲地點好鬼靚,有一個小瀑布,淙淙流水,如果有相機一定影底佢。第一個玩個時,因為條繩拉得唔夠衡,所以去到中段就去到水面,之後成身濕晒,果時個個都以為要落水,個個都驚玩,之後知道要拉衡d,後尾只係d重人先跌落水,我梗係冇事啦,之後有d人想整估其他人,就唔埋濕身去攞水整人,整到人成身濕,好彩我冇事,避過左。去到最後,全場都要求個訓導主去玩,知後大家好似傻左咁,落晒水去整估個訓導主任,結果個訓導主任成身濕,我地當然心都涼晒,因為佢都罰過我,我梗係好心涼。

之後就要離開營地,準備去宿營地點,但係要清理營地,我因為冇訓過,所以好累,好懶地執野,但惡夢開始啦,竟然叫我搬一袋30kg嘅野去宿營地點,仲要行30min,嘩,我開始明白咩叫貼錢買難受,每行一步就係個心度鬧屈我黎果個,唉,仲慘過起長城,搬完之後成隻手廢左咁。

因為要搬野,結果冇食飯,要餓住玩next game,next game係類似野外定向嘅遊戲,要依照一幅圖去搵物件,搵完之後就要做任務,我地個team群策群力,好快就完成,但係要走黎走去,好鬼累。之後就煮晚飯,今餐因為有老師一齊,所以好豐富,有咖哩飯,意粉,依餐係唯一食得飽。

之後就番房訓,因為我之前冇訓過,所以好快訓,緊係沖埋涼先啦,我超快訓著,旁邊超噪我都聽唔到訓左,咁就過左第二日。

第三日就6:30起左身,擦完牙,食埋早餐,玩都兩個小遊戲就出camp,番屋企途中都訓著左,咁就完左個camp了

今日老闆請食飯,去左城市花園酒店食自助餐,係慶祝我地會考成功,依餐食得好鬼飽,其間仲攞老闆黎講笑,非常開心,希望將來有幾會再食過。

終於有時間寫日記,琴日因為要番工,累到死咁制,所以唔得閒寫,今日就寫番camp發生d咩啦!!

係第一日,早上就同d團友去左超市買5餐要食嘅食物,因為限制要每人$30 5餐,所以諗爆頭,係個超市四圍走,係咁叫埋d婆乸數,結果都要超資$130,終於買左5餐,有麵包,杯麵,牛奶,意粉,餅,午餐肉,蛋...... 都算幾豐富,又有營養。

之後就去左集合,然後搭車去營地,路上有講有笑,就到目的地之前,有人大叫左邊有女係營地,全車立即大笑,其實果係目的地,但司機唔識停,唉,攪到好耐先去到。

到左之後,就要立刻去行石澗,嘩,原來石澗好鬼難行,又驚跌落水,d石又平又滑,所以行動非常慢,結果領隊取消行石澗,改行山路,雖然冇水,但都幾難行,佢仲要係上山,幾辛苦。

行完山路,就回營地去搭營煮飯,搭營果時都冇咩問題,只係有個營少左支營骨,要周圍搵,最終到起到營。之後去煮飯,第一日就食飯,菜同肉圓,都幾好味,但因有10個團友,所以唔夠食,要開埋d杯麵黎食,先至半飽,為有咁樣挨成晚。

去到晚上,就玩d 個人同團隊遊戲,第一個係叫人生路,要戴眼罩,捉住條繩黎行,因為條路係設係山邊,所以有好多大石同樹阻住,攪到我要跌左兩次先完成。之後就玩團體遊戲,合力係原地攞係好遠個波,但唔可以離開原地,我地合團體之力,終於完成。跟住就玩救生圈,係要一個隊友行係所有隊友捉住的繩上面一個圈,開頭玩d隊友都幾輕,但都好吃力,因為要自己一個拓住個隊友係繩到行,要好大力先得,行左3~4個,隻手掌就開始痛,仲要d隊友一個俾一個重,所以非常吃力,而到關計行時,佢失左平衡,跌左落黎,擦傷手,去到我行繩果時,因為我都幾重,佢地隻手又痛,所以我左搖右擺都完成唔到,仲跌左兩次,好彩冇事,我借d以叫左最重個去行,嘩,佢一踏上黎,隻手超痛,差d叫阿媽,我地攪左好耐先完成到,之後成隻手廢左咁去玩第二個遊戲‧之後玩埋游繩下山同黑洞,最深刻係黑洞,申手不見唔指終於見識到,去到黑洞尾有塊布阻住,我攪左好耐先出到黎。玩左5個遊戲,已經去到3點幾,番營訓覺,但係訓唔到,要眼光光望住天變光。

唉,咁就過左第一日了!!!

待續~~~~~~~

明天就出camp,所以今日要準備好,仍有一個問題,就係食,要用$30黎食5餐,都唔知點買。

等我番黎再同大家講係camp發生咩事啦!!!!

今朝一起身,即刻收到奪命追魂call,來電者竟然係學校老師,佢打黎話叫我做咩唔交去camp果張回條,跟住就係度話個camp攪左耐,又話要同人交代,學校浪廢金錢,但係會煩到人,所以要俾個答覆,講左依d野成5~6分鐘,我都係應係~~嗯~~~係,之後我就話我會俾個答覆。

跟住佢就問我去唔去,我就話唔去,佢話要俾個理由佢,我話冇興趣,之後佢就滔滔不絕地講左點解一定要去的理由,大約4~5分鐘,就問我俾唔俾到自己一個理由話唔去,跟住又串我暑假你都冇咩野做,我話間中番工,佢即刻串我一定係成日都講個藉口唔番工,唉,為左唔想再煩,話去囉,佢先收線。咁就俾人屈左去camp喇!!!!

原本已買左好耐嘅中六書,今日終於無無聊聊地攞黎睇,本身今日想開枱,但係唔夠腳,三缺一,結果就冇節目,又係睇書過日晨。

講番d中六書,一打開,即刻令你開心死,由其係pure maths同經濟,真係聞所未聞,驚喜百出,立即諗到之後果1年零8個月都要對住依d野,整個中六一定畢身難忘,又其係經濟,嘩,果d圖真係奇景,唉,開始擔心我中六點過?!!

唉,又落雨,睇天文台預告,下個禮拜仲有排落,唔知幾時先睇到溫暖嘅太陽

雨天常在,只有繼續寄情於邊荒,今日一口氣足足煲左2本,本身以為主角隱守邊荒,點知俾人攻陷了,仲要俾人打暈左10多日,女主角仲要俾人捉鬼左,而家就講點去救番女主角。今日又再感覺書不離手那種上癮的感覺,好似追緊電視劇咁,真過癮。男主角又開始屈機喇!!